आनंद-कार्लसन, सोची २०१४ - डाव ३

लावलाय राव आज. किती वर्षांनी आनंद जुन्या दिवसांची आठवण करुन देतोय! फक्त शेवटप्र्यंत नीट डाव ने म्हणजे झालं...

आनंदचा जी ५ वरचा घोडा घेऊ शकत नाही कारण मग बी ५ मधला घोडा डी ६ असा येतो आणि वजिराला जागा नाही. कारण वजीर बाजूला गेला की प्यादे आठव्या पट्टीत येते आणि काळा मोहोरी गमावतो..

मधे येऊ शकतो परंतु मग घोडा डी ६ मधे येऊ शकतो आणि वजिराला हुसकावून लावू शकतो. सहाव्या पट्टीत हत्ती आणि उंट हे काही सोपे नाही काळ्याला. पण खेळला तो हत्तीची चाल...

आता पुढचे दोन तास अतरी येता येणार नाही.

तुफान खेळला आज. मी आधीच्या समालोचना मध्ये म्हंटले होते तसे, त्याचा नैसर्गिक खेळ खुला आणि झटपट आहे, त्याची अंतस्फूर्ती जबरद्स्त आहे, त्या गोष्टी डावलून अतिविचार करुन खेळणे त्याच्या स्वभावधर्मात नाही, त्याचा खेळ दडपणाखाली कृत्रिम होत जातो. आजच्या डावाने अजूनही त्याच्यात जिंकण्याची उर्मी किती जिवंत आहे याचा रोकडा प्रत्यय आला!! कार्लसनचा बचाव भेदण्यात आज आनंद यशस्वी झाला किबहुना त्याने मॅग्नुसला बचावाची संधीच दिली नाही म्हणणे जास्त योग्य राहील. हा डाव नक्कीच त्याच्या (आणि आपल्या) फेवरिट डावांमधला एक असणार आहे! त्याने पुन्हा एकदा दाखवून दिले की एक डाव आपण हरलो की पुढचा लगेच जिंकतो, गेल्यावेळचा अपवाद होता हे सिद्ध झले!! आता कर्लसनवरती दडपण वाढले आहे हे नक्की. पुढल्या डावात काय खेळायचे याचा प्लॅन आता वेगळा बनवावा लागणार त्याला! :)

२०१३ बिल्बाओ मास्टर्स स्पर्धेत झालेला हा डाव बघा - http://www.chessgames.com/perl/chessgame?gid=1733069 आनंद-कार्लसनचा आजचा डाव १९ व्या चालीपर्यंत तंतोतंत सारखा आहे. किंबहुना याच डावावरुन सुधारणा करुन आनंद आणि त्याच्या टीमने नवीन वेरिएशन्स शोधली आणि आनंदने ती यशस्वीरीत्या डावात वापरली. विसाव्या चालीला घोड्यांची मारामारी आणि पुढच्या दोन चालीत वजीर सातव्या पट्टीत नेऊन ठेवणे हे भलतेच परिणामकारक झाले. आनंद आणि कार्लसन यांना हा डाव चाल अन चाल आठवत असला तरी नेमक्या कोणत्या खेळीत सुधारणा करुन कोणती लाईन निवडली जाणार आहे याचा पत्ता लागणे अवघड असते आणि तिथूनच पुढचे प्रश्न हे तिथल्यातिथे बोर्डावरच सोडवावे लागतात. सहाजिकच वेळाचे आणि क्लिष्ट विश्लेषणाचे गणित साधणे अवघड असते. आज मॅग्नुस असाच वेळेच्या आणि क्लिष्ट विश्लेषणाच्या कचाट्यात सापडला आणि हरला. आता उद्या तो कोणते नवीन वेरिएशन घेऊन खेळायला येतो ते बघूयात. उद्याचा सामनाही आजच्या एवढाच उत्कंठावर्धक होईल याची खात्रीच आहे!