नुसतं हो म्हटलं म्हणून जुळत नसतं नातं..
आखून दिल्या वाटेवर रुळत नसतं नातं..
माती हवी मायेची, अन् थोडं खारं पाणी,
सुक्या कोरड्या मनामध्ये रुजत नसतं नातं..
जपलं नाही जीवापाड तर मुकं मुकं होतं..
शब्दाविना स्पर्शाविना फुलत नसतं नातं..
रागावून रुसून वरून गप्प बसलं तरी,
हाकेसाठी एका, आत झुरत नसतं नातं?
दिवस वर्षं सरतात, अगदी कोरडे होतात डोळे
व्रण जरी भरले तरी बुजत नसतं नातं..
प्रतिक्रिया
15 Jan 2021 - 8:54 am | चलत मुसाफिर
कविता आवडली
15 Jan 2021 - 9:22 am | प्रचेतस
सुरेख
15 Jan 2021 - 2:53 pm | राघव
आवडली.
15 Jan 2021 - 3:10 pm | सरिता बांदेकर
मस्त जमलीय कविता. आवडली मला.
15 Jan 2021 - 6:34 pm | ज्ञानोबाचे पैजार
काही जखमा भरल्या तरी त्यांचे व्रण मात्र कायमचे मिरवावे लागतात
पैजारबुवा,
15 Jan 2021 - 6:52 pm | आंद्रे वडापाव
तुमचं विडंबन येऊ द्या लगोलग...
17 Jan 2021 - 9:06 am | प्राची अश्विनी
+11
15 Jan 2021 - 9:36 pm | Bhakti
सुरेख!
17 Jan 2021 - 9:05 am | प्राची अश्विनी
सर्वांना धन्यवाद!