खी खी खी. जबराट वृत्तांत.

आधीचा एक पंचनामा वृत्तांत आणि आता हा शासकीय वृत्तांत! जबराट!

लोल! काय जबरदस्त वृत्तांत आहे!

हाहाहा! जबरदस्त वृत्तांत. पुण्यातले कट्टे ठरवण्यासाठी तीन धागे आले पाहिजेत ही अट न पाळल्यामुळे परवाचा कट्टा बारगळला वाटते! तसे झाले तर ती पुणेकरांसाठी नामुष्कीची गोष्ट असेल.

खी खी खी, लय भारी, बाकी माझ्याकडे मनोरंजन खाते असले तरी त्याचे नामकरण सांस्कृतिक खाते असे करावे असा प्रस्ताव पुढील लवकरच होऊ घातलेल्या बैठकीत पास करणेत यावा

खमंग!

लय भारी =))

जबरदस्त स्टाइल व्रुतांताची!

फायलीवरचा शेरा- जावक क्रमांक टाकावा. ;-)

=)

भारी ! परंतू, फोटो नसल्याने हा फार कमी वेळात ठरवलेला सर्जिकल स्ट्राईक झालाच नाही असे पाकिस्तानी माध्यमांत चर्चिले जात आहे. तसेच जावक क्रमांक नसल्याने हा अहवाल खरा नसून कोणत्या तरी "अल्टेरियर मोटीव्हने" पसरवलेली अफवा आहे अशीही चर्चा चालू असल्याचे आमच्या वार्ताहराकडूण कळते. =)) =)) =))

ह्या ह्या ह्या! =)) लै भारी लिवलया

मस्तं वृत्तांत.

लै भारी व्रुतांत लीवल्याबद्द्ल श्री मापं यांना उपमुख्यमंत्रीपदावर बढती देणेत येत आहे. शपथविधी आगामी अधिवेशनात...

बराय, टक्याने निमंत्रण देऊनही एकाच धाग्यात आटपल्याने काही मजा आली नाही.

वृत्तांत आवडल्या गेला आहे.

वृतान्त एका जुनाट ठागदावर हाताने टाइप करून त्याचा फोटो मिपाच्या गोल शिक्क्यासह दिला तर मजा येईल.

"आमच्याकडे " हातानेच टाइप करतात !!

"गांधी जयंतीनिमित्त दुष्काळी दिवस असल्यामुळे काही नाराजीचे सूर उमटत होते परंतु शासनाच्या धोरणानुसार गांधीजींचा योग्य तो आदर राखला पाहिजे ह्यावर सदस्यांचे एकमत झाले." lol या पुढील बैठक हि शक्यतो गटारी अमावास्येच्या मुहूर्तावर आयोजित करावी म्हणजे सदस्यांची नाराजी टाळता येईल. :-)

मा,उपसचीव, कायदा विभाग आमच्या पुणे महानगर शाखेत पाचवी प्रत पोहोचली आहेच्,साधक बाधक चर्चेचा धावता आढावा घेतला असला तरी उपस्थीतांनी त्यांच्या वयक्तीक टिपण /नोंदवह्या जास्तीत जास्त सभासदांसाठी मिपा व्यासपीठावरच खुल्या करण्यास आम्च्या शाखेची अजिबात हरकत नाही.इतर शाखांचेही अनुमोदन असावे. मनोरंजन मंत्र्यांनीही टिपणे काटछाट न करता तशीच द्यावीत. छायाचित्रे नसल्याने कट्टा झालाच नाही असे जे म्हणतायत त्यांना केजरीवाल समजून माफ करणे. आपल्या नीट आणि नेटक्या आयोजनाबद्दल मंडळ अभिनंदनास पात्र आहे. पत्र पोहोच देणे उपसचिव नाखु "नस्ती उठाठेव मंडळ"(पुणे महानगर विभाग) पिंचि शाखा

कल्पना आवडलेली आहे. पालकमंत्री-नौपाडा-ठाणे

जबरदस्त वृत्तांत पण फोटो नसल्याने वृत्तांताच्या सत्यतेबद्दल शंका व्यक्त करण्यात येत आहे.

