अशीच एक धुंद, गुलाबी सकाळ

चित्रगुप्त's picture
चित्रगुप्त in जनातलं, मनातलं
19 Jan 2023 - 1:35 pm

"ए, परीक्षेनंतर आपण लग्न करूयात ? "
"काय म्हणतेस सुले ?"
"होय रे माझ्या राजा "
-- असं म्हणत ती आवेगाने धावत येऊन त्याला बिलगते.

-- मंचावरचे लाईट फेड होऊन पडदा पडतो.
टाळ्यांचा कडकडाट विरतो न विरतो तेवढ्यात -
'आटो-प्ले' मोडमुळे पुढला व्हिडियो सुरु होतो....

कुठलेतरी कविराज कवत असतात --
"अशाच एका धुंद सकाळी -
मनात माझ्या स्फुरती ओळी -
जरतारी तो शालू आणिक -
धुंद मखमली नाजुक चोळी "

-- तिच्यामारी हे कवी पण फालतूमधे तंग करत असतात ...
'तंग' वरून मला आठवतं,
"तंग आ चुके हे कश्म-कशे जिंदगी से हम" हे गाणं -
आपण बरेच दिवसात बघितलेलं नाही.

त्यावरून आणखी आठवतं की-
" ये चोली मेरी तंग होने लगी" हे तर फार म्हणजे फार दिवसातच बघितलेलं नाही.
ते हुडकायला जातो तर दुसरंच काहीतरी उघडतं --

हात उंच करून प्राजक्ता माळी किंचाळत असते -
"आणि कांजूर मार्ग - ईस्ट चा 'अक्षय कुमार' - बंडू बिल्लोरे... स्वागत करूया ...
टाळ्यांचा कडकडाट विरतो न विरतो तेवढ्यात -

मोबाईलचा चार्ज संपून तो निष्प्राण होतो...
पिच्चरांमधल्या हिरो सारखं "ओ शिट" म्हणावं की आपलं साधं "धत्तेरी" म्हणावं-
हे ठरण्याच्या आतच कडकडाट कानावर पडतो -

"अहो किती वेळ बसणाराय अजून, मोबाईल घेऊन गेला असणार.
निघा लवकर, मला जोरात लागलीय "...
मी पटकन आटोपतं घेत -
"नच सुंदरी करू कोपा, मजवरी धरी अनुकंपा" असं म्हणत बाहेर पडतो.
खरंतर मला यानंतर "तुम ने पुकारा और, हम चले आए " वगैरे पण म्हणायचं असतं,

पण तेवढ्यात ती आवेगाने धावत येऊन आत शिरते...
मग धीरोदात्त नायकाप्रमाणे मंद मंद पावले टाकत मी परत पलंगाकडे वळतो...
तेवढ्यात -
"आता परत झोपू नका, चहा ठेवा" असा कडकडाट होतो.
- मग मी पुन्हा त्याच धीरोदात्त नायकाप्रमाणे मंद मंद पावले वगैरे टाकत -
- किचनात जाऊन चहा ठेवतो.

अशी ही आमची एक धुंद गुलाबी सकाळ.

- आवडली असेल तर लाईक करा, सबस्क्राईब करा, शेयर करा, कमेंट करा, आणि बेल-बटन दाबायला विसरू नका.

(--- च्यामारी हे यूट्यूबचं व्यसन आता सोडायलाच पायजेल. सबस्क्राईब करा म्हणे )

संस्कृतीनाट्यसंगीतमुक्तकविनोदसाहित्यिकजीवनमानआस्वादविरंगुळा

प्रतिक्रिया

कंजूस's picture

19 Jan 2023 - 6:57 pm | कंजूस

झकास झटपट .
लाईक करत आहे.
सबस्क्राईब केले आहे.
.
.
सिल्वर बटण मिळणार लवकरच.
गोल्ड.
..
प्लाटिनमही.

चित्रगुप्त's picture

20 Jan 2023 - 10:08 pm | चित्रगुप्त

@कंजूसः सिल्वर - गोल्ड - प्लाटिनम - ह्यो काय भालगड हाय, मज निरोपावे. लाईक सबस्क्राईब वगैरे केलेत ह्ये ब्येस.

सौंदाळा's picture

19 Jan 2023 - 7:55 pm | सौंदाळा

जबरदस्त, अगदी असेच होते.
आता ऑफीसला जायला लागल्यापासून कमी झाला हा प्रकार आमच्याकडे

चित्रगुप्त's picture

20 Jan 2023 - 10:13 pm | चित्रगुप्त

@ सौंदाळा : आपणासरिखे आणिक असती, मग कशाला मनात भीति ? तुमच्या प्रतिसादाने आश्वस्त झालो.

कर्नलतपस्वी's picture

19 Jan 2023 - 9:36 pm | कर्नलतपस्वी

घरोघरी मातीच्याच चुली.

केव्हातरी पहाटे उलटून रात गेली
शारंगधर वटी ने अवचित जाग आली

मिटले चुकून डोळे,
बसता सुखासनी मी
तेवढ्यात हाक कानी आली

आटोपले का सर्व तुमचे?
व्हा बाहेर झडकरी अन्
ठेवा आधण चहाचे

ऐकता हुकूम रणरागीणीचा
कळले मला न केंव्हा
उघडली चिटकणी दाराची

उरले पोटात काही, आवाज Xदण्याचे
तरी मला ढकलून ती आत गेली

कंजूस's picture

19 Jan 2023 - 10:19 pm | कंजूस

लागू.
मिपाच्या पूर्वीच्या 'तांबे' कवींना मागे टाकणार बहुतेक.
तांबे कवींनी बऱ्याच काळाने खरडफळ्यावर जळजळ व्यक्त केली गद्यात. असो. चालायचेच.

कर्नलतपस्वी's picture

19 Jan 2023 - 10:30 pm | कर्नलतपस्वी

काय बी समजलं नाय.
उलगडून सांगता का?

दैनंदिन कार्यक्रम म्हणून चार ओळी सुचल्या त्या खरडल्या.

@राजेंद्र भौ,पहिल्यांदाच विमानात बसलो तेंव्हा टेन्शन आले होते. उंचावर गुरुत्वाकर्षण कमी होते म्हणे.....

बाकी अजुन तरी सब ठिक है...

@कर्नल साहेबः व्वा. मजा आली. 'सुखसारक' कविता आवडली.

कर्नल दीवाने है मैफिल का मजा लेते है ... शारंगधर लेके प्रतिसाद दिया करते है ...
सुबा सुबा एक 'वटी' लेते है, बंद ताला भी हो तो खुल जाता है ...
.

राजेंद्र मेहेंदळे's picture

19 Jan 2023 - 10:02 pm | राजेंद्र मेहेंदळे

लैच भारी!! प्रत्येक वयानुसार बदलते आवेग :)
सकाळी सकाळी ज्याचे पोट साफ होते तो माणुस सुखी.

कर्नलतपस्वी's picture

19 Jan 2023 - 10:10 pm | कर्नलतपस्वी

रणरागीणीचा ऐवजी
रणरागिणीचा वाचावे.

शुद्धलेखन शिकण्यासाठी शिकवणी लावली आहे.

रंगीला रतन's picture

20 Jan 2023 - 11:42 am | रंगीला रतन

भारी :=)

श्वेता व्यास's picture

20 Jan 2023 - 12:11 pm | श्वेता व्यास

मस्तच :)

श्वेता२४'s picture

20 Jan 2023 - 3:54 pm | श्वेता२४

धुंद , गुलाबी सकाळ तर विनोदी निघाली की :))

सस्नेह's picture

20 Jan 2023 - 6:54 pm | सस्नेह

खिक् !

प्रचेतस's picture

20 Jan 2023 - 11:26 pm | प्रचेतस

=)) भन्नाट एकदम

स्मिताके's picture

21 Jan 2023 - 12:10 am | स्मिताके

हा हा हा
सुरेख

टर्मीनेटर's picture

21 Jan 2023 - 1:49 pm | टर्मीनेटर

मस्त!
काही वर्षांपूर्वी कॅन्डी क्रश खेळण्याचा प्रचंड नाद लागला होता तेव्हा असा प्रकार माझ्याबाबतीत घडायचा. खरंतर कार्यभाग साधण्यास दोन मिनिटेच पुरेशी असली तरी सर्व लाईफस संपेपर्यंत 'आत'च बसून राहायचो 😀

चौथा कोनाडा's picture

22 Jan 2023 - 10:14 am | चौथा कोनाडा

मस्त, खुसखुशीत!
सकाळ लागायच्या आधी मोबाईल लागतो हे आजचं वास्तव, पुर्वी पेपर वर भागून जायचं!

चौथा कोनाडा's picture

22 Jan 2023 - 10:15 am | चौथा कोनाडा

*सकाळी

सुखी's picture

22 Jan 2023 - 5:10 pm | सुखी

हेहे.. मस्त खुसखुशीत

खिलजि's picture

23 Jan 2023 - 5:18 pm | खिलजि

आवडेश काका.... खुसखुशीत आहे

रसाळ होता आले असते, जर अजून लिहिलं असते...