पेरणा सांगायलाच पाहिजे का?
चहु दिशांत असे दु:कीर्ती, महाराष्ट्र टाचे खालती,
तो , बारामती रहीवासी, मज साहेब भेटला नाही
....... किती निवडणुका झाल्या येड्या , निवडूनी येई परी हाची,
....... जरी मतदारसंघ बदलले त्याचे, तो साहेब पडला नाही
तो परतून आला राज्यात, भुक न संपली त्याची
जाहले अनेक घोटाळे , पण साहेब अडकला नाही
....... उमगता मोल जीवाचे, गेलेला झक मारत येई
....... समजून तयाला घे तू , तो साहेब सरळसा नाही
सर्वस्व लुटले राज्याचे, काही ना बाकी उरले
किती स्वतःस हरवून बसले , पण साहेब बधला नाही,
.........इतुके न कुणाचे घ्यावे, की भार तयाचा व्हावा
........ बघ तुझ्यातही थोडा आहे, साहेब वेगळा नाही
या राज्यातील उपेक्षा, मी मूठ वळवली नाही
बनलो असतो दादा, मज साहेब भेटला नाही,
........ साहेबांची होता मेहेरबानी , कार्यकर्ता बने खंडणीस्वार
........ उघड्या नयनांनी बघ तू , महाराष्ट्राचा बनेल बिहार
पैजारबुवा,
प्रतिक्रिया
7 Sep 2015 - 4:12 pm | प्यारे१
आमच्या वयोवृद्ध आनि ज्येष्ठ नेत्यावर जे आकख्या महाराष्ट्राचे भूशन आहेत त्यांच्यावर अशी हीन कविता केलेली वाकून आमच्या कोमल(आयडी नव्हे) हृदयावर याठिकानी हे जे घाव घातले गेले आहेत ते बघून त्याठिकानी जनता तुम्हाला तुमची जागा त्याठिकानी दाखवल्याशिवाय राहनार नाही याची खात्री ह्या किंवा त्याठिकानी आम्हाला आहे.
समस्त कार्यकर्त्यांनी ह्याठिकानी जास्त दंगा करु नये असं आव्वान जरी आमी केलेलें असलं तरी याठिकानी कार्यकर्ते नक्की काय भूमिका घेतली जाईल ते त्याठिकानी आम्ही सांगू शकत नाही.
जै हिन्द जै महाराष्ट्र
7 Sep 2015 - 4:17 pm | ज्ञानोबाचे पैजार
हीण?
आमी तर मोठ्या कौतुकाने लिहिली होती.
तमाम म्हाराश्टाच्या जानत्या राजाबद्दल वंगाळ शबुद येईल का कोनाच्या थोबाडातुन?
दातच पाडुन टाकेल त्याचे
आहो आम्ही घरात साहेबाचा फोटु सुध्दा बारामती कडे तोंड करुन लावला आहे.
पैजारबुवा,
7 Sep 2015 - 4:51 pm | खेडूत
___/\__
बाकी त्यांचे जुने सहकारी दु. दु. झालेत!
7 Sep 2015 - 4:22 pm | द-बाहुबली
कवितेतील ज्या ओळी अक्षराने सुरु होतात, ते कोणाचे मनोगत व ज्या ओळी टिंब टिंबने सुरु होतात ते कोणाचे मनोगत आहे ?
7 Sep 2015 - 4:30 pm | अभ्या..
माऊली सर्वोत्तम विडंबन.
.
जाता जाता श्रीगुरुजींसाठी त्यांचा नेहमीचाच हिट्ट विषय.
बनलो असतो रागा, मज मम्मी भेटली नाही.
किंवा
बनलो असतो नमो, मज (लाल) कृष्ण भेटला नाही.
7 Sep 2015 - 4:33 pm | अभ्या..
" बनलो असतो दादा, मज चाकू भेटला नाही " हा सब्जेक्ट मात्र कॉपीराईटेड आहे याची नोंद घ्यावी.
8 Sep 2015 - 3:04 pm | बॅटमॅन
खास श्रीगुर्जींसाठी असेल तर इशयाचे टैटल असे पायजे: "बनले असते माई, मज "हे" भेटले नाहीत". =))
8 Sep 2015 - 3:45 pm | नाखु
फकस्त किरकोळ दुरुस्तीसह.
