देव भेटो वा न भेटो येऊ दे हे मागता
आतला माणूस माझ्या नित्य राहो जागता ।
चाललो कुठल्या दिशेला हे न उमगे ज्या क्षणी
एक ही साधी कसोटी आठवो त्या त्या क्षणी
दुःख दुसऱ्या देउनी सुख येत नाही भोगता ।।
हासता यावे मला पाहून इतरांना सुखी
भावना माझी नसो सहवेदनेला पारखी
या विचारांना कृतीही येऊ दे मज जोडता ।।
कोण मी? हा प्रश्न राहो सारखा माझ्या मनी
काय नाते या जगाशी? हे असावे चिंतनी
आरसा बघतो तसे जग येऊ दे मज पाहता ।।
~ मनमेघ
प्रतिक्रिया
7 May 2019 - 9:01 pm | राघव
वाह! खूप खूप दिवसांनी एकदम अंतर्मुख करणारी कविता वाचायला मिळाली!!
बंधो, "आतला माणूस माझ्या नित्य राहो जागता " ही ओळच सगळं व्यापून आहे. __/\__
7 May 2019 - 9:27 pm | गोंधळी
छान
7 May 2019 - 11:38 pm | अन्या बुद्धे
छान!
8 May 2019 - 1:09 am | शिव कन्या
आतला माणूस माझ्या नित्य राहो जागता .... सुंदर.
आवडली.
8 May 2019 - 7:30 am | मनमेघ
प्रतिसादाबद्दल सर्वांचा आभारी आहे.
8 May 2019 - 10:17 am | यशोधरा
सुरेख!
8 May 2019 - 11:31 am | श्वेता२४
खूप आवडली
13 May 2019 - 3:32 pm | मनमेघ
आपल्या प्रतिसादांबद्दल आभारी आहे.
13 May 2019 - 6:19 pm | गड्डा झब्बू
छान कविता.