आजही श्वासात आहे.. लागतो काही सुगावा

आमची प्रेरणा प्रसन्न शेंबेकर यांची सुरेख रचना पाहतो श्वासात कोठे.. लागतो काही सुगावा

आजही श्वासात आहे लागतो काही सुगावा
काल तू होतीस प्याली सांगतो आहे पुरावा

अंगणापर्यंत आता वारुणीचा वास जातो
काल मी बहुतेक गेलो ह्याच वाटेने असावा?

ही दुहेरी रीत एका माणसाला शोभते का?
"सोड दारू" ही म्हणावे ग्लास ही हाती धरावा

ती म्हणाली "माग ना रे... तू, मला सोडून काही"
(ग्लास तू भरशील तेव्हा चेहरा माझा दिसावा! )

काय अंधारून आले माझिया डोळ्यांसभोती
भास नाही रे तुझा तो पेग पतियाळी असावा

लागले थोडे जळाया यातना झाल्या मला ही
पायलो मी काल ज्याला, ब्रँड तो माझा नसावा

वाटते काही कवींना एकदा हे ही घडावे
एकदा "केश्या"स या पण चांगला कोणी धुवावा

लेखनविषय:	विडंबन

वाचने 4596

प्रतिक्रिया 19

प्रतिक्रिया

हाहाहाहा

बेसनलाडू बुधवार, 22/04/2009 00:27

जबरी 'दारू'काम!
(फटाकडा)बेसनलाडू

डब्बल

श्रावण मोडक बुधवार, 22/04/2009 06:45

नुसता पतियाळी नाही, हा तर डब्बल पतियाळी झालाय.

हाहाहाहा....

राघव बुधवार, 22/04/2009 07:46

गुर्जी जबरा!
मूळ गझल अन् हे विडंबन, दोन्ही अप्रतीम वठले आहेत!

राघव

मस्त

चन्द्रशेखर गोखले बुधवार, 22/04/2009 07:49

मजा आली

हा हा हा हा

दशानन बुधवार, 22/04/2009 07:51

हा हा हा हा !
मस्त !

****
पतियाळी = पटियाला

पुर्वी (१९४७ च्या आधी) पटियाला व नाबा ही दोन संस्थाने होती पंजाब मध्ये, पटियाला खुप मोठे संस्थान व नाबा खुप लहान संस्थान पण भावा भावांचे होते व त्याच्या मधील नाते देखील सुमधुर होते त्यामुळे पटियालाचे महाराज व नाबाचे महाराज रोज पार्टीला एकत्र बसत, नाबाचे महाराज हे पॅग खुप मोठा (९० एमएल च्या वर) भरत तर पटियालाचे महाराज एकदम छोटा पॅग भरत त्यामुळे जेव्हा पटियालाचे महाराज नाबा महाराजांचा पॅग भरत तेव्हा ते म्हणत, नाबा तेरा छोटासा पर पॅग तेरा पटियालासा !

चित्र उपलब्ध नाही

थोडेसं नवीन !