ताज्या घडामोडी - जुलै २०२२ (भाग ३)

ही बरीच निसरडी बाजू आहे आणि मी स्वतः याविषयी मत बनवू शकलेलो नाही. काही झाले तरी आपल्याला श्वास घेणे शक्य होत आहे तोपर्यंत काम केलेच पाहिजे असे वाटणारे लोक असतात आणि दुसरीकडे पदाचा मोह न सुटलेले लोकही असतात. तेव्हा असे कोणी खूप आजारी असताना पदावर दिसल्यास तो नेता दोनपैकी कोणत्या प्रकारात मोडतो हे सांगता येणे कठीण आहे. मनोहर पर्रीकर कर्करोगाने आजारी असले तरी मला वाटते शेवटचे ८-१० दिवस सोडले तर बाकी पूर्ण काळ एक मुख्यमंत्री म्हणून त्यांची कामे करत होते. स्टीव जॉब्स पण पित्ताशयाच्या कर्करोगातून बाहेर येऊन आणखी ५-७ वर्षे राहिला होता. तसे आपणही करू शकू अशी आशा त्यांना वाटत होती का? असेलही कदाचित. आता त्यांना ती आशा वाटत होती की त्यांना मोह सुटत नव्हता? हे आपण सांगणार कसे आणि कोणत्या आधारावर? त्या प्रश्नाचे उत्तर बऱ्याचदा आपण कोणत्या बाजूला आहोत यावर अवलंबून असते. तेव्हा या बाबतीत मी तरी संबंधित नेत्याला benefit of the doubt देईन. २००७ च्या राष्ट्रपती निवडणुकीत अटलबिहारी वाजपेयी हे माजी पंतप्रधान व्हील चेअर वरून मतदानाला आले होते. १५ वर्षांनी मनमोहन सिंग हे दुसरे माजी पंतप्रधान असेच व्हील चेअर वरून मतदानाला आले हा योगायोग.