Skip to main content

लाड

लेखक वन यांनी मंगळवार, 27/11/2018 09:42 या दिवशी प्रकाशित केले.
गुबगुबीत बाळाचा पहिला वाढदिवस वाटतोय अगदी प्रदर्शनीय उत्सवच चिमण्या नजरेने टिपलेली लठ्ठ श्रीमंती देतीय भविष्यातील ऐश्वर्याची हमी पुढच्या टप्प्यात दिसतंय सुखासीन बालपण मागेल ते मिळतंय कारण कमी नाही धन बागडणाऱ्या गोंडसाचा काढून टाकलेला लगाम खुणावतोय की व्हायचे नाहीच कधी गुलाम धोधो ओतलेल्या पैशातून अंकुरलेले शिक्षण कमीच पडतंय की लावायला चांगले वळण केलेल्या गुंतवणुकीतून हवी असलेली वसुली शोधाया लावतेय कोणा सावजाची टुमदार हवेली गडगंज विपुलतेतून अंगात आलेला माज करू नाही शकत बौद्धिक दुबळेपणावर मात आणि अखेर प्रश्न पडतो मनाच्या कवाडात की खरंच करायला हवेत का नको इतके लाड ? ........................................................
काव्यरस
कविता माझी
लेखनविषय:
वाचने 1548
प्रतिक्रिया 2

प्रतिक्रिया

श्वेता२४ मंगळवार, 27/11/2018 10:47
लाड केवळ श्रीमंत लोकच करतात असे नव्हे मुलगा असेल तर मुलींच्या तुलनेत सर्वच आर्थिक स्तरात अतीलाड केले जाता (तुलनात्मक म्हणायचे आहे. सरसकट नव्हे). तसेच लाडामुळे मूल बिघडत असेल तर केवळ पालकच दोषी कसे असू शकतात. ते मूलही किंबहूना जास्त जबाबदार असते. श्रीमंतांच्या घरातही सुसंस्कृत मुले जन्माला येतात. मग काय सगळेच बिघडतात किंवा त्यांचे लाड केले जात नाहीत? मला हे व्यक्तिश: पटत नाही.