केवळ अप्रतीम! अन्य शब्द नाहीत.....! एकेक ओळ दाद द्यावी अशी. जियो केशवा....! आपला, (केशवाच्या विडंबनांपेक्षा त्याच्या कवितांचाच जबरदस्त चाहता!) तात्या.

गुरुजी , हे बरे झाले, पण केशवा, विडम्बने एकदम बन्द करु नकोस. कविता छानच! भाऊ

केसुनाना, अतिसुंदर..... एकेक ओळ दाद द्यावी अशी. सहमत. वि.सु. : आम्ही ही कविता आहे असेच समजून आहोत. हे जर तुमच्य निवृत्तेचे पत्र असेल तर यास केराची टोपली दाखवण्यात येइल. स्वगतः हा कच्चा माल म्हणून वापरता येइल काय? आंबोळी

अचानक निव्रूत्ती वगैरे घेउ नका राजे.... अजुन बरीच मजल मारायची आहे आपल्याला.... एवढ्यात्च दमलात ... आणी कविता एक्दम सही ~~~~~~~~ आपल्या कवितेचा चाहता, -- ऍनयू उर्फ बैल ~~~ आमची कोठेही शाखा नाही~~~

कविता अफलातुन. विडंबनकार केसु ना विश्रांती जरुर द्या पण निवृत्त करायचा विचार देखील आणू नका. व ही विनंती नाही तर धमकीच समजा.

निवृत्ती.................................प्रवृत्ती छळले मी त्या सर्व कवींना स्मरतो आहे..........छळले मी ज्या सर्व कवींना स्मरतो आहे शेवटचे मी आज विडंबन लिहितो आहे..........पहिल्यांदा का आज विडंबन लिहीतो आहे वा व्वा टाळ्या खूप मिळाल्या मज रसिकांच्या...वा व्वा टाळ्या जरी मिळाल्या मज रसिकांच्या आत तरीपण एक कवी घुसमटतो आहे .........आत तयांच्या खरा कवी घुसमटतो आहे कसा अडकलो प्रतिमेच्या जाळ्यात कळेना .....पुरा समजलो विडंबनी जाळेच तुटेना सुटण्यासाठी माशासम धडपडतो आहे.........त्या जाळ्यातुन सुटण्यासाठी पळतो आहे मित्रांनी ही सावध केले होते मजला.............मित्रांनी का सावध केले होते मजला? आठवणींनी त्या सार्‍या गलबलतो आहे .........आठवुनी ते सारे मी गलबलतो आहे डोळ्यांन मध्ये स्वप्नांच्या ना पाहू शकतो ........डोळ्यांन मध्ये स्वप्नांच्या मी पाहू शकतो आरसाही बघण्यास मी घाबरतो आहे ..........आरसा मला बघण्याला घाबरतो आहे शब्दांच्या मी या कोलांट्या खूप मारल्या .......शब्दांच्या मी का कोलांट्या खूप मारल्या विदूषकाचा भोग आज मज कळतो आहे .......विदूषकाचा भोग काय ना कळतो आहे? करा मोकळा प्रतिमेच्या पिंजर्‍यातून आता ......करा बंद पिंजराच एकदा प्रति-प्रतिभेचा हेच मागणे, हीच विनवणी करतो आहे ..........हेच मागणे, हीच विनवणी करतो आहे साद घालते मला खुले आभाळ कधीचे ..........होत मोकळे मला खुले आभाळ कधीचे आज नवी सुरुवात पुन्हा मी करतो आहे ........आज नवी सुरूवात पुन्हा का करतो आहे

सही !!! नरेन्द्रजी !!!! बढीया!!!!!!!!!!!!!!!!!! -- ऍनयू उर्फ बैल ~~~ आमची कोठेही शाखा नाही~~~

एकाहून एक सरस द्विपदी! खरं सांगू आत तुटलं रे कुठेतरी! (स्वगत - ऐन भरात असताना अशी निवृत्ती? खरंच विचार करतोय हा केशा की काय? कोण आहे रे तिकडे जरा फर्मास कच्चा माल काढा बघू. ;) चतुरंग

साद घालते मला खुले आभाळ कधीचे आज नवी सुरुवात पुन्हा मी करतो आहे सुरुवात तर छानच आहे ... छळले मी त्या सर्व कवींना स्मरतो आहे... कविंना नक्की असं वाटत नसेल शेवटचे मी आज विडंबन लिहितो आहे...असं नका करु , लिहीत रहा

आमची प्रतिक्रिया येथे वाचा....

छान आहे. "मनोगत" असेल तर मात्र आवडले नाही. ;)

केशव सुमार... पुन्हा एकदा विलक्षण प्रतिभेचा अनुभव आला आपल्या. केवळ सुंदर.. पण विडंबनातून निवृत्ती नका घेऊ.. - (सर्वव्यापी)प्राजु http://praaju.blogspot.com/

