तुमच्या घरच्या देवघरातील मुर्ती, टाक, देवक, तांदळा इत्यादींची माहिती हवी

चांगला शोध आहे.वाडे पाडून नवीन इमारती बांधल्या जाण्याच्या अगोदरच यांचे फोटो वगैरे काढून नोंदी करायला हव्यात.प्रसिद्ध देवघरांपैकी सज्जनगडावरचे एक आहे साडेतीनशे वर्षांचे.नेवाशात सापडतील तेराव्या शतकातील पुरावे.

आमच्या घरात पूजेचे देव नाहीत. पण महेश्वरला अहिल्याबाई होळकरांचे देवघर फार छान जपलेले आहे.शंकराच्या पिंडी,टाक शाळीग्राम,बाण इ, स्वच्छ पितळी पूजेची भांडी.खूप प्रसन्न वाटते बघून.

आमच्या घरी पुजेत असलेला दत्तगुरूंचा फोटो बहुतेक ७८ का ८० वर्षे जुना आहे बहुतेक ! बाबांना विचारून कन्फर्म करायला हवे

गावाला गेले की तिथून माझ्या पणजोबांनी काढलेल्या तसबिरीचे फोटो आणि सासरच्या घरातील जुन्या परंपरेने चालत आलेल्या मूर्ती, शाळिग्राम इत्यादीचे फोटो काढून देते.

माहितगार असुन तुम्हालाच नेहमी कशी हो सारखी माहिती हवी असते, हे भले मोठाले नावांचे धागे वर प्रचंड बिनकामाच्या लिंका.

मूर्तींची छायाचित्रे आणि त्यांच्या आयकोनोग्राफ़ीमध्ये कालानुरूप झालेले बदल पाहण्यास आवडतील.

१) तुमच्या घरच्या देवघराचे स्वरुप कसे आहे ? म्हणजे स्वतंत्र खोली आहे. लाकडी, दगडी अथवा संगमरवरी देवघर आहे ? माहिती असल्यास देवघर किती जुने आहे.
देवघर लाकडी चौरंग आहे. स्वतंत्र खोली आहे. लाकडी चौरंग आहे. देवघर 20 वर्षे जुने आहे.

२) तुमच्या घरच्या पुज्य प्रतिमा/मुर्ती कशा प्रकारच्या आसनावर बसवलेल्या आहेत ?
लाकडी चौरंग आणि वर लाल वस्त्र आहे.

३) तुमच्या घरी कोण कोणत्या मुर्ती/प्रतिमा/टाक/तांदळा/शिवलिंग/रुद्राक्ष/शंख (आणखी काही असेलतर) देवघरात आहेत ? जिथे जिथे माहिती असेल त्या मुर्ती इत्यादी बाबत ती केव्हा पासून आहे.
सोबतच छायाचित्रे मुर्तींची नुसती छायाचित्रे -एक उद्देश अभ्यासकांना मुर्ती अभ्यास सोपा जावा चर्चा करता यावी- तसेच वस्त्र पुजा इत्यादी सहीत (परंपरेचे निटसे आकलन होण्याच्या दृष्टीने) प्रतिसादां सोबत छायाचित्रे जोडल्यास छानच, आणि त्याही पुढे जाउन आपण स्वतः काढलेली छायाचित्रे या दुव्यावरून विकिप्रकल्पांसाठी कॉपीराईट मुक्त स्वरुपात अपलोड करणे शक्य झाल्यास दुधास साखरेचा गोडवा लाभेल. (अर्थात विकिमिडीयावर चढवलेली कॉपीराइट मुक्त छायाचित्रे कुणालाही वापरण्यास आणि छायाचित्रात बदलही करण्यास मुक्त होतात याची नोंद घ्यावी)
मूर्ती: तुळजाभवानी, गणपती, गायत्री, नाग, शिवपिंड, बाळकृष्ण, पंचमुखी रूद्राक्ष एका अघोरी साधूने दिलेला, अन्नपूर्णा, कुलस्वामी नाईकबाची मूर्ती, लक्ष्मीदेवीचा अन्य कुठेही न मिळणारा गूढ फोटो आहेत.

४) तुमच्या घरी देवक आहेत का ? कोणते त्यांचे स्वरूप (इथे लक्षात घ्या देवक म्हणजे देव नव्हे देवक संकल्पनेची आ.ह.साळुंखेकृत व्याख्या "इश्वर नाहीत अशा पण इश्वर समकक्ष पूजनीय अथवा पवित्र परंतु प्रतीकांना देवक संबोधले जाते" अशी आहे. ) वर प्रमाणेच जमल्यास छायाचित्रे देवक केव्हापासून महत्व, विश्वास, परंपरा इत्यादी.
देवक फक्त नागदेवता आहे....

५) देवघर, देवक, टाक, तांदळा इत्यादींच्या उपासने साठी वापरली जाणारी इतर साधने जसे समया, निरांजने, घंट्या, आसने वर नमुद केल्या प्रमाणे जेथे शक्य आहे तेथे
बिडाची समई, चांदीचे निरांजन, पितळी घंटा आणि खास लोकरीचे आसन आहे...

एक मोती 150 वर्षांपूर्वीचा आहे. बसरा मोती. सुंदर गोल आणि निळसर झांकेचा.

एका अघोरी साधूने दिलेला 5मुखी रूद्राक्ष आहे...

कुलस्वामिनी तुळजाभवानीची पूर्ण चांदीची मूर्ती आहे दीड किलो वजनाची.
8 वर्षांपूर्वी घरात दरोडा पडला सातार्यात. देवघरातील चांदीची घंटी व निरांजन पण चोरली चोरट्यांनी. पण देवीची मूर्ती चोरू शकले नाहीत. आश्चर्यच होते ते.

आमच्याकडे घरातली बाळकृष्णाची मूर्ती निदान १५० वर्ष जुनी असेल. बाकी सगळ्या गोष्टी नवीनच आहेत.

माहितगार आपला आता धाग्यावेताळ झालाय!
एकापाठोपाठ एक जिलेब्या येतच आहेत!

पण मार्च एंडचा प्रतिसाद आपलाच आहे.
आणि बाकीही जिलब्या आहेतच!

Mahitgar.. Hya murti Tirupati Balaji ani tyanchya Patni Padmavati ani Mahalakshmi hyanchya ahet.