जगभर संकल्पज्वराच्या साथीचे थैमान, "कोण" चा इशारा

चामुंडराय's picture
चामुंडराय in जनातलं, मनातलं
2 Jan 2020 - 12:15 am

जागतिक स्वास्थ्य संघटना (कोण) यांनी सूचित केल्याप्रमाणे सध्या जगभर संकल्पज्वराची साथ आलेली आहे.

संघटनेने पत्रक काढून असे जाहीर केले आहे की ही साथ अतिशय वेगाने पसरणारी आणि संसर्गजन्य आहे. विशेषतः आरंभशूर मंडळींना ह्या साथीच्या ज्वराची लागण लगेच होते असे निरीक्षण नोंदवले आहे. आणखी एक वैशिष्ट्य म्हणजे कित्येकदा ही लागण सामूहिक असते असे मत व्यक्त केले आहे.

या आजारासाठी कोणत्याही उपचाराची गरज नसून फक्त थोडा वेळ जाऊ द्यावा लागेल आणि साथीची तीव्रता कमी होत जाईल. सामूहिक लागण असेल तर एक एक सदस्य ह्या आजारातून आपोआप बरे होत अंतिमतः केवळ एक किंवा दोन सदस्यांना उपचाराची गरज असेल.

जिमला जाऊन वजन कमी करणे हा त्यातील एक महत्वाचा संकल्पज्वर असेल.

साधारणतः जानेवारी अखेर पर्यंत हा संकल्पज्वर उतरेल आणि फेब्रुवारी अखेर पर्यंत ह्या साथीचा मागमूस देखील उरणार नाही.

असे असले तरी २०२१ वर्षारंभी ही संकल्पज्वराची साथ पुनश्च येईल असा सावधानीचा इशारा "कोण" ह्या संस्थेने दिला आहे परंतु ज्वराची लागण झालेल्या नागरिकांनी निष्ठेने संकल्पाचे पालन केले तर फायदा होईल असे मत व्यक्त केले आहे.

आमेन.

मांडणीविडंबनविचारबातमीविरंगुळा

प्रतिक्रिया

जालिम लोशन's picture

2 Jan 2020 - 4:01 pm | जालिम लोशन

lol

स्वोर्डफिश's picture

2 Jan 2020 - 9:16 pm | स्वोर्डफिश

lol

मुक्त विहारि's picture

6 Jan 2020 - 6:30 pm | मुक्त विहारि

कुठलाच संकल्प करत नाही.

नुकत्याच हाती आलेल्या वृत्तानुसार अवघ्या दहा दिवसात संकल्पज्वराच्या साथीचा भर ओसरत असल्याची चिन्हे जगभर दिसत आहेत असे "कोण" संस्थेने कळवले आहे.
आता हि साथ pandemic वरून epidemic झाली आहे असे कळते.

संकल्प ज्वराच्या साथीचा प्रभाव आता बऱ्यापैकी ओसरला असून साथ आटोक्यात आली आहे असे "कोण" ह्या जागतिक आरोग्य संघटनेने कळवले आहे.
तुरळक प्रमाणात हा ज्वर अजूनही चालू असून पुढील महिना भरात हि साथ पूर्णपणे आटोक्यात येईल असे म्हटले आहे.
परंतु जे कोणी दोन महिन्यानंतर देखील ज्वराने पीडित असतील तर त्यांना फायदाच होईल असे मत व्यक्त केले आहे.

आत्ताच हाती आलेल्या वृत्तानुसार नव वर्षारंभापासून जगभरात पसरलेली संकल्प ज्वराची साथ पूर्णपणे आटोक्यात आली आहे असे "कोण" ह्या जागतिक आरोग्य संघटनेने कळवले आहे.

अजूनही संकल्प ज्वराची लागण झालेले काही रुग्ण सापडण्याची शक्यता असली तरी हि अपवादात्मक परिस्थिती असेल असे कळते.

मात्र पुढील वर्षाच्या आरंभी हि साथ पुनःश्य येण्याचे भाकीत "कोण" ने वर्तविले आहे ह्याची नोंद घ्यावी.