अद्भुत !! शासकीय वृत्तांत !!

वृत्तांत मस्त! स्वाती

जबरी लिहिलय ..

खंग्री आहे वृत्तांत

(१२ प्रती)

१२ प्रती पुरतील का?

लै बेस्ट. कट्ट्या सारखाच कट्याचा भारी व्रुतांत :-) --टुकुल

तसेच मध्ये उच्च शिक्षण मंत्र्यांना घेणे ठरल्यामुळे स्वतः संयोजकांना सभेच्या ठिकाणी पोचण्यास उशीर झाला.

वृतांत वाचून वारल्या गेलो आहे , काही काळासाठी मी परिवहन मंत्री पण झालो होतो जबरट वृतांत , तुझ्या मध्ये एक होत्करु लेखक दडलेला आहे !!! :)

1 नंबर कट्टा थोडी थोडी भर टाकण्यात येईल आमच्याकडून पण पुढे ..

एक वंबर वृत्तांत. फोटो ?

पण फोटो आणि सोनेरी पेय नसल्यामूळे...छ्या काय मजा नाही आली.

हा कट्टा झाला असल्याचे पुरावे द्या (फटु कुठायत?) नितिन केजरीवाल.

२ ऑक्टोबरचा कट्टा घरापासून काही अंतरावरच असतांना तो टाळणे म्हणजे घोर पातक ठरले असते. पण मामलेदारांचा पंखा यांनी वारंवार आठवण करुन दिली असतांना देखील मी आगावू आरक्षण मागीतले नाही. एकतर मी एक मराठा, लाख मराठा. त्यामुळे लाख लोकांसाठी आरक्षण करण्याइतपत ते हॉटेल मोठे नव्हते. दुसरे मन म्हणत होते की अरे, तु भले आरक्षण मागशील, पण बाकीचे ते मान्य करतील काय ? त्यामुळे काय होईल ते होवो पण आरक्षण मागायचे नाही असे ठरवून टाकले. कट्ट्याची वेळ ६.३० ची असल्यामुळे मी बरोब्बर ७.१५ वाजता कट्टास्थळी पोहोचलो. तर योगी९०० आणि पेठकर काका ६.३० वाजताच आले होते असे कळाले. पेठकर काका सध्या अनिवासी भारतीय असल्यामुळे त्यांना वेळेत यायची वाईट सवय असेल असे समजून दुर्लक्ष केले पण मग योगी ९०० यु टू ? अहो भारतात राहता ना ? मग तुम्ही वेळेआधीच कसे पोहोचू शकता ? अशाने भारताची प्रतिमा जगात मलीन होईल हे लक्षात घ्या. असे काही बाही विचार मनात आले पण नंतर कळाले की माझ्याप्रमाणेच ३-४ जण मिसळपाव कट्ट्यावर "पहिलटकर" होते. त्यामुळे त्यांची घाई समजू शकतो. असो. गांधीजी आज आपल्यात असते तर त्यांना कोरडी श्रद्धांजली वाहवी लागली नसती असे बरेच जणांचे मत पडले. मात्र खास गांधीजींचा बड्डे असल्यामुळेच बर्‍याच गुणी जनांच्या गृहमंत्र्यांनी कट्यास परवानगी दिली होती ही विशेष बातमी समजली. साधारण १०-१२ सभासद जमले. वक्त्याचे काम डॉ. खरे, पेठकर काका, सर्वसा़क्षी, हेमंत वाघे यांच्याकडे होते आणि बाकी सगळे श्रोत्याची भुमिका निभावत होते. डॉ. खरे हे रेडीओलॉजिस्ट असल्यामुळे