एका खऱ्या विषयाला वाचा फोडण्यासाठी जे आंदोलन सुरु झाले होते ते अपेक्षेप्रमाणे राजकिय अजेंड्यावर गेले. नीट परीक्षा हा विषय आता ईतिहासजमा झालाय. नंतर घेतलेले विषय जसे की वोट चोरी , एस आय आर वगेरे ह्याला जनाधार तर नाहीच पण कोर्टात भक्कम केस उभी राहील असे पुरावे पण नाहीत. मग फक्त अजेंडा रेटण्यासाठी चुकीच्या बाबी पसरवणे सुरु झाले. एकजात सारे म्हणजे विदेशी पत्रकार, युएन, भारतातील पत्रकार, भुछत्राप्रमाणे उगवलेले इंडीपेंडंट पत्रकार, तुनळी पत्रकार ह्यांनी एकदम डराव केले तर ते खरे मानले जाईल असा बहुदा ह्या लोकांचा अंदाज होता. ह्या बाबी कदाचीत २० वर्षापुर्वी होत होत्या. आजकाल बातम्या सगळीकडुन येतात मग लोकांना त्याची सत्या सत्यता पहायला मिळते. त्यामुळे ह्या २.० आंदोलनाला कुणाचाही सपोर्ट मिळत नाहिये.

आता तर हसे होतेय. म्हणजे जे दोन कॉकरोच म्होरके अटकेत आहेत त्यांना तिरंगा फडकवला म्हणुन अटक केली असा तो राग यच्चयावत सगळे आळवता आहेत त्यांचे हसे होतेय. लोकांना त्यांच्या अटकेचे खरे कारण माहीत आहे. पण वेड घेउन पेडगावला जायचे प्रयत्न करता करता आपणच वेडे ठरतोय हे ह्यांना कोण सांगणार?

बाकी काहीही म्हणा, या आंदोलनकर्त्या तथाकथित नेत्यांच्या पांचट चाळ्यांमुळे भविष्यातील होऊ शकणाऱ्या आंदोलनांवर विपरीत परिणाम झाला आहे. भविष्यातील आंदोलने कदाचित चांगल्या हेतूने केली जाणार असतील तरीही त्यांच्याकडे लोक संशयानेच पाहतील. १४-१५ वर्षांपूर्वी केजरींनी केलेले आंदोलन आणि त्या जोरावर सत्ता प्राप्त केल्यानंतर केलेले पांचट चाळे यामुळे लोकांचा असल्या आंदोलनावरचा विश्वास आधीच उडालेला होता. झुरळांच्या फडफडीमुळे राहिला साहिला विश्वास सुद्धा उडून गेला आहे. 

या घटकेला दिल्लीत सर सुरू आहे.ते उत्तम रीतीने सूुरू  आहे. त्यामुळे जनतेचा सपोर्ट मिळाला नाही.  

अभिजीत दीपके त्याच्या चुलत आजीचे निधन झाल्यामुळे घरी गेला होता तो काल दिल्लीला परत गेला. दिल्ली विमानतळावर त्याला पाहताच 'क्यू देश खराब कर रहे हो..' वगैरे घोषणा झाल्या. नेहमीचे यशस्वी कलाकार-  आंदोलनजीवी लोक, डापु टोळीतले, रागा समर्थक वगैरे मंडळी सोडली तर या झुजपच्या तथाकथित आंदोलनाला इतर कोणाचा पाठिंबा असेल असे वाटत नाही. चार पैसे फेकल्यावर मराठी चित्रपट-नाट्य सृष्टीतील अभिनेत्यांचा पाठिंबा झुजपने मागच्या वेळेस मिळवला होता. पण थोड्या पैशामागे जाऊन आपला उत्पन्नाचा मुख्य स्त्रोत- अभिनय याकडे लोक पाठ फिरवत आहेत हे त्यांच्या लक्षात आले असावे त्यामुळे ते लोकही यावेळेस गप्प आहेत.  

अमेरिकन गायिका मेरी मिलबेन आणि झुरळ जनता पक्षाचे संस्थापक अभिजित दीपके यांनी भारतात आंदोलनांचे नेतृत्व करणाऱ्या संघटनेला मिळणाऱ्या कथित परदेशी निधीवरून एकमेकांवर शाब्दिक हल्ला चढवला. 

