मिसळपाव
मनं
मन माझे सैरभैर
भिरभिरत जाई दूरवर
कधी उंच उडे पाखरू
कधी धरतीचा ठाव!
मन माझे गंध सुगंध
कधी दीपवात मंद
कधी वेडापिसा छंद
कधी मायेचे बंध!
मन माझे नील आकाश
कधी लख्ख ऊन प्रकाश
कधी नुसताच वाटे भास
कधी लडिवाळ हट्ट खास!
मन माझे रातराणी
कधी मैफलीतली गाणी
कधी नेत्रातील पाणी
कधी धावे रानोरानी!
मन माझे चंचल वारा
कधी स्तब्ध स्थिर किनारा
कधी रिमझिम पाऊसधारा
कधी गंध मातीचा सारा!
मन माझे अल्लड वेडे
कधी न सुटणारे कोडे
कधी आयुष्याचे धडे
कधी आनंद चोहीकडे!!!!..
By -सौ. माधुरी दशपुते /भामरे
दिवाळी अंक वर्ष
वाचने
3823
प्रतिक्रिया
6
प्रतिक्रिया
आवडली कविता.
मन माझे अल्लड वेडे
कधी न सुटणारे कोडे
कधी आयुष्याचे धडे
कधी आनंद चोहीकडे!!!!..
सुंदर.
फारच सुरेख
एका मागून एक कडव्याची लड उलगडली आणि थेट मनाला भिडली, वा अतिशय आवडली ही कविता
पैजारबुवा,
आवडली
आवडली. धन्यवाद.
मनातलं मनाविषयी
छान लिहिलं आहे.
सुंदर
मन माझे अल्लड वेडे
कधी न सुटणारे कोडे
कधी आयुष्याचे धडे
कधी आनंद चोहीकडे!!!!..
सुरेख !मन माझे रातराणी
सुरेख !
मन माझे रातराणीकधी मैफलीतली गाणी
कधी नेत्रातील पाणी
कधी धावे रानोरानी!
हे छानच !