धोरण जाहीर झाले हे चांगले झाले.
नवी घटना उत्तम आहे. बरीचशी पूर्वीच्या नियमावलीसारखीच आहे. या धोरणप्रसिद्धीमुळे वातावरण निवळण्यास आणि शांतता प्रस्थापित होण्यास बहुधा मदत व्हावी.

अर्थातच नवी घटना निर्माण झाली तरी सगळे नियम काही पूर्ण डिटेलमध्ये लिहिलेले नसतात. लिहिणे शक्यही नसते. घटना राबवताना घेतल्या जाणार्‍या निर्णयांमधून त्या घटनेचे अर्थ कसे लावावे हे स्पष्ट होत जाते. याला केस लॉ म्हणतात. विशेषतः जेव्हा दोन कलमांमध्ये विसंगती निर्माण होते तेव्हा या केस लॉज चा फारच उपयोग होतो.

परंतु हे जे धोरण जाहीर झाले आहे त्यात केस लॉजची बहुधा गरजच पडणार नाही किंवा उपयोग होणार नाही इतके हे धोरण स्पष्ट आणि असंदिग्ध आहे.

उत्तम.

नितिन थत्ते

क्रमांक ७, ८, ९ मधील तरतूद सर्वाधिक महत्त्वाची. मोलाचीही. आवश्यकही होती. क्रमांक ९ तर संपादकांच्या हातचे ब्रह्मास्त्र. ब्रह्मास्त्रासारखाच दुर्मिळतेने त्याचा वापर होईल अशी संपादकांकडून आणि (माझ्यासह) सदस्यांकडूनही अपेक्षा.

नवी धोरणे आवडली. त्यांचे पालन करण्याचा काटेकोर प्रयत्न माझ्याकडून होईल.

(आशावादी) प्रियाली

त्याविषयी कोणतेही स्पष्टीकरण दिले जाणार नाही

हे खटकले. मागे जेव्हा नीलकांतने सगळी सूत्रे हातात घेतली तेव्हा अधिक पारदर्शकता आणली जाईल अथवा तत्सम काही तरी म्हटल्याचे आठवते आहे.

असो धोरण जाहीर झाले बरे झाले.

पूर्ण सहकार्य करण्याचा प्रयत्न होता आहे आणि राहिल.

नवीन धोरणांचे पालन करण्याचा काटेकोर प्रयत्न करीन.

संपादकांना खरड किंवा व्यनि कसा पाठवावा. मला पावर नाय.

शुद्धलेखनाला पूर्वीसारखेच फाट्यावर मारले जाणार काय? की केलेल्या सूचनांवर विचारही केला जाईल?

धोरण जाहिर केल्याबद्दल व्यवस्थापनाचं अभिनंदन व नव्या धोरणाचं स्वागत.

वर टोपणनाव यांनी म्हटल्याप्रमाणे संस्थळ खाजगी आहे, तेव्हा मी स्वतः ते कोणा सज्जनाने मला खेळायला दिलेलं मुक्तांगण आहे असं मानतो (निदान जोपर्यंत या संस्थळातून आर्थिक उत्पन्न शून्य आहे तोपर्यंत तरी). संपादक हे रेफरी आहेत, व धोरण हे खेळाचे नियम आहेत असं समजतो. शक्यतो नियमांमध्ये राहाण्याचा कसोशीने प्रयत्न करावा, व रेफरीने फाऊल म्हटलं तर कमीत कमी निषेध करून निर्णय मान्य करावा. हे मी तरी पाळण्याचा प्रयत्न करतो, करेन.

त्याचबरोबर चतुरंग म्हणतात त्याप्रमाणे हे सदस्यांनी चालवलेलं संस्थळही आहे. व्यवस्थापनाची भूमिका अनिर्बंध नसावी, लेव्हल प्लेयिंग फील्ड असावं, नियम वापरण्याच्या पद्धतीत सातत्य असावं, व चढत्या श्रेणीने कठोरता दिसावी अशी व्यवस्थापनाकडून सदस्यांची अपेक्षाही रास्त आहे.

व्यवस्थापन व सदस्य, किंवा काही सदस्य व इतर काही सदस्य यांत 'अस व्हर्सस देम' अशी फूट होऊ नये यासाठी हे धोरण उपयोगी ठरेल अशी आशा व्यक्त करतो.

श्रावण मोडक यांनी खाजगीत एकदा म्हटलं होतं की 'मिपा ही साधीसुधी वेबसाईट नसून ते मराठीसाठीचं एक माध्यम आहे'. या धोरणांतून आणि सदस्यांच्या व व्यवस्थापनाच्या वागणुकीतून ते साकार होईल ही आशा.

संपादक म्हणतील ते अंतिम असते.त्यामुळे संपादकांच्या धोरणाला विरोध करण्याचा प्रश्नच येत नाही.शुध्दलेखना बाबत मिपाने कडक धोरण करावे असे मनापासून वाटते.

आधिकारीक शब्द मलाही खटकला. वर कोणी म्हटल्या प्रमाणे तो 'अधिकॄत' असा असायला हवा.
धोरणे उत्तम आहेत. फक्त धोरण क्र. ६ तेवढे पटले नाही. मिपावर अनेक वेळा २-३ ओळींचे धागे निघाले आहेत आणि त्यावर सविस्तर आणि बरीच नविन माहिती मिळेल अशा चर्चा घडलेल्या आहेत. उदा. कोणा प्रसिध्द व्यक्तीचे निधन / त्यांना श्रध्दांजली , एखाद्या ठिकाणाबद्द्ल / बाबीबद्द्ल माहिती विचारणे वगैरे.
एखादा प्रश्न एका ओळीचा असू शकतो पण त्यावरचे उत्तर सविस्तर असू शकते तसेच काहिसे.

शिवाय बर्‍याच लोकांना लेखनकला अवगत नसते त्यामुळे ते खूप लिहू शकत नाहीत. मुख्य विषयाच्या २-३ ओळी लिहिल्या तरी त्यांना खूप लिहीले असे वाटू शकते. पण प्रतिसादात ते खुलू शकतात. कारण इतरांच्या प्रतिसादावरून बरेच मुद्दे त्यांच्या लक्षात येऊ शकतात. अर्थात हा दुय्यम मुद्दा मुख्य मुद्दा वर लिहीलाच आहे.

त्यामुळे धोरण क्र. ६ जरा शिथिल असावे.

जय महाराष्ट्र , जय मराठी !

संपादक कोण कोण आहेत पण? अन त्यांचा आयडी वेगळा असावा जेणेकरून ते ओळखू यावेत.

मधुमेहा विरुद्ध लढा

माझी जालवही

धोरण जाहीर केल्याबद्दल धन्यवाद व त्याचे स्वागत!

अरुंधती

http://iravatik.blogspot.com/

मला 'कौल' मधिल लेख दिसत नाहियेत.
काय करावे लागेल ?