Skip to main content

अभिनंदन! अभिनंदन! अभिनंदन!

लेखक अभ्या.. यांनी शनिवार, 12/05/2018 21:22 या दिवशी प्रकाशित केले.

मंडळी नमस्कार,
नमस्कार म्हणजे काय त्रिवार दंडवत नमस्कार हो, कारण मिपावर आल्या दिवसापासून बघतूया. एकेक सुपरस्टार हायेत राव हितं. आपले मिपाकर म्हणून नाते जुळत जातंया आणि अचानक कळतंया हे माणूस लै वल्ली है. इथं आपल्यासारखा मिपाकर म्हनून वावरतंय पन असली दुनियेत लैच नाव कमवून हाये. ज्या गोष्टी उगा आपण पेपरात बिपरात वाचतांव, टीव्हीवर बघताव ती माणसे चक्क मिपावर हायेत आपल्या संगं. मला तर कवाबवा असंबी वाटतंय की आपन लैच चिल्लर हाय राव. पण मिपाकरांनी अशा अटकेपार रवलेल्या झेंड्याचे कवतिक तर असणारच ना भौ. एकतर आपलं माणूस असतंय. आपलं मराठी माणूस.
आता हेच बघा की, आपले बिकामालक, म्हणजे आपले बिपिन कार्यकर्ते हो. भारी लिहितेत आणि लै भारी माणूस हायेत म्हणून ऐकलेले. भेटले एकदा आवर्जून आमच्या गावात येऊन. एकदम सिंपल माणूस हो. प्रेमाने बोलणारा, तेवढ्याच प्रेमानं आपलंसं करणारा. आपले प्राडॉ. बिरुटे सर घ्या, जयंतकाका घ्या नायतर मालक नीलकांत प्रशांत घ्या. ते बी तसेच. आपुलकीने जीव लावणारच. मिपावरचा स्नेह तर असणारच शिवाय प्रत्यक्ष आयुष्यातील अडचणीसाठी पाठीवर विश्वासाने हात ठेवणारी माणसे ही.
तर मी काय सांगत होतो तर आपले बिकामालक हो. बिपिनदादांचा लिहिता हात काय वर्णावा. त्यांचे खोबार वर्णनापासून आम्ही चाहते त्यांच्या लिखाणाचे. तर मनोविकास प्रकाशनातर्फे उर्वशी बुटालिया लिखित संपादनांचा 'हे शांतततेचे बोलणे' काश्मीरी स्त्रियांचा आवाज हा अनुवाद आपल्या बिपिनदादांनी केलेला प्रकाशित होतोय.

bk

मान्यवर प्रकाशनातर्फे प्रकाशित झालेल्या अशा लेखनांबद्दल बिपिनदादांचे हार्दिक अभिनंदन आणि त्यांच्या आगामी लेखनासाठी सर्वच मिपाकरांतर्फे मनापासून शुभेच्छा.

लेखनविषय:
लेखनप्रकार
वाचने 15706
प्रतिक्रिया 48

प्रतिक्रिया

चित्रगुप्त शनिवार, 12/05/2018 22:30

त्रिवार अभिनंदन आणि कोटि कोटि प्रणिपात बिपिनपंत. हे पुस्तक वाचण्याची तीव्र इच्छा आहे.
(चित्र दिसत नाहीये अभ्याश्री)

गामा पैलवान रविवार, 13/05/2018 12:45

भाषाप्रभू बिकांचं मी अभिनंदन करणं म्हणजे सशाने हत्तीचं अभिनंदन करणं होय. तरीपण करतो.

-गा.पै.

प्रा.डॉ.दिलीप बिरुटे रविवार, 13/05/2018 13:43

बिकासेठ, अभिनंदन....! बिकासेठ म्हणजे लै मोठा माणूस. आपलं नशीब असं की यांचा सहवास लाभलाय. धन्स मिपा.

अवांतर : अभ्या लेका माझं नाव मोठ-मोठ्या लोकात घुसायडाची काय पण गरज नव्हती. अरे मिपावर बडी बड़ी हस्तियाँ आहेत. बसल्यावर सॉरी भेटल्यावर बोलूच.

-दिलीप बिरुटे
(साधा मास्तर )

-दिलीप बिरुटे

विशुमित रविवार, 13/05/2018 16:15

अभिनंदन अभिनंदन अभिनंदन बिपीन जी...!!
ग्रेट लोक आहेत मिपावर..
माझे तर आयुष्यच बदलून गेले आहे मिपावर आल्यापासून.

ज्ञानोबाचे पैजार सोमवार, 14/05/2018 09:21

बिपिनदांचे मनापासून अभिनंदन , बरं बाटत असं काही वाचल की...
पण त्यांच्याबद्दल एक तक्रार सुध्दा आहे, आजकाल ते इकडे जरा कमीच येतात,
मिपावरची माया अशी पातळ करु नका बिकासेठ
पैजारबुवा,

शिव कन्या सोमवार, 14/05/2018 23:04

हे शांततेचे बोलणे मराठीत आणल्याबद्दल बिकांचे हार्दीक अभिनंदन.

तर त्या बोलाचा प्रतिध्वनी इथे उमटवल्या अभ्या भौ यांचे अभिनंदन .

तुषार काळभोर शुक्रवार, 29/06/2018 13:15

‘Speaking Peace: Women's Voices from Kashmir’ या उर्वशी बुटालिया यांनी मूळ इंग्रजीमध्ये संपादित केलेल्या पुस्तकाचा बिपीन कार्यकर्ते यांनी ‘हे शांततेचे बोलणे : काश्मिरी स्त्रियांचा आवाज’ या नावानं केलेला मराठी मराठी अनुवाद नुकताच प्रकाशित झाला आहे. मनोविकास प्रकाशनातर्फे प्रकाशित झालेले हे पुस्तक ‘भारतीय लेखिका’ या मालिकेतील नवीन पुस्तक आहे. या पुस्तकाला बुटालिया यांनी लिहिलेल्या दीर्घ प्रस्तावनेचा हा संपादित अंश...

समीरसूर शुक्रवार, 06/07/2018 13:16

त्रिवार अभिनंदन, काका! आपलं नाव मोठं आहेच; ते उत्तरोत्तर अधिक मोठे होत राहो या सदिच्छा!! :-) पुस्तक नक्की वाचणार.

समीर