नवा सेवादाता

परवा रात्री पर्यंतचे लेखन घेऊन सर्व विदा नव्या सेवादात्यावर चढवण्यात आणि तो येथे पुर्ववत करण्यात यश आले होते. या आधी ह्या कामात असंख्य अडचणी आल्याने पुर्वसूचना न देता हे काम केले. मात्र एवढा मोठा विदा उचलायला खूप वेळ लागला. तसेच काल सकाळपासून डोमेन नेम सर्व्हरचा घोळ झाल्याने. नवीन जागेची घोषणा करायला वेळ लागला. त्या दरम्यान मिसळपाववर काल लेख (३० ) प्रतिक्रिया (३२९) व्यनि (५० ) आणि खरडी (५८१) असा वाढीव विदा तयार झाला होता. आता समोर दोन पर्याय होते. एक म्हणजे कालचा दिवस गहाळ करणे. आणि दूसरा म्हणजे कालच्या दिवसाचा विदा या नव्या जागी जोडणे. कालचा विदा रात्री जोडण्याचा प्रयत्न केला होता. मात्र त्यात अडचणी आल्या. आज सकाळी मिपा सुरू झाल्यावर जो भुताटकीचा प्रकार झाला तो त्यामुळेच. पहिलं म्हणजे एकाचे लेख दुसर्‍याच्या नावावर, आणि नवीन लेख प्रकाशित व्हायचा मात्र तो पहिल्या लेखाच्या जागेवर. शेवटी यावर तात्काळ उपाय म्हणून कालचा दिवस गहाळ करण्याचं ठरवलं आहे आणि आता येथे नव्या जागेवर कालच्या दिवसभरात झालेले लेखन हटवल्या गेलेले आहे. मात्र कालचे लेखन नष्ट केलेले नाही. जुण्या जागेवर ते तसेच आहे. आज संध्याकाळी किंवा उद्या त्या जागेचा पत्ता जाहीर केल्या जाईल तेव्हा तुम्ही तो विदा तेथून घेऊ शकाल. कालच्या भरभरून वाहणार्‍या लेखनाच मिपा मुकतंय याचं वाईट वाटतं तसेच ज्यांचे लेख नाहिसे झालेत त्याबाबत दिलगिरी व्यक्त करतो. सरपंच.

खरडवही पुर्ववत होण्यास थोडा वेळ लागेल असं दिसतंय.

आता खरडवही नीट चालतेय असं दिसतंय. कुणाला काही अडचण येत असेल तर कृपया येथे द्या. खरडफळयाची लिंक सुध्दा ठीक झालीये. सदस्यांना पुन्हा एकदा विनंती करतो आहे की मिसळपाव वर येण्यासाठी मिसळपाव.कॉम ह्याच पत्त्याचा वापर करावा. मिसळपाव.इन हा राखीव आणि केवळ काही खास परिस्थितीतच वापरावा. ह्यामूळे मिसळपाव शोधयंत्रात कायम वर राहील. :)