नाखु बेडेकर
अभामिपातडकफलकदुरुस्तीसंघ
8 Sep 2015 - 4:24 pm | बॅटमॅन
सहीच!
7 Sep 2015 - 4:35 pm | जेपी
आवडल..
7 Sep 2015 - 5:13 pm | बहुगुणी
स्वतंत्र कलाकृती म्हणून ही व्हॉट्सॅपवर व्हायरल व्हायच्या लायकीची रचना आहे.
7 Sep 2015 - 5:43 pm | दमामि
वा!!!! चपखल!!!
7 Sep 2015 - 5:55 pm | प्राची अश्विनी
झक्कास!
7 Sep 2015 - 7:12 pm | पैसा
लै भारी!
7 Sep 2015 - 7:34 pm | अजया
=)) सही!
7 Sep 2015 - 7:43 pm | मित्रहो
एकदम झकास
7 Sep 2015 - 10:37 pm | dadadarekar
बनलोही असतो अकबर मज जोधा भेटली नाही.
7 Sep 2015 - 11:16 pm | संजय पाटिल
चहु दिशांत असे दु:कीर्ती, महाराष्ट्र टाचे खालती,
तो , बारामती रहीवासी, मज साहेब भेटला नाही
....... किती निवडणुका झाल्या येड्या , निवडूनी येई परी हाची,
यवडं उगडुन सांगायचं नसतं बुवा...
7 Sep 2015 - 11:21 pm | अत्रुप्त आत्मा
ह्या ह्य ह्या ह्या ! =))
8 Sep 2015 - 12:03 am | पीके
गुर्जी, ठसका आडकला जनु नरड्यत?
8 Sep 2015 - 12:44 am | एस
झालो असतो संपादक, मज कात्री (कातरी???) भेटली नाही.
झालो असतो कन्हैय्या, मज मयत्रि भेटली नाही.
8 Sep 2015 - 3:03 pm | बॅटमॅन
ह्या ह्या ह्या =)) =)) =))
8 Sep 2015 - 4:14 pm | नि३सोलपुरकर
"उमगता मोल जीवाचे, गेलेला झक मारत येई"........ चपखल!!!
8 Sep 2015 - 4:59 pm | रेवती
भारी!
आता बिग्रेडी धावून येणार..........
9 Sep 2015 - 6:06 pm | हेमंत लाटकर
बनलो असतो पहिला बाजीराव मज मस्तानी भेटली नाही.
9 Sep 2015 - 6:09 pm | एस
कावरे कोल्ड्रिन्क्समध्ये चौकशी करायची होती ना! गेला बाजार सुजातामध्येपण मिळते.
9 Sep 2015 - 6:13 pm | नाव आडनाव
चूक. ते "भेटली" नाही म्हणत आहेत, "मिळाली" नाही असं नाही. त्यामुळे तुम्ही दिलेले ऑप्शन चूक आहेत. आता त्यांच्या रिक्वायरमेंट प्रमाणे नवे ऑप्शन द्या त्यांना :)
9 Sep 2015 - 6:17 pm | एस
अर्रर्र! मग काय माहीत नाय ब्वॉ! बुंदेलखंडाला जावे लागेल त्यासाठी.
9 Sep 2015 - 6:23 pm | बबन ताम्बे
चहा भेटला नाही, कुठेच बियर भेटली नाही, पेट्रोल भेटले नाही वगैरे...
10 Sep 2015 - 11:30 am | विशाल कुलकर्णी
ए झक्कास्स ! याला म्हणतात विडंबन !!
10 Sep 2015 - 7:57 pm | डॉ सुहास म्हात्रे
एक लंबर इडंबण !
11 Sep 2015 - 6:11 pm | विवेकपटाईत
आत्ताच मी चंदेरी आणि अशोक नगरला जाऊन आलो, आजच घरी परतलो आहे. चंदेरी आणि अशोक नगरच्या मधल्या भागात राहणाऱ्यांचे भयानक वास्तव पाहिल्यावर 'श्रीमंत' पेक्षा 'साहेब' बरेच म्हणता येईल.
13 Sep 2015 - 5:26 am | अनन्त अवधुत
चंदेरी,अशोक नगर आणि श्रीमंत हे तिन्ही नाही कळले.
थोडे अधिक सांगता का, प्लीज ?
13 Sep 2015 - 5:45 am | कैलासवासी सोन्याबापु
पैजारबुआ ____/\_____