त्यांना इमर्जन्सी केसेस नसतात आणि त्यामुळे ते कसे सुखी आहेत ह्या वाक्यावरुन चर्चा डॉक्टर आळीला गेली आणि डॉक्टरी पेशातील विविध किस्से ऐकायला मिळाले. मात्र मिपावर धिंगाणा घालणारे आयटी वाले कट्ट्यात चक्क शांत होते. थोडक्यात जालीय माणूस प्रत्यक्षात वेगळा असू शकतो याचे प्रत्यंतर त्यांनी दिले. काही वेळाने मुवी आले आणि कट्यात अजून एका वक्त्याची भर पडली. मुवी आले तसे त्यांनी चर्चेची सुत्रे आपल्या हाती घेतली आणि ते डायरेक्ट डायरेक्ट जमिनीत घुसले. (म्हणजे जमिनिंसंदर्भात / शेतीसंबंधात चर्चा चालू केल्या ). मी त्यांना महाराष्ट्राचे मध्यवर्ती ठिकाण डोंबिवली वरुन आलात काय असे विचारले तेव्हा कुणीतरी डोंबिवली हे महाराष्ट्राचे नव्हे तर सकल जगाचे मध्यवर्ती ठिकाण आहे याची आठवण करुन दिली. माझ्याकडून झालेली एवढी मोठी अक्षम्य चुक मुवींनी मोठ्या मनाने खिशात घातली (पदर नसल्यामुळे) त्यामुळे मी त्यांचा आभारी आहे. त्यानंतर बाईका ( शब्दआभार : श्री. अभ्या ) आणि चारचाकी गाड्यांवर चर्चा करण्यात आली. एवढे होईपर्यंत खाद्यपदार्थांचा समाचार घेण्यात आला होता. आताशा बर्‍याच जणांची होम डिपार्टमेंटकडून वारंवार चौकशी होऊ लागली. "दहा च्या आत घरात" असे संस्कार असलेली गरीब पुरुष मंडळी ह्या चौकशी ने नक्कीच गांगरुन गेली असणार पण चेहर्‍यावरुन त्यांनी तसे दिसू दिले नाही किंवा मग "मेलेलं कोंबडं आगीला भीत नाही" या न्यायाने अगोदरच कोंबडी फस्त केल्यामुळे त्यांच्या अंगात धैर्याचा संचार झाला असेल असेही असू शकते. मी ठाण्याची स्पेशालिटी असलेले "प्रशांत कॉर्नर" चे पेढे आणले होते पण ते असे रविवारच्या रात्री, अवेळी देऊ की नको याबाबत मनात संभ्रम उत्पन्न झाला होता. मात्र मिपाकरांनी पेढे कधीही दिले तरी चालतात असे सांगीतल्यामुळे मग त्याचे वाटप केले. मात्र या पेढ्यांच्या/ बॉक्स चा फोटो काढू नये अशी मी विनंती केली. कोणत्याही ब्रॅन्डची मी मिपावर जाहिरात करत नाहिये असे मी सगळ्यांना आवर्जुन सांगीतले. शेवटी बिल आल्यावर टीटीएमएम तत्त्वावरचा कट्टा असल्याने बिलाची विभागणी करण्यासाठी दोन चार जणांनी आपापल्या मोबाईलवर आकडेमोड केली. मात्र प्रत्येकाच्या मोबाईलवरील आकडा वेगवेगळा आला. कदाचित वेगवेगळ्या ब्रॅन्ड चे फोन असल्यामुळे असे झाले असावे. नंतर मात्र अचानक एवढा बारीक हिशेब करणे गरजेचे नाही हे लक्षात आल्यामुळे