मिलबेन यांनी एक्स वरील एका पोस्टमध्ये "सीजेपीला अमेरिकेतील देणगीदारांकडून निधी दिला जात आहे" असा दावा केला आहे. 

दीपके यांनी ह्या दव्याचे खंडन केले आहे.

https://www.thehindu.com/news/national/mary-millben-abhijeet-dipke-exch…

मला वाईट एका गोष्टीचे वाटतेय ...

किती ही आपटली तरीही रागांना काही सुर सापडेना ... दुष्ट भारतीय जनता... खऱ्या ट्यालण्ट्ला भारतात स्कोप नाही हेच खरे ! 

ईश्वर त्यांचे भले करो ! 

१२ तारखेला सर्वोच्च न्यायालयावर मोर्चा न्यायचा जो अचरटपणा रागा आणि त्याच्याबरोबर फरपटत जाऊन तेजस्वी आणि अखिलेख यादवनी केला त्याबद्दल सर्वोच्च न्यायालयाने नोटीस बजावली आहे. गेल्या १२ वर्षात रागाने कित्येक वेळा मूर्खपणाचे प्रकार केले आहेत पण सर्वोच्च न्यायालयावर मोर्चा नेणे ही त्या मूर्खपणाची परमावधी असेल. त्या प्रकाराचे अनेक रागा समर्थकही समर्थन करताना दिसत नाहीयेत- म्हणजे त्याने केलेले चुकीचे होते असे ते म्हणणे केवळ अशक्य पण अन्यथा त्याने काहीही केले तरी त्याचे समर्थन करणारे लोक यावेळेस मात्र तसे करताना दिसत नाहीयेत. 

हा प्रकार म्हणजे न्यायालयाचा अवमान समजून त्या मोर्चातील नेत्यांना किमान एक दिवस तरी तुरूंगात धाडले तरच त्या नोटीसमध्ये काही अर्थ होता असे म्हणता येईल. नाहीतर नुसती बोलाची कढी आणि बोलाचाच भात.

हो.. आम्हाला रेजिम चेंज हवा आहे- त्यात चुकीचे काय आहे?  असे तारे प्रशांत भूषणने तोडले आहेत.

https://www.aninews.in/news/national/politics/we-want-regime-change-not…

ॲम्नेस्टी इंटरनॅशनलने तुरूंगात ठेवलेल्या दोन झुरळांची ताबडतोब सुटका करावी ही मागणी केली आहे.

https://www.amnesty.org/en/latest/news/2026/10/india-release-cjp-leaders-arrested-after-attempting-peaceful-protests-at-jantar-mantar/

जगात सगळ्यात हलकट, नालायक, लुच्चे, लबाड, लफंगे पांढरपेशे असतील तर ते ॲम्नेस्टी इंटरनॅशनल वाले. काश्मीरात आणि इतर ठिकाणी दहशतवादी निरपराध लोकांना मारत होते तेव्हा ते त्याविरोधात कधी चकार शब्द बोलले नाहीत मात्र कोणत्या चकमकीत लष्कराने त्या दहशतवाद्यांना मारले तर मग लगेच कशावरून तो फेक एनकाऊंटर नव्हता- त्यांच्या मानवाधिकारांचे काय वगैरे गोष्टी आठवायला लागायच्या. ॲम्नेस्टीचे नाव जरी ऐकले तरी तळपायाची आग मस्तकात जाते. मोदी सत्तेत आल्यानंतर लगेचच त्या हलकटांना भारतातून हाकलून लावले जाईल ही अपेक्षा होती. तसे झाले नाही. पण २०२० मध्ये म्हणजे ६ वर्षांनंतर का होईना त्यांना भारतातून हाकलले गेले आणि त्यांचे बॅंक अकाऊंट सील झाले हे चांगले झाले. 

दहशतवाद्यांची तळी धरणारे ॲम्नेस्टीवाले झुरळांच्या बाजूने उभे राहात असतील तर ते तथाकथित आंदोलन आपल्या देशाविरोधातच आहे हे डापु लोक, रागा समर्थक आणि इथलेच काही लोक सोडून इतर सगळ्यांना समजेल.

