जरी आम्ही असू व्ह्यालेन्टायीन दिन'दिवाणे'
दरसाल गातो एकच गाणे
छे छे ,ही नसे अपुली संस्कृती
नसे ही अपुली परंपरा
जाळा ती शुभेच्छापत्रे
झोडपा त्या जोडप्याला
पाश्चिमात्यांचे हे प्रेमाचे चाळे
आम्ही आहोत मराठी मावळे
प्रेमदिनाची आम्हाला गरजच काय ?
हो हो,ते सगळ ठीकाय
आम्ही तरी कराव काय
आमची सेटिंग होतच नाय
किती वर्ष पहावी वाट
स्वप्नात दिसतो आंतरपाट
बोलणे माझे घे मनावर
नकोस सुंदरी राहूस तू सिंगल
करूनच टाक शुभमंगल
प्रपोज जरी बहु येती तुजला
एक ना धड भाराभर वर
गोंधळू नकोस पुकार स्वयंवर
मुंबईमध्ये जो घेई घर
त्यास मान तुझा प्रियवर...
प्रतिक्रिया
27 Apr 2015 - 8:20 pm | नगरीनिरंजन
मजेदार आहे. :-)
27 Apr 2015 - 10:18 pm | सौन्दर्य
कसला खतरनाक पण लावायला सांगितलात हो !
28 Apr 2015 - 7:47 pm | एस
वा वा वा!
28 Apr 2015 - 7:50 pm | बॅटमॅन
२ महिने अन १३ दिवस झाले त्या वाळंतिणीच्या जयंती का मयंतीला, तरी आज कविता? तिथीनुसार साजरा करताय का वाळंतिणदिवस?
28 Apr 2015 - 7:52 pm | सूड
त्यांना आज झाली असेल कविता. सगळेच शीघ्रकवी थोडेच असतात. ;)
28 Apr 2015 - 8:01 pm | बॅटमॅन
हम्म, तेही खरंच म्हणा.
बादवे
नावात बरेच काही दडले आहे. थोऽडा विग्रह पायजे फक्त. ;)
28 Apr 2015 - 8:05 pm | सूड
बिंगो!! ;) मला पण बरेच दिवस कविता झालेली नाही. काय घ्यावं असा विचार करतोय. ;)
28 Apr 2015 - 8:10 pm | बॅटमॅन
"शीघ्रेल" घ्या. काव्यरेचक म्हणून अतिशय उपयोगी पडेल.
-(आयुर्वेदाचार्य) बॅटमॅन.
28 Apr 2015 - 8:12 pm | सूड
हात मेल्या, कसला आयुर्वेदाचार्य तू!! असं पटकन धाग्यावर सांगतात का औषध? व्यनि करायला सांगायचं. ;)
28 Apr 2015 - 8:27 pm | बॅटमॅन
अर्र, विसरलोच की.
-पोपटहित.