किंवा आपल्या मोबाईल्चे वैगुण्य झाकण्यासाठी "फिगर वॉज अप्रुव्हड अ‍ॅनानिमसली" ! बिल दिल्यावर सेवकवर्गाला टीप दिली गेली नाही हे लक्षात येऊन मापं यांना वाईट वाटले मात्र पेठकर काकांनी आपल्या व्यवसायबंधूंची अगोदरच काळजी घेतली होती हे सांगीतल्यावर माझा त्यांच्याबद्दलचा आदर वाढला. पण तो मी बोलून दाखविला नाही. श्री. टका यांनी सगळ्या नोटा हातात घेऊन हिशोब बरोबर असल्याची खातरजमा करुन मग ती रक्कम हॉटेलच्या कर्मचार्‍याकडे सुपुर्द केली. हॉटेल वाल्यांचे मनापासून आभार मानले पाहिजेत कारण त्यांनी सर, सर म्हणून गप्पांमधे व्यत्यय आणला नाही. नंतर ग्रुपचे काही फोटो काढण्यात आले. हॉटेलच्या सेवकवर्गापैकी एकाने हे कार्य केले. एकंदरीत तो ह्या कार्यक्रमात चांगलाच हुशार होता असे दिसते. कारण अगदी प्रोफेशनल फोटोग्राफर समोर जितका वेळ दात विचकत उभे राहावे लागते तितका वेळ त्यानेही घेतला. सत्यनारायण पुजेत ज्याप्रमाणे मुख्य पुजा, उत्तर पुजा असते त्याप्रमाणे मुख्य कट्टा झाल्यावर कट्टेकरी रस्त्यावर येऊन परत उत्तर कट्टा करण्यात रंगले. मग तुझ्या मोबाईलमधे किती पिक्सेल चा कॅमेरा, माझ्या मोबाईलमधे अमुक जीबीची रॅम, थ्री जी, फोर जी, जी जी र जी जी असे करत उत्तर आख्यान रंगले. साधारण ११.१५-११.३० वाजता कट्टेकरी आपल्या घराच्या दिशेने स्थानापन्न झाले. वरील कट्ट्यात सर्वश्री. प्रभाकर पेठकर, योगी९००, डॉ. खरे, वरुन मोहिते, धर्मराज मुटके, मामलेदारचा पंखा, विनोद१८ (चुकभुल देणेघेणे). मुवी, माझीही शँपेन, हेमंत वाघे, टवाळ कार्टा आणि सर्वसाक्षी हे मिपाकर सहभागी झाले होते. ( सभासदांची नावे खुर्च्यांवर बसलेल्या क्रमाने, चुक झालेली असल्यास उपस्थितांनी दुरुस्ती करावी) काही जणांनी फोटो काढले पण ते इथे डकवले नाही. मी कोणत्याही कार्यक्रमात मोबाईलने, कॅमेर्‍याने फोटो काढत नाही. माझ्या घरच्यांच्या मते मी एक उत्तम फोटोग्राफर आहे. ( हा डायलॉग नटसम्राटच्या तु नट म्हणून xxxx आहेसच रे! च्या चालीवर वाचावा). काये की मोबाईलमधील फोटो कधी कधी चुकुन डिलीट होतात पण मी मनाच्या कॅमेर्‍याने काढलेले फोटो मला वर्षानुवर्षे जतन करुन ठेवता येतात. ते कोणाला मुळ स्वरुपात दाखविता येत नाहीत मात्र ते शब्दचित्रात दाखविणे कधी कधी शक्य होते. मुळ वृत्तांतापेक्षा पुरवणी मोठी झाली असल्यास माफ करावे. कळावे आ. नम्र धर्मराज मुटके

झकास वृत्तांत! फोटो नाही त्यामुळे सगळीच मनकी बातें की कांय!

बिल दिल्यावर सेवकवर्गाला टीप दिली गेली नाही हे लक्षात येऊन मापं यांना वाईट वाटले सेवक वर्गाची काळजी घेतली गेली आहे. २५० रुपये टीप बिलात वाढ करून त्याप्रमाणे सर्वाकडून त्याचे पैसे घेतले गेले हि नोंद व्हावी( हिशेब मीच केला होता).

मी ठाण्याची स्पेशालिटी असलेले "प्रशांत कॉर्नर" चे पेढे आणले होते पण ते असे रविवारच्या रात्री, अवेळी देऊ की नको याबाबत मनात संभ्रम उत्पन्न झाला होता. आम्ही पेढे कोणत्याही वेळेस कितीही खाऊ शकतो तेंव्हा "असा" किंतु मनात आणू नये. काजू लावलेल्या खमंग पेढ्याचा दर्जा "अत्युत्तम" होता त्यामुळे ते लगेच संपले सुद्धा. मुटके साहेबाना खास धन्यवाद बाकी "धर्मराज मुटके" असे भारदस्त असलेली व्यक्ती भारदस्त असेल असे वाटले होते पण ते तर एकदम तरुण आणि आमच्यासारखे बारीकच निघाले. हे म्हणजे एकदा मी कोल्हापूरला एका सरदार घराण्यात गेलो असता "रणजित राव" हाक मारल्यावर एक चार पाच वर्षाचे चिरंजीव बाहेर आले असे झाले.

श्री मुटके यांचा खास व्रुत्तांत आवडला.

मस्त वृत्तांत आणि मुटकेंची पुरवणि पण अप्रतिम. जाता जाता, टुकूल राव लै जुने सदस्य (क्र. १४२६) आहेत. फक्त मधे अज्ञातवासात होते आणि आता त्यांची घरवापसी झाली असावि असा अंदाज आहे .

अरे पण अजुन्पर्यंत एकही फोटो नाहीये. टका फोटो कुठेत?

मागील रविवार झालेल्या कट्याची क्षणचित्रे पुन्हा एकदा हे सिध्द झाले की ठाणेकरच यशस्वी कट्टे आयोजित करू शकतात :)

मस्तं फोटो आणि ओळख परेड.

कट्ट्याचा वृत्तांत एक नंबर लिहिला आहे!

काही नवीन सभासद जसे की श्री धर्मराज मुटके, वरून मोहिते, श्री हेमंत वाघे,श्रीमान योगी आणि टुकुल देखील या बैठकीस उपस्थित होते

यात एक किंचित दुरुस्ती. वरून मोहिते हे ठाणे-कट्टा-व्हेटरन आहेत. अगदी गविंच्या वृत्तांताने गाजलेल्या पॉप-टेट्स कट्ट्यासहित!

दणकट्टा!!

ठाण्याच्या कट्ट्याला मज्जा आली. ड्राय डे नसता तर खुप मज्जा आली असती असं मला वाटतं. गप्पा मस्तं रंगल्या, हास्य विनोदाच्या फोडणीसह रंगल्या. डॉ. खरे ह्यांनी टिटवाळाच्या गणपतीची ख्याती आहे हे सप्रमाण सिद्ध केले. ज्ञानात एक नविन भर पडली. जमिनीच्या व्यवहारांबद्दल ही उद्बोधक चर्चा झाली. त्यामुळे आपणही जमीनीचा एक तुकडा घेण्याच्या विचारात आहोत हा अपराधी गंड मी सार्वजनिक न करता आपली झाकली मुठ झाकलीच ठेवली. योगी९०० ह्यांनी माझी जाण्यायेण्याची व्यवस्था चोख पार पाडली. त्यामुळे मुंग्यांच्या गर्दीत चालणार्‍या मुंगीसारखे वैफल्य आले नाही. तो भार योगी९०० ह्यांनी एखाद्या योग्याप्रमाणे शांत डोक्याने उचलला आणि मी निवांत प्रवास केला. धन्यवाद योगीसाहेब. पुन्हा पुढच्या महिन्यात भारतभेटीचा योग आहे. तेंव्हा पुन्हा गांधीजयंती (आडवी) येणार नाही ह्याची काळजी घेण्यात येईल.

नावात दुरुस्ती करण्यात येईल पेठकर काका लवकर. बाकी कट्टा छानच झाला. सगळ्यांना भेटूनही मजा आली. पेठकर काकांनी गिफ्ट आणलेलं पण ड्राय डे असल्यानी नको असं सर्वांचं मत पडलं. वास्ताविक तिथेही घोडबंदर रोड ला बसून देतात बऱ्याच हॉटेलात ड्राय डे ला पण नेक्स्ट टाइम म्हणून आम्हीही गप्प राहिलो.नंतर गप्पा इतक्या रंगल्या कि कोणाला आठवलं नाही.असो असेच कट्टे होत राहोत मिपा चे .