" हे ना अमेरिकेतलं the Best झू आहे". निर्मोह ला कडेवर घेऊन श्रावण त्याला माहिती सांगत होता.
"इतक्या सुंदर आणि मोठ्या पिंजऱ्यात फक्त एकच गोरिल्ला?" निर्मोह ने कुतूहलाने विचारल.
"अरे तो इथला सगळ्यात हुशार गोरिल्ला आहे."
गोरिल्लाला जवळून बघत निर्मोह ने विचारल "पण याचे मॉम डॅड कुठे आहेत? "
"ते लांबच्या जंगलात."
"पप्पा आपण याला पिंजऱ्यातून सोडून द्यायचं, म्हणजे तो आपल्या मॉम डॅड कडे जाईल."
आपल्या मुलाकडे कौतुकाने बघून हसत श्रावण म्हणाला "अरे तो नाही जाणार. बघ इथे किती special treatment मिळते त्याला."
निर्मोह हिरमुसला आणि त्या गोरिल्ला कडे बघत म्हणाला "How Sad."
पिंजऱ्यातून आवाज आला “Just Like your Dad!”