टू बी ऑर नॉट टू बी (अर्थात या बी चे करायचे काय?)

असला प्रश्ण आम्हाला प्यांटीत पाय घालताना सुध्दा पडतो, म्हणजे आधी उजवा पाय घालावा की आधी डावा? एकदा तर आम्ही उडी मारुन दोन्ही पाय एकदम घालायचा प्रयत्न केला होता पण दुर्देवाने प्यांट फाटली आणि पुढचा एक दात अर्धा पडला.

लिंबु मातीत पुरुन ठेवा व रोज त्याला पाणी घालत रहा, सात आठ दिवसात बियांची रोपे तरारुन वर येतिल, ती खुडून टाका व नंतर लिंबु मातीतुन अलगद बाहेर काढा आणि मग पोह्यांवर पिळा, एक जरी बी पोह्यात पडली तर नाव बदलेन.

तुमच्या समस्येवर अजून एक उपाय आहे, किंवा मग लिंबु सरळ खलात टाकून बत्त्याने चांगले ठेचुन काढा, एक पण बी शिल्लक रहायला नको असे वस्त्रगाळ ठेचा अन मग पोह्यांवर टाका,

अजून एक बिया तोंडात आल्या तर त्या तशाच न चावता गिळून टाका, गिळताना मोजायला विसरु नका. दुसर्‍या दिवशी सगळ्या बिया पडून गेल्या आहेत ना याची मोजुन खात्री करुन घ्या.

पैजारबुवा,

मी सरळ ते लिंबु पिळायचे उपकरण वापरतो.बिया आतच राहतात आणि लिंबु पाहिजे तितके पिळता येते.

- (पैजारबुवांचे सल्ले आवडलेला) सोकाजी

- (पैजारबुवांचे सल्ले आवडलेला) सोकाजी

लिंबीचुंबक चे पेटम्ट रजिस्टर करुया.
असाच अनुभव अंडे फोडल्यावर भांड्यात जर अंड्याच्या टर्फलाचा तुकडा पडला तर होतो.
अंटचुंबक पण शोधून काढायला हवा.
आंघोळीच्या साबणाचा शेवटचा तुकडा हातातून निसटतो तो नेमका खाली पडतो आणि उचलता येत नाही.
सातुचुंबक पण शोधायला हवा.
( एक शंका : तुळशीबागेत हरवलेले बायको शोधायला काय करायचे हे कोणी सांगेल का? )

एका टपरी वर पाहिलेला उपाय .... लिंबू पंक्चर करायचं .. म्हणजे जाड दाभणासारख्या हत्याराने डेखापाशी भोक पडायचं आणि लिंबू पिळायच

घरी ट्राय केलंय ... जास्त ताकद लागते पिळायला .. पण जमतय

पण मी काय म्हणतो, एवढी उठाठेव कशाला करायची पोहे खाण्यासाठी?

त्यापेक्षा पाहण्याच्या कार्यक्रमात कांदे-पोहे खाल्लेले चालणार नाहीत का?

बाकी, पैजारबुवांचे उपाय आणि विजुभाऊंची एक शंका यांबद्धल गांभीर्याने विचार करावा लागेल!

सगळ्यात वास्तववादी उपाय अगदी सोपा आहे. लिंबू पिळलेली पोह्यांची पहिली प्लेट स्वतः सोडून दुसर्‍या कोणाला तरी द्यायची. आपण नंतरच्या प्लेट मधे लिंबू पिळून घ्यायचे :)

१. लिंबाच्या ऐवजी दही खा.
२. लिंबू मधोमध न कापता रेस्टॉरंट मध्ये जसे लिंबू कापतात तसे कापा.
३. लिंबू पिळन्यासाठी एक उपकरण मिळते ते वापरा.
४. लिंबू मिक्सरमध्ये बारीक करून मग वापरा.
५. पोहे व लिंबू मिक्सरमध्ये एकत्र बारीक करून खा.
६. एक रिकामे इंजेक्शन विकत आणा, लिंबू सगळीकडून दाबून घ्या मग त्यात सुई खुपसून सगळा रस शोषून घ्या व पोह्यांवर फवारा.
७. जवळच्या कृषी विद्यापीठात प्रवेश घ्या आणि बिन बियांच्या लिंबावर संशोधन करा.
८. आधी वाटीत लिंबू पिळून घ्या, आणि पोह्याच्या आधी/नंतर रस पिऊन टाका. बिया गिळa वा थुका वा चाऊन खा.
९. छोटं लिंबू स्वच्छ धुऊन घ्या, आणि पोह्याचा आधी / नंतर गिळून टाका.
१०. बिन बियांच लिंबाचं लोणचं खा.

(ह घ्या ! बाकी लेख छान झाला आहे. हे वे सां न ल)

आवडले.

एक हटके उपाय--उजवा पंजा बोटे जुळलेली ठेवुन पोह्यांवर धरा आणि डाव्या हाताने त्यावर लिंबु पिळा, बिया अडकतील आणि रस खाली गळेल
अजुन एक- चमचा तिरका करुन लिंबाची फोड चमच्यावर दाबा/पिळा म्हणजे फक्त रस सांडेल

धा. ले.- प्रथम पुरस्कार एक धारी लिंबू .

सर्व प्र. ले.-ईडलिंबू

माऊली-म्यान ऑफ द म्याच, इशेश पुरस्कार एक Bitter bottle and onion pickle.&#128512
&#128521.

निमिष सोनार,

इथे इंग्लंडात ऐकलेला उपाय असा की लिंबू ( फ्रीझरमध्ये ) गोठवा. मग बाहेर काढून लगेच किसून घ्या. मस्त चुरा निघतो. तो पोह्यांवर शिंपडा. लिंबू किसतांना बिया आपोआप दूर जाऊन पडतात. फक्त एक अडचण अशी की लिंबाच्या सालीचाही भुगा होतो. तो जरा कडवट लागतो. पण एकदा सवय झाली की ठीक लागतो.

आ.न.,
-गा.पै.

लिंबाचा किस .... मराठीत की इंग्रजीत?

हसून हसून पोट दुखले

हॉटेलात (परमिट) कापतात तसे लिंबू उभे कापायचे

मस्त आहे खूप हसलो
समस्या अगदी महत्वाची आहे. पोह्यात ती बी कुठे निघून जाते ते दातात अडकून कडू लागल्याशिवाय कळत नाही. या समस्येवर काहीतरी ठोस उपाय हवा. मी ते लिबू पिळायचे यंत्र वापरतो परंतु अशी पिळवणूक करणारी यंत्र नको काहीतरी साधे सोपे हवे.