त्याला ती हवीये...

पिलीयन रायडर जे न देखे रवी...
स्त्री कशीही असली तरी शेवटी पुरुषांना काय हवं असतं... बायकोच्या हातचा डबा.. ऑफिस मध्ये मिरवायला.. तिचा मउसुत हात.. केसातुन फिरवायला... तिची लांबसडक बोटं...मस्त तेल जिरवायला.. तिचे नाजुक ओठ.. गालावर फिरवायला.. आईची उबदार कुस.. सगळी दु:ख हरवायला.. तिचा मायेचा हात.. वरण भात भरवायला.. तिचा प्रेमळ धाक.. बाराखडी गिरवायला... तिच्या नावची शपथ.. जगालाही हरवायला.. त्याला बहीण हवी..हट्ट पुरवायला.. त्याला मुलगी हवी..जाताना रडवायला... त्याला ती हवीये... माधुर्य टिकवायला... तिला तो हवाय.. गोडी वाढ्वायला... खुप भांडण चालु आहेत.. चालु रहातील.. पण त्या निमित्ताने स्त्री-पुरुषाच्या नात्यातले सुंदर कंगोरे पण टिपावे वाटले...
वर्गीकरण
लेखनविषय:
काव्यरस
39 टिप्पण्या 7,714 दृश्ये

Comments

पैसा नवीन

भांडणावर उतारा फार छान!
निश नवीन

मस्त मस्त मस्त पिलीयन रायडर साहेब आईची उबदार कुस.. सगळी दु:ख हरवायला.. तिचा मायेचा हात.. वरण भात भरवायला.. तिचा प्रेमळ धाक.. बाराखडी गिरवायला... तिच्या नावची शपथ.. जगालाही हरवायला.. हे तुमच कडव अप्रतिम अप्रतिम अप्रतिम........ त्याला मुलगी हवी..जाताना रडवायला हि ओळ निव्वळ लाजवाब लाजवाब लाजवाब...
डॉ सुहास म्हात्रे नवीन

'साहेब'च्या मागे "बाई" लावा............. की बाई मागे साहेब लावून "बाईसाहेब" करा? :)
आत्मशून्य नवीन

खुप भांडण चालु आहेत.. चालु रहातील.. पण त्या निमित्ताने स्त्री-पुरुषाच्या नात्यातले सुंदर कंगोरे पण टिपावे वाटले...
कूल.
किचेन नवीन

चला म्हन्जे पुरुष थोडे का होइना चंगले असतात. ;) त्याला ती हवी असते, या ना त्या कारणासाठि मतितार्थ : पुरुष स्वार्थी असतो
चौकटराजा नवीन

स्वाक्शरी तून वयावा पत्ता लागत नाही पण आय डी वरून ंमंगोलियन असावी असे वाटते. कारण नावात ब्रूस ली, जेट ली आणि माउ त्से तुंग दिसतात .
स्मिता. नवीन

ही कविता त्या धाग्यावरही आवडली होतीच. शेवटचं कडवं सगळ्यात छान :)
जडभरत नवीन

मस्त मस्त मस्त ताई!!! गेल्या तीन दिवसाच्या तुफानानंतर भावनांचं छान इंद्रधनुष्य दिसलं!!!
माम्लेदारचा पन्खा नवीन

पण काय हो.... तिला तो नकोय का?
पद्मावति नवीन

पुरुषाच्या आयुष्यातल्या या सर्वात महत्वाच्या स्त्रिया. त्याची आई, बायको, बहीण आणि मुलगी.
तिच्या नावची शपथ.. जगालाही हरवायला..
...वाह...
नाखु नवीन

दोघे एक्मेकांसार्खे नाहीतच (किंबहुना नसावेत अशी निसर्गानेच तरतूद केलीय ) पण एक्मेकांसाठी नक्कीच आहेत, दोघांचेही आयुष्य आणखी सुंदर्/सुखावह करण्यासाठी (ती ही तरतूद निसर्गानेच केलीय, भावबंधातून जोपासायची खुलवायची इतकेच करायचे दोघांनीही) पुलेशु ! स्त्रीमुक्ती आणि मुक्त स्त्री यातला नेमका फरक माहीत असलेला नाखु
प्रभाकर पेठकर नवीन

'ती' आणि 'तो' दोघांनाही एकमेकांची मानसिक, भावनिक गरज असतेच असते. एकमेकांविना एकमेकांचे आयुष्य अधुरे असते. कविता सुंदर आहे. आवडली.
प्रियाजी नवीन

पि.रा. खूप छान कविता. थोड्क्या शब्दात किती मोठा आशय. अजून अशाच छान कविता लिही अन ईथे चिटकव.
ज्योति अळवणी नवीन

कविता खूप आवडली. खरच पुरुषाला स्त्री ची आणि स्त्रीला पुरुषाची गरज असतेच.... अनादी पासून अनंतापर्यंत!