Skip to main content

[कविता' २०२०] - तृष्णा

लेखक साहित्य संपादक यांनी सोमवार, 11/05/2020 17:31 या दिवशी प्रकाशित केले.

तृष्णा




कुंद हवेच्या संथ दुपारी मंद येतसे गंध जुईचा गुंग होउनी आम्र पाहतो झिम्मड दंगा गेंदफुलांचा. फांदीवरती उभा खिन्नसा खंत कशाची काक वाहतो पंखावरती रोजच त्याच्या इंद्रधनुष्ये मित्र काढतो. अरुंद छोट्या बांधावरती लालबुंदशा गुंजा पडती सांभाळत ते लांब पिसारे वेचायाला मयूर जमती. पुंजी अपुली जलबिंदूंची पर्णमंचकी खुली ठेवती शांत बैसली पंकजपुष्पे भृंगसख्याची वाट रोखती. ...... तडागतीरी बिंब न्याहळी यौवनातली मुग्ध राधिका कशी कळेना तंग कंचुकी नंदपुत्र तो स्वप्नी दिसता. रंध्रांध्राला स्पर्शुन जाईल मृद्-गंधाने बोझल वारा धुंद मनाला चिंब कराया येतिल आता पाउसधारा.

वाचने 26892
प्रतिक्रिया 37

प्रतिक्रिया

साहित्य संपादक शुक्रवार, 15/05/2020 21:34

मतदान पद्धत : सदस्यांनी प्रतिसादात +१ असे लिहिलेले एक मत धरले जाईल. +१०, +१११, +७८६, +१००^१०० हे सर्व १ मत धरले जाईल.

साहित्य संपादक शुक्रवार, 15/05/2020 21:34

मतदान पद्धत : सदस्यांनी प्रतिसादात +१ असे लिहिलेले एक मत धरले जाईल. +१०, +१११, +७८६, +१००^१०० हे सर्व १ मत धरले जाईल.

साहित्य संपादक शुक्रवार, 15/05/2020 21:34

मतदान पद्धत : सदस्यांनी प्रतिसादात +१ असे लिहिलेले एक मत धरले जाईल. +१०, +१११, +७८६, +१००^१०० हे सर्व १ मत धरले जाईल.

खिलजि बुधवार, 13/05/2020 17:28
आईची आन , काय शॉलिड लिखाण येक नंबरी कविता झालीय इथे , इथे या मनात खोलवर रुजलीय मलापण वाटते , असाच काहीसं अर्थपूर्ण लिहावंसं स्वतःच्याच मनाशी तासनतास बोलावसं

बबु गुरुवार, 14/05/2020 16:55
'औदुम्बर' या जुन्या सुन्दर कवितेची आठवण जागी झाली.

चांदणे संदीप रविवार, 24/05/2020 13:00
इतक्या सुंदर कवितेला गुण द्यायचा राहून गेला. :( २० प्रतिसादांचा (गुण नव्हे!) टप्पा ओलांडणारी एकमेव कविता! सं - दी - प

पाषाणभेद रविवार, 24/05/2020 11:13
तडागतीरी बिंब न्याहळी यौवनातली मुग्ध राधिका कशी कळेना तंग कंचुकी नंदपुत्र तो स्वप्नी दिसता. या कडव्याने कवितेला निराळे वळण मिळत आहे. हे कडवे नसते तरी चालले असते. कविता एकदम चित्रमय आहे! एक नंबर!

प्राची अश्विनी सोमवार, 25/05/2020 10:38
खरंय. ते कडवं टाकावं की वगळावं यावर मीसुद्धा विचार केला होता.

पाषाणभेद सोमवार, 25/05/2020 19:16
बघा मी म्हनलो नव्हतो का येक नंबर! आला का न्हाई येक नंबर. मंग. हाबीनंदन!

मनिष सोमवार, 25/05/2020 20:23
नाही हो, राहू दिले तेच चांगले झाले. काही-काही विषयांना आपण का अस्पर्श ठेवतो कोणास ठाऊक?

सत्यजित... सोमवार, 01/06/2020 16:11
तडागतीरी बिंब न्याहळी यौवनातली मुग्ध वाटिका कशी कळेना तंग कंचुकी कृष्ण-मेघ तो स्वप्नी दिसता. असं काहिसं कवितेच वळण कदाचित बदललं नसतं! कविता मोहक चित्रवती आहेच!अभिनंदन!

बिपीन सुरेश सांगळे सोमवार, 25/05/2020 12:54
प्राची कविता खूपच आवडली . नादरम्य आहे . ( फक्त बोझल शब्द नको होता )