मराठी साहित्य, संस्कृती आणि लेखनाचे व्यासपीठ

आनंद-कार्लसन, सोची २०१४ - डाव ३

चतुरंग · · जनातलं, मनातलं
लेखनप्रकार
वीकांताला आनंद डाव हरला आणि १.५ वि.०.५ असा गुणांनी मागे पडला. कालचा विश्रांतीचा दिवस आज काय घेऊन येतोय बघूयात. आनंदसाठी जिंकणे अनिवार्यच आहे कारण पांढरी मोहोरी आहेत आणि पराभवाचे घाव ताजे आहेत!! आतापर्यंत आनंद ज्याज्यावेळी डाव हरला आहे त्या त्यावेळी त्यापुढचा डाव लगेच जिंकलाय अपवाद मागची जगज्जेतेपदाची स्पर्धा! यावेळी तो अपवाद होता हे सिद्ध करु शकेल का आनंद? कामाचा दिवस असल्याने मला सलग येणे शक्य नाही रसिकांनी डाव पुढे चालू ठेवावा. आनंदने डी४ प्याद्याने डाव सुरु केलाय. पहिल्या ५ मिनिटातच १५ खेळ्या झाल्यात. आनंदचे सी प्यादे बघता बघता सातव्या पट्टित पोचले आणे आणि सी स्तंभ मोकळा झालाय. घोडा बी५ असा मोक्याच्या स्थानावर आलाय.

वाचन 19683 प्रतिक्रिया 84

चतुरंग Tue, 11/11/2014 - 17:54
लावलाय राव आज. किती वर्षांनी आनंद जुन्या दिवसांची आठवण करुन देतोय! फक्त शेवटप्र्यंत नीट डाव ने म्हणजे झालं...

केदार-मिसळपाव Tue, 11/11/2014 - 17:58
की, सावकाश खेळुनसुद्धा कार्लसन शेवटी रिग्यात घेतोच, मग होउन जाउ दे. बी-५ मधल्या घोड्याला त्याने काही मदत ठेवली नाहिये.

चतुरंग Tue, 11/11/2014 - 17:59
आनंदचा जी ५ वरचा घोडा घेऊ शकत नाही कारण मग बी ५ मधला घोडा डी ६ असा येतो आणि वजिराला जागा नाही. कारण वजीर बाजूला गेला की प्यादे आठव्या पट्टीत येते आणि काळा मोहोरी गमावतो..

केदार-मिसळपाव Tue, 11/11/2014 - 18:42
बहुधा घोडा मागे घेइल पण आनंद उंट जी-५ ला आणु शकतो. पण तसे नाही झाले तर कार्लसन घोडा अजुन मागे इ-८ ला नेइल का?

चतुरंग Tue, 11/11/2014 - 18:50
मधे येऊ शकतो परंतु मग घोडा डी ६ मधे येऊ शकतो आणि वजिराला हुसकावून लावू शकतो. सहाव्या पट्टीत हत्ती आणि उंट हे काही सोपे नाही काळ्याला. पण खेळला तो हत्तीची चाल...

arunjoshi123 Tue, 11/11/2014 - 19:41
आनंद मधे मधे पाणण्या उंचाउन प्रत्येक डावात मॅग्नसकडे पाहतो. ते मला थोडेसे नेहमी ऑकवर्ड नि नर्व्हस वाटते. आत्ता पहिल्यांदा मॅग्नसला तस्सेच आनंदकडे पाहताना पाहिले.

त्यानं इनिशिएटिव शेवटपर्यंत कायम ठेवलाय. आणि चेसमधे इनिशिएटिवच सर्व काही आहे. कार्लसन सहजी नमणारा नाही पण आनंद जोपर्यंत गेम लीड करतोयं तोपर्यंत त्याचं काही खरं नाही. सध्या आनंदला संधी आहे हे नक्की.

आतिवास Tue, 11/11/2014 - 21:40
मजा आली आज. खेळात हार- जीत चालायचीच - हे खरं असलं तरी आपला आवडता खेळाडू जिंकण्याचा आनंद वेगळाच असतो :-) अवांतरः इतके लोक आपला विजय पाहायला इच्छुक आहेत, याची आनंदला कल्पना असेल का?

In reply to by आतिवास

आज डावावर निर्विवाद वर्चस्व आनंदचच होतं. पण कार्लासनचा बचावही तितकाच भक्कम असतो तेव्हा त्याचा पराभव मला बघायला मिळाला मी खुश आहे ! :-) चिअर्स ! :) -दिलीप बिरुटे

चतुरंग Tue, 11/11/2014 - 22:00
तुफान खेळला आज. मी आधीच्या समालोचना मध्ये म्हंटले होते तसे, त्याचा नैसर्गिक खेळ खुला आणि झटपट आहे, त्याची अंतस्फूर्ती जबरद्स्त आहे, त्या गोष्टी डावलून अतिविचार करुन खेळणे त्याच्या स्वभावधर्मात नाही, त्याचा खेळ दडपणाखाली कृत्रिम होत जातो. आजच्या डावाने अजूनही त्याच्यात जिंकण्याची उर्मी किