मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

समिधा

क्रान्ति · · जे न देखे रवी...
लेखनविषय:
कविता
काव्यरस
शांतरस
उभ्या जन्मात मी बहुधा तुझ्या यज्ञातली समिधा || कधी मी सावली झाले तुला ग्रीष्मात जपणारी तुझ्या बहरात मी झाले कळी गंधात रमणारी बहरले धुंद मी कितीदा तुझ्या यज्ञातली समिधा || कधी अभिसारिका झाले, प्रिया झाले, सखी झाले रमा नारायणाची, शंकराची पार्वती झाले कधी कृष्णा तुझी राधा तुझ्या यज्ञातली समिधा || तुला पाहून माझ्या अंतरी प्राजक्त दरवळतो कुठेही जा, तुझ्यासाठीच माझा जीव घुटमळतो प्रिया, तू सूर्य मी वसुधा तुझ्या यज्ञातली समिधा ||
वाचने 3277 वाचनखूण प्रतिक्रिया 10

धनंजय 07/09/2009 - 23:53
चित्रपट गीत म्हणूनही मस्त. ही कविता वाचताना शेजारच्याच "समृद्ध करणारे असे काही" सदरातले "येणार नाथ आता" हे गाणे ऐकतो आहे. अशाच एखाद्या चित्रपटातल्या शांत-उदात्त नायिकेच्या दिनक्रमाचे चित्रण होताना वरिल कविता स्वरबद्ध होऊन गायली जात आहे, असे चित्र डोळ्यांपुढे आले.

बिपिन कार्यकर्ते 08/09/2009 - 00:04
असेच काहीसे वाटले. कुठेही जा, तुझ्यासाठीच माझा जीव घुटमळतो निरपेक्ष प्रेमाची परमावधी. अवांतर: ही कविता वाचताना 'दुःखाच्या वाटेवर गाव तुझे लागले' वगैरे आठवले. बिपिन कार्यकर्ते

ऋषिकेश 08/09/2009 - 10:17
समिधा हा शब्दच मला फार आवडतो.त्यागापेक्षा वेगळे असे आत्मसर्पण त्या शब्दात भरले आहे. आणि त्या शब्दाचा चपखल वापर करून कविता अधिकच खुलली आहे असे वाटते ऋषिकेश ------------------ सकाळचे १० वाजून १४ मिनीटे झालेली आहेत. चला आता ऐकूया एक सुमधूर गीत "माझी न राहिले मी...."

यशोधरा 08/09/2009 - 15:47
>>समिधा हा शब्दच मला फार आवडतो. त्यागापेक्षा वेगळे असे आत्मसर्पण त्या शब्दात भरले आहे. असेच म्हणते. सुरेख कविता.

अनिल हटेला 08/09/2009 - 15:37
नेहेमीप्रमाणे सुरेख कविता!!! आवडली.... :-) बैलोबा चायनीजकर !!! I drink only days ,which starts from 'T'... Tuesday Thursday Today ;-)

प्राजु 08/09/2009 - 20:04
सुरेख!! निखळ समर्पणाची भावना आहे. खूप आवडली. - (सर्वव्यापी)प्राजु http://praaju.blogspot.com/

अन्वय 08/09/2009 - 20:24
क्रांती, छानच झालीय कविता तुमची "करून झाले' ही गझलही खूप भावली