पादऱ्याला पावट्याचे निमित्त अशी म्हण  आहे.

बहुतांशी इंडी आघाडीचे नेते हे आता निवडणूक जिंकणे अशक्य दिसत आहे हे पाहून वैफल्यग्रस्त झाले आहेत.

 सुरुवातीला मोदींवर गुजरात दंगे, मुस्लिम विरोध असे आरोप करत होते. 

तीन तलाक ( तलाक ए बिद्दत) बंद झाल्याचा कायदा आल्यामुळे मुस्लिम महिलानीं छुप्या तर्हेने का होईना मोदींना मते द्यायला सुरुवात केल्यामुळे ती व्होट बँक मोडीत निघाली.

मला शंका आहे कि २०२९ च्या निवडणुकांच्या तोंडावर श्री मोदी सामान नागरी कायदा आणतील ज्यामुळे "सवत" येण्याच्या भीती पासून आणि तीन महिन्यांच्या कालावधीत तलाक (तलाक ए हसन आणि तलाक ए एहसान) मिळण्याच्या टांगत्या तलवारी  पासून मुस्लिम महीलांची सुटका होईल. शिवाय मुस्लिम महिलांचा घटस्फोट न्यायालयाकडूनच मंजूर केला जाईल आणि त्यांना पोटगी सुद्धा इतर धर्मा सारखीच मिळू शकेल  

असे झाले तर परत एकदा मुस्लिम मतपेटी दुभंगेल  आणि श्री मोदींच्या विजयाचा मार्ग अधिक सुकर होईल. कारण यामुळे टोकाच्या हिंदुत्ववाद्यांना सुद्धा चुचकारले जाईल.

आपल्याला सापत्न भावाची वागणूक मिळते हे बहुसंख्य टोकाच्या हिंदुत्ववाद्यांना नेहमी वाटत असते. त्यात बरेच तथ्य सुद्धा आहे. उदा मंदिराचे व्यवस्थापन सरकारकडे आहे पण मशिदी आणि चर्च चे नाही त्यामुळे त्यांना मिळणार पैसे ते  कसेही वापरू शकतात आणि आपल्या धर्म प्रसाराला चालना देतात.             

 मग चौकीदार चोर आहे, राफेल राफेल चा खेळ खेळून झाला त्यात राहुल गांधी याना बिनशर्त माफी मागावी लागली.

मग इ डी, सी बी आय आयकर खाते यांच्या धमकीचे तुणतुणे वाजवून झाले ते फुसके निघाले.

इ व्ही एम हॅकिंग ची रडारड करून झाली.  

मग नोटबंदी पुलवामा बद्दल रडारड करून झाली त्यातून काहीच निघालं नाही.

मग सर्वोच्च न्यायालयावर शंका काढून झाल्या. 

मध्येच नीट परीक्षेत झुरळांचं आंदोलन झालं आणि धर्मेंद्र प्रधान यांचा राजीनामा घेऊन "जितं मया" म्हणून थोडं नाचून झालं.    

पण झुरळं हि आपची पिल्लं निघाली त्यामुळे इतरांचा पापड मोडलाय.  

आणि आता निवडणूक आयोगावर व्होट चोरी चं तुणतुणं वाजवणं चालू आहे.

सामान्य जनतेला हे माहिती आहे कि एस आय आर मध्ये ज्यांचं नाव कटलं तरी ते सगळे काही भाजप विरोधी नव्हते तर भाजप समर्थकांची नावे पण बाद  झालेली आहेत. त्यामुळे हा सरकारी भोंगळपणा किंवा प्रक्रियेतील त्रुटी आहेत.

आणि यामुळे सामान्य माणसाला शष्प फरक पडत नाही. कारण मतदारयादीतून नाव बाहेर गेले तरी सरकारी योजनांतून जोवर तो जात नाही तोवर त्याला फारसे घेणे देणे नसते. कोणत्या पक्षाचे सरकार आले तरी स्थानिक नेते पैसे खाणे कमी करणार नाहीतच हे लोकांना माहिती आहे.

आणि लोकांच्या दृष्टीने देशपातळीवर मोदींच्या उंचीचा एकही नेता नाही.

राहुल गांधी अजून परिपक्व होण्याच्या ऐवजी पंचविशीच्या तरुणासारखे बॅरीकेड वर चढून आपला बालिशपणा  जगजाहीर करत आहेत.

कधीही त्यांच्या चेहऱ्यावर एखाद्या मतिमंद मुलाच्या चेहऱ्यावर असते तसे बावळटपणाचे हास्य असते.

ते पाहून हा नेता कधी भारताचा पंतप्रधान होऊ शकेल असे कुणाला वाटेल तरी का?

सध्या त्यांनी हे आंदोलन स्थगित केला आहे कारण राहुल गांधी यांची परदेशात जायची वेळ झाली असणार.

पुढच्या काही दिवसात ते स्पष्ट होईलच.               

केजरीवाल यांनी रंग बदलण्यात सरड्यालाही लाजवले. बाकी एकही नेता असा नाही ज्याला पन्नास खासदार पाठिंबा देतील.  

गंमत म्हणजे  मागची एस आय आर २००२ ते २००४ या कालावधीत झाली आणि त्यानंतर २००४ मध्ये काँग्रेस चे सरकार आले होते. तेंव्हा भाजपने आमचे मतदार  यादीतून बाहेर काढले अशी रडारड केली नव्हती.

पण "पब्लिक मेमरी इज शॉर्ट" यावर विश्वास ठेवून त्यांनी रडारड सुरु केली आहे.                          

निष्पन्न काहीच होणार नाही. 
 

आंदोलन नव्हे! लोकशाही मृत झाली!

ज्या गोष्टीसाठी आंदोलन करत होते त्या मुद्द्याला चिकटून रहायला हवे होते. पण भलत्याच लोकांनी आंदोलन हायजैक केले.

उदा . पहील्या आंदोलनात एक बाई आल्या आणि गाणे म्हणू लागल्या - बस नाम रहेगा अल्लाका.  याचा नीट पेपरफुटीशी काय संबंध?

असो - आता तर नेहा बोरा हिने तर बांगलादेशातील विद्यार्थ्यांचे गोडवे गायला सुरवात केली आहे. त्यामुळे हेतु स्पष्ट झालाय की यांना अराजक माजवायचे आहे. 

एखादा मनुष्य जितका जास्त आणि जितक्या मोठ्या संस्थेतून शिकलेला असतो तो तितका हुकलेला असतो असे अशांना बघूनच वाटायला लागते.

मोठ्याने ठहाके मारावेत असेच वाटून गेले.

हा हा हा....😀😁🤣😂

आज  विश्वप्रवक्ते संजय राऊत यानेही कोर्टाची  माफी मागतो पण न्याय मिळावा ही विनंती असे म्हणाल्याचे टीव्ही वर पहिले

प्रत्यक्षात हे आंदोलन मेल्यात जमा आहे. आंदोलनाचा शून्य प्रभाव जनतेवर पडलेला दिसतोय. किंबहुना जनता झुरळांवर संतापली आहे. ज्ञानेशकुमार, मोदी व शाह आहे तेथेच आहेत. त्यांना शष्प धक्का लागलेला नाही. 

जब ज़ुल्म-o-सितम के कोह-ए-गिराँ
रुई की तरह उड़ जाएँगे
हम महकूमो के पाँव तले
ये धरती धड़-धड़ धड़केगी
और अह्ल-ए-हकम के सर ऊपर
जब बिजली कर-कर करकेगी

आझाद मैदानात परवानगी दिल्यावरही एकंदर १५० झुरळं आली होती.

https://timesofindia.indiatimes.com/city/mumbai/cjps-mumbai-protest-flo…

गुरुजी

काँग्रेस गवत इतकं सहज मृत होत नाही. 

परत परत येत राहतं!  

मोदी सरकारच्या काळात संरक्षणसिध्दता वगैरे क्षेत्रात बरीच प्रगती केली असली तरी कायद्यांची कठोर अंमलबजावणी या बाबतीत तसूभरही सुधारणा झालेली नाही. झालीच असेल तर अधोगतीच झाली आहे. या बाबतीत भारत बनाना रिपब्लिक आहे- पूर्वीपासूनच होते आणि अजूनही आहे.

२००६ ची गोष्ट. अमेरिकेत परड्यू विद्यापीठात विक्रम बुध्दी म्हणून भारतीय विद्यार्थी होता. त्याने एका फोरमवर अध्यक्ष जॉर्ज डब्ल्यू बुश यांना ठार मारायची धमकी दिली होती. त्यानंतर त्याच्यावर रितसर खटला दाखल करण्यात आला आणि त्याला पाच वर्षांची तुरूंगवासाची शिक्षा करण्यात आली. ती शिक्षा पूर्ण झाल्यानंतर त्याची अमेरिकेतून हकालपट्टी करण्यात आली.

एप्रिल २०२४ मध्ये रिध्दी पटेल म्हणून भारतीय वंशाची २८ वर्षांची अमेरिकन नागरीक असलेली बया कॅलिफॉर्निया मध्ये बेकर्सफिल्ड सिटी काऊन्सिलच्या बैठकीत होती. स्थानिक नगरपालिका की महापालिका की जी कोणती स्थानिक स्वराज्य संस्था असेल त्या संस्थेने इस्राएलची निंदा करणारा प्रस्ताव पारीत करावा अशी मागणी केली. तिच्या भाषणात शेवटी ती म्हणाली- " "We’ll see you at your house. We will murder you." ही हत्येची धमकी समजून त्यानंतर तिला तुरूंगात टाकण्यात आले. 

अशा इतर अनेक घटना कायद्याची अंमलबजावणी कडकपणे करणाऱ्या देशांमध्ये मिळतील. 

आणि भारतात मात्र नेहा बोरा, प्रशांत भूषण वगैरे लोक उघडउघड रेजिम चेंज करू असले बोलतात त्यांना काहीही होत नाही. ध्रुव राठी भारतात येऊन भारताच्या सैन्यदलांना सरकारविरोधात उठाव करा अशी चिथावणी देतो त्याला तुरूंगात टाकण्याऐवजी भारतातून बाहेर सुखेनैव जाऊ दिले जाते. 

त्यापेक्षा उधोजींचे सरकार परवडले. याच्या कानफाटीत वाजवायला हवी म्हटल्यावर सरळ केंद्रीय मंत्र्याला जेवणाच्या ताटावरून उचलून अटक केली गेली. 

देशांतर्गत व्यवहारात मोदी असा कडक बाणा दाखवून देश पोखरणाऱ्या वाळव्यांविरोधात कधी त्यांना आयुष्याभर लक्षात राहिल अशी कारवाई करणार आहेत का?

सध्या जो समाज गट (तरुण) आंदोलनात उत्साही आहे त्याला केवळ एक सिंगल थ्रेट ऊर्फ भीती कसली असेल तर परदेशी जाणे चिंबते की काय पासपोर्ट व्हिसा बंधने येऊन.

गांधीजींनी सविनय कायदेभंग अवश्य केला पण परिणाम काय होतील त्याची फिकीर न करता ते स्वीकारले. अटक FIR नको असे म्हटले नाही. ते खरे आंदोलन.

दोन झुरळे आणखी काही दिवस तुरूंगातच राहणार.

ग्यानेशकुमारांचा राजीनाम राहीला बाजूला. 

आता झुरळे अटक वाचवण्याच्या मागे लागली आहेत.

अटक झाल्यावर एक दिवसात सोडून दिल्यावर झुऱळे परत आंदोलने करतात म्हणून आता चार ते पाच दिवस आत ठेवण्यची शक्कल काढली आहे. 

मस्त

झुरळ आंदोलनाचे नेते सौरभ दास आणि आशुतोष रांका हेच होते, आपण त्यांच्या 'ऑर्डर' पाळत होतो असे झुरळांचा पप्पा* अभिजीत दीपकेने काल रात्री व्हिडिओ जारी करून सगळ्यांना सांगितले. 

https://ndtv.in/india/abhijeet-deepake-video-saurav-das-ashutosh-ranka-cjp-protest-controversy-12212362?fbclid=IwdGRzaAVFRxFjbGNrBUVEpWV4dG4DYWVtAjExAHBkb2YFc3J0YwZhcHBfaWQMMzUwNjg1NTMxNzI4AAEeV3oLt5WRUVjPh8YMCTEbdOga8rVPG6R4QteWS9UlEMvf-7aw75indButWQk_aem_4KC3ej37-AoNBqFYAUNPWg&sfnsn=wiwspwa

जुलै महिन्यात केलेल्या प्रकारानंतर त्यांच्यावर न पडलेला कायद्याचा बांबू आता केलेल्या वेडाचारानंतर पडला आणि आता झुरळांचा पप्पा आपले हात झटकत आहे आणि आपली कातडी वाचवत आहे बहुतेक. 

हे असले लोक फार मोठी क्रांती करतात असली स्वप्ने अनेकांना (इथल्याही) पडत होती.

*: या शब्दप्रयोगाचे श्रेय माझे नाही. सोशल मिडियावर तो शब्द आढळला आणि आवडला म्हणून इथे तोच शब्द वापरत आहे. 

A Special Executive Magistrate (SEM) on Wednesday ordered the release of CJP leaders Saurav Das and Ashutosh Ranka following the expiry of their judicial custody in connection with the October 14 protest at Jantar Mantar.

त्यांना दोन जमीन राहणारे ( SURETY) यांच्या कागदपत्रांची छाननी करून त्यांना वैयक्तिक जातमुचलक्यावर न्यायालयाने सोडण्याचे आदेश दिले.

हे बरं झालं.  कारण जंतर मंतरमध्ये घुसणे हा काही गंभीर गुन्हा नाही. त्यामुळे उगाच त्यांना सहानुभूती मिळण्याऐवजी सोडून दिले हेच उत्तम.

आता दुसऱ्यांदा अशा चांगल्या वर्तणुकीचा दाखला दिल्यावर परत त्यांनी गडबड केली तर पुढच्या वेळेस जामीन मिळणे तेवढेच कठीण होत जाईल       

ती झुरळे आपची सदस्य आहेत. प्रकरण अंगाशी आल्यावर तेवढ्यापुरती माफी मागून आधीचेच आचरट प्रकट पुन्हा करणे याचे त्यांना बाळकडू मिळाले आहे. तेंव्हा सगळे काही शांत झाले असे आताच, किमान पुढच्या विधानसभा निवडणुका होईपर्यंत तरी, म्हणता येणार नाही. 

ह्या तथाकथित "मृत" आंदोलनाच्या पिशाच्चाने गोबी-तडीपार जोडींच्या भक्तगणांना बरेच पछाडलेले आहे असे दिसून येते. कुठले झुरळ कुठल्या जेल मध्ये आहे, तिथे त्यांना न्याहारीला काय देण्यात आहे, youtube वर त्यांनी काय व्यक्तव्य केले वगैरेची इत्यंभूत माहिती मीडिया ला नसेल तितकी ह्या भक्तमंडळींना आहे असे दिसून येत आहे.

वारंवार कायदा आणि सुव्यवस्था हातांत घेऊन, विदेशी नागरिकांना बोलावून  अलोकशाही मार्गाने सत्तांतर घडवून आणण्याची भाषा वापरणाऱ्या झुरळांवर खरे तर बेगॉन स्प्रे कधीच मारायला हवा होता पण त्यासाठी पाठीचा कणा असणे आवश्यक आहे. ह्या आंदोलनावर CIA, Amnesty, UN वगैरे नजर ठेवून आहे आणि प्रमुख नेते शोषित वंचित पीडित जातितले असल्याने नेहमीचे थुल्ले ह्यांना अतिशय मऊ हातमोजे घालून हाताळत आहेत. ह्याच जागी आरक्षण वगैरे गोष्टीवर हल्ला करणाऱ्या सवर्ण तरुणांचे आंदोलन असते तर ह्या थुल्ल्यांचे पौरुष जागृत झाले असते. 

सगळी झुरळे सुटली. तुरूंगातून बाहेर येण्यासाठी आम्ही अमुक अमुक गोष्टी करणार नाही अशाप्रकारची कबुली देऊन सुटली.

अनेकदा मी दीपके, रांका, दास यांना झु.दीपके, झु.रांका, झु.दास असे म्हणतो. ते तिघेही माफीवीर आहोत हे त्यांच्या कृत्यातून स्पष्ट झाल्याने आता त्यांना मा.झु.दीपके, मा.झु.रांका आणि मा.झु.दास असे म्हणायला हवे.

यातील मा.चा अर्थ दुसरा कोणता- माननीय वगैरे कोणाला वाटू शकतो पण येथे मा. म्हणजे माफीवीर या अर्थी आहे याची नोंद घ्यावी.

ऑल इंडिया स्टुडंट्स असोसिएशन च्या अध्यक्षा नेहा बोरा यांनी, १६ ऑक्टोबर रोजी सेंट्रल पार्कमध्ये कॉकरोच जनता पार्टीने दिलेल्या वेगळ्या आंदोलनाच्या हाकेत आपण सहभागी नव्हतो असे गुरुवारी दिल्ली उच्च न्यायालयात सांगितले.

आता प्रत्येकच झुरळ-झुरळीणींचा पळपुटेपणा सुरू झाला आहे असे दिसते आहे!

https://www.hindustantimes.com/india-news/not-involved-with-cjps-protest-call-neha-bora-to-delhi-hc-on-oct-16-detention-101792663578255.html 

काल जरांगे ने एक ऑडिओ क्लीप जाहीर केली.

त्यात जरांगेला शिंदें कडून ५०० कोटी दिले गेले असा आरोप आहे.

 जर शिंदेनी हेपैसे दिले असतील तर जरांगे ने ते का घेतले?

म्हणजे जरांगे हा पैसे खाऊन बोलणारा बाहुला आहे हे सिद्ध होते.

ते पैसे घेऊन त्यानी नक्की काय केले?

मिळालेले पैसे जरांगेने कुठे ठेवलेत? त्या पैशानी जरांगे मराठ्यांच्या लेकरांसाठी काही उद्योग , शाळा, कॉलेज उभे करणार आहेत का फक्त स्वत:साठी ठेऊन घेणार आहेत.

जो इंडियन एक्सप्रेस ने पुराव्यानिशी दिलेला होता. की ज्ञानेश कुमार हे सहकारी equal authority असलेल्या इतर दोन जणांच्या विरोध असलेल्या निर्णयांना बाजूला टाकून मनमानी निर्णय घेत होते.ज्यात सर्वात ठळक फॉर्म 6 विषयीचा होता. त्यात ऑनलाईन मध्ये बदल सुद्धा करण्यात आला.

या व इतर मुद्द्यांवर काय मत आहे ?

की आंदोलन मृत झाले की अपयशी झाले तर हे महत्वाचे मुद्दे आरोप  प्रश्न सर्वच मृत झाले असे सुचवायचे आहे का ?

एकुणात आंदोलनाला कोणतीच अशी एक दिशा नव्हती. 

परिणीती ही  अशी होणारच होती.

नेहा बोराला विशेष कार्यकारी न्यायदंडाधिकाऱ्यांनी (स्पेशल इक्झिक्युटिव्ह मॅजिस्ट्रेट) दहा हजार रूपयांचा बॉन्ड भरायचा आणि शांततेचा भंग करायचा नाही हा आदेश दिला होता. त्याविरोधात तिने दिल्ली उच्च न्यायालयात आव्हान दिले होते. तो अर्ज न्यायालयाने अमान्य केला आहे.

https://x.com/barandbench/status/2113625171068350966

एक गोष्ट कळत नाही- सध्या जो काही तमाशा चालू आहे तो दुसरा की तिसरा स्वातंत्र्यलढा असेल तर मग स्वातंत्र्यसैनिकांनी त्या काळी त्यांच्या लढ्यात केले होते तसे तिने का केले नसावे? म्हणजे मुळात असा बॉन्ड न भरता तुरूंगात जायची तयारी ठेवायची. ते सोडून त्या बॉन्डविरोधात वरच्या कोर्टात तिने अपील का केले असावे?