Skip to main content

मन यॉडलं यॉडलं! (यॉडलिंगवर गझल)

लेखक कुमार जावडेकर यांनी रविवार, 02/09/2018 11:20 या दिवशी प्रकाशित केले.

वेड इतकं जडलं, मन यॉडलं यॉडलं!
पार पार बिघडलं, मन यॉडलं यॉडलं!

स्वप्न मनात फुललं, मन स्वप्नात झुललं
स्वप्नरंजनी दडलं, मन यॉडलं यॉडलं!

माझं दुरून पाहणं, तुझं चोरून लाजणं
कसं कळेना घडलं, मन यॉडलं यॉडलं!

तुझं दिवसा टाळणं, माझं रात्रीचं झुरणं...
अंगवळणी पडलं, मन यॉडलं यॉडलं!

वाटे हवासा होकार; पण नकार स्वीकार!
नाही खेटर अडलं, मन यॉडलं यॉडलं!

- कुमार जावडेकर

काव्यरस
gajhal
लेखनविषय:
वाचने 2510
प्रतिक्रिया 4

प्रतिक्रिया

कुमार जावडेकर रविवार, 02/09/2018 11:49

ही आपण उल्लेखलेली व्यक्ती कोण आहे हे मला माहिती नाही, पण हे 'मला उमजलेलं झुमरू' असं मी म्हणेन.