एक नवीन धून हवी

साहेब , एक नवी धून शोधा , धून

मग बघा वैरीही मित्र बनतील स्वतःहून

सोडूनि द्या त्या सर्व तक्रारी ,

त्रागा नको पुनः तो विखारी

काय फायदा तुम्हास त्याचा,

स्वतःचे मन दुखावून

साहेब , एक नवी धून शोधा , धून

वळू , खोंड इथे रानोमाळी

हवी त्यांसी धाग्यांची मोळी

एक उडाला , तमा नसावी

विणत सुटा धाग्यांची जाळी

साहेब , एक धून शोधा नवी

गुणगुणत बसा इथे आंजावर

एकेकाला घ्या फैलावर

मग तक्रार कशाला हवी ?

साहेब ,एक धून शोधा नवी

समर बघुनी तुम्हा दोघांचे

गुणगुणलो मी गाणे माझे

मनाला फुटे नवी पालवी

क्षणात नाहीसे झाले ओझे

बनलो नव्याने कवी

आंजावर राहायचे असेल तर

नक्कीच एक छान धून हवी