Skip to main content

पडघम

लेखक अनन्त्_यात्री यांनी मंगळवार, 22/11/2022 21:36 या दिवशी प्रकाशित केले.
अनाम तार्‍याच्या गर्भीचे ऊर्जा वादळ लवथवणारे उधळून देते विस्फोटातून विकीरणांचे पिसाट वारे दुबळी दुर्बिण अधांतरातून अनंतात डोकावून बघते सर्वव्यापी, निर्लेप, अनादि स्थळकाळाचे चित्र रेखिते आतशबाजी अवकाशातील निरभ्रातुनी मला खुणविते भव्यत्वाचे क्षुद्रत्वाशी अबोध नाते अधोरेखिते अज्ञाताचा अदम्य रेटा परतविण्याचे प्रयत्न माझे थिटेच ठरती, रोमरोमी मग कुतूहलाचा पडघम वाजे
काव्यरस
मुक्त कविता
लेखनविषय:
वाचने 1535
प्रतिक्रिया 4

प्रतिक्रिया

चौथा कोनाडा शनिवार, 26/11/2022 20:27
दुबळी दुर्बिण अधांतरातून अनंतात डोकावून बघते सर्वव्यापी, निर्लेप, अनादि स्थळकाळाचे चित्र रेखिते व्वा, क्या बात है... सुंदर आतशबाजी अवकाशातील निरभ्रातुनी मला खुणविते भव्यत्वाचे क्षुद्रत्वाशी अबोध नाते अधोरेखिते एक नंबर! बहोत खूब! ही भव्य दिव्य कविता आवडली,

प्राची अश्विनी रविवार, 27/11/2022 16:11
वाह! भव्यत्वाचे क्षुद्रत्वाशी अबोध नाते अधोरेखिते... क्या बात!

ज्ञानोबाचे पैजार शनिवार, 03/12/2022 08:29
भव्यदिव्य नादमय कविता आवडली पैजारबुवा,