Skip to main content
लेखक प्राची अश्विनी यांनी शनिवार, 14/12/2019 07:56 या दिवशी प्रकाशित केले.

"गंमत केली" म्हणालास तू
"कळले मजला" मीही म्हटले.
तुलाही ठाऊक मलाही ठाऊक
खरे काय अन् खोटे कुठले.

लाईक होते असंख्य त्यावर
डीपी जेव्हा नवा ठेवला
पाठवले तू smile जेव्हा
इथे खुशीचे तरंग उठले.

नुसते smile, ठाक कोरडे
तरी पोचते ओल त्यातली.
एक इमोजी सांगून जातो
शब्दांना जे नसते जमले.

म्हणो कुणी हा सोशल मीडिया
नाही शाश्वत फक्त दिखावा.
तुलाही ठाऊक मलाही ठाऊक
खरे काय अन् खोटे कुठले.

काव्यरस
काहीच्या काही कविता
लेखनविषय:
वाचने 16131
प्रतिक्रिया 21

प्रतिक्रिया

खिलजि सोमवार, 16/12/2019 12:23

मी नाही करणार इथे पुढे गम्मत......

मी नाही करणार इथे पुढे गम्मत......

आता नाही आहे , माझ्यात तेव्हढी हिम्मत ...

सर्वच्या सर्व आवडले

आठवले म्हणून पाठवले

मला माहित है ,

तुम्ही नाराज नै

हलकेच घ्याल असे वाटले

म्हणून हेपण लगेच आठवले

==)))) ==)))) ==))))

मुक्त विहारि सोमवार, 16/12/2019 15:50

हा एक उत्तम सिनेमा, आंतरजालीय संभाषणावर आधारित आहे.

जमल्यास जरूर बघा.

राघव सोमवार, 16/12/2019 18:28

खूप आवडीचा चित्रपट आहे. आठवण करून दिल्याबद्दल आभार. खूप दिवसांत बघितलेला नाही. आता परत बघणे आले. :-)

मुक्त विहारि सोमवार, 16/12/2019 22:46

आणि मेग रायनने देखील तोडीस तोड अभिनय केला आहे....

राघव मंगळवार, 17/12/2019 13:09

येस्स..!
आणि त्यांचाच त्या आधीचा.. Sleepless in Seattle.. तोही चांगलाय.
पण You Have Got Mail जास्त चांगला जमलाय! :-)

प्राची अश्विनी मंगळवार, 17/12/2019 08:41

पाहिलाय. आवडलेला अर्थातच. रेडिफ मेल वर खातं होतं त्या काळात माझं. :)