निवृत्तीची घोषणा हवी तर अशी! मनातला एक-एक विचार स्पष्टपणे,प्रामाणिकपणे मांडणारे सग़ळेच खणखणीत शेर आवडले. मित्रांनी ही सावध केले होते मजला आठवणींनी त्या सार्‍या गलबलतो आहे शब्दांच्या मी या कोलांट्या खूप मारल्या विदूषकाचा भोग आज मज कळतो आहे तुमची प्रतिभा वादातीत आहे;आणि कदाचित म्हणूनच तुमच्यातला विडंबनकार तुमच्यातल्या कवीवर अन्याय करत असतो/होता असे वाटते. कदाचित माझे मत हे सर्वमान्य जनमताच्या विरोधात वाटेल,पण निवृत्तीचा निर्णय स्वागतार्ह वाटतो.कोणत्या भावनेतून तुम्ही तो घेतला असेल,याची कल्पना आहेच आणि शेरांमधून ते पुरेसे स्पष्टही झाले आहे,असे वाटते.तुमच्यातल्या कवीचे मनोगत समजू शकतो.पण असा महत्त्वाचा नि टोकाचा निर्णय अचानक घेण्यापेक्षा चूझ युवर गेम ऍन्ड प्ले लाइक सचिन,असे म्हणावेसे वाटते ;) हे विडंबनकार ते कवी हे संक्रमण अधिक प्रगल्भतेकडे होणारे संक्रमण असे अचानक न होता स्मूथ झाले तर बेहतर! (समजूतदार)बेसनलाडू

कविता आवडली www.shrikrishnasamant.wordpress.com श्रीकृष्ण सामंत "कृष्ण उवाच" shrikrishnas@gmail.com

केशवसुमारजी, कविता अगदी उत्तमच आहे. पण गुरुदेव, खरंच निवृत्ती नका घेऊ हो! अहो, आमचं शिक्षण अजून पुरं व्हायचंय स्वामी! आम्हाला दुसरा गुरू शोधावा लागेल ना! गुरूबिन कौन लगावे वाट? आपला अबोध शिष्य, पिवळा डांबिस (स्वगतः त्या बेला ला आणि रंगाला गुरु करण्यात काही अर्थ नाही! ते लेकाचे माझ्यापेक्षाही जास्त डांबिस आहेत!!!:))

निवृत्ती नको हो.. कविता छान (आणि काही विडंबनेही लक्षात आहेत!)

केशवसुमारजी, तुम्ही जेवढ्या चांगल्या कविता करता तेवढीच चांगली विडंबने देखिल..!! जास्त कविता करा पण विडंबने पण सुरु ठेवा हेच आमचे सांगणे..!! स्वप्निल..

मित्रवर्य केशवसुमार, कविता आवडली. भावना पोहोचल्या. तुम्ही विडंबनातून मुक्त होत आहात असा अर्थ त्यातून उमगला . त्यावरून सांगावेसे वाटते की, विडंबन हे तुमच्या रक्तात आहे. विडंबन हा तुमचा पिंड आहे आणि स्वतःच्या अभिजात पिंडाविरूद्ध कुणीही सुखाने जगू शकत नाही. तुम्ही देखिल विडंबनाशिवाय सुखाने जगू शकणार नाही. हे आम्ही अत्यंत ठामपणे सांगत आहोत. याची प्रचिती तुम्हाला येईलच. जेव्हा आम्ही तुमची कुंडली पाहिली तेव्हाच तुम्हाला सांगितले होते की तुम्ही एवढी उत्तम विडंबने का आणि कशामुळे करू शकता. तुम्हाला ते स्मरत असेलच. तुमच्या कुंडलीत काही अत्यंत प्रबळ बौद्धिक योग आहेत, जे तुमच्या लेखनाला उत्तम नावलौकिक आणि प्रतिष्ठा मिळवून देतील हे आम्ही तुम्हाला सांगितले होते ते जरा आठवा. तुमचा बुध खूप शुभ असून त्याला स्थानबलही उत्तम आहे. बुध हा खोडकर ग्रह आहे. तो शनीसारखा आडमुठ्या, माणूसघाण्या नाही, गुरूसारखा लोकांना शहाणपणाचे आणि तत्वज्ञानाचे डोस पाजणारा नाही, तर हसरा, खेळकर आणि मार्मिकपणाने टिपण्णी करणारा बुध आहे. तो तुमच्या कुंडलीत आत्यंतिक शुभ असल्यामुळे विडंबनात्मक, खुमासदार लेखनाचा तुमचा पिंड आहे. बुध अनुकूल असल्यामुळे तुमच्या विडंबनाचा दर्जा उच्च आहे. कुठल्याही गोष्टीतले वर्म शोधून त्यावर मार्मिकपणे भाष्य करण्यात तुमची हातोटी आहे. ज्या गोष्टींना ग्रहांची अनुकूलता असते त्या गोष्टी सहजसाध्य असतात. त्यामुळे ग्रहस्थितीचा फायदा करून घ्यावा. निवृत्तीचे विचार हे अभद्र डोहाळे आहेत. तुमच्या व्यक्तिमत्वाशी ते विसंगत असल्याने त्यात यश येणार नाही हे निश्चित. त्यामुळे पुन्हा लेखणी हाती घ्यावी आणि झकास विडंबने करून हा निवृत्तीचा धोंडा दूर सारून तुमच्या प्रतिभेचा पाझर मोकळा करावा हेच सांगणे आहे. "केशवसुमार" हा मराठीतील उत्कृष्ठ विडंबनकारांपैकी एक आहे..... अशी मराठी सृजनाची धारणा होण्याचा दिवस फार दूर नाही. हे वास्तव तुम्हाला सांगणे हाच आमचा उद्देश आहे. पुढील विडंबनाची आतुरतेने वाट पहात आहोत. आपला, (भविष्यवेत्ता) धोंडोपंत आम्हाला येथे भेट द्या http://dhondopant.blogspot.com