चहा घेणार?

आज जागतिक चहा दिनानिमित्त हे स्फुरले. गोड मानून घ्या. आवडले/न आवडले तरी कळवा. जुना विषय काढण्यासाठी, विचारले मी चहा घेणार? तोच विषय टाळण्यासाठी, विचारते ती चहा घेणार? नको वाटले छप्पर आणि नको वाटले काही काही, खरे छान वाटले जेव्हा म्हणालास तू, चहा घेणार? फिके पडावे अत्तर ऐसा गंध हे पेय धारण करते, उकळीन ह्याला आले घालूनी, तू थोडा चहा घेणार? कारण नसता भेटीसाठी, कशास उगाचच भेटायाचे , तरी कुठूनसा येईन मी बघ, विचार फक्त चहा घेणार? चर्चांसाठी, वादासाठी किंवा आणखी कशाहीसाठी, निमित्तमात्र एक बुलावा, ऐक ना रे चहा घेणार? कामामध्ये व्यग्र असू दे हरेक माणूस घरातला, कान तरी आतुर ऐकण्या एक पुकारा, चहा घेणार? महत्त्व आता ह्या प्रश्नाचे तुम्हास आहे कळले म्हणता?, मित्र बनूया, हसून पाहूया, या बसा, चहा घेणार? -आगाऊ म्हाद्या जागतिक चहा दिवस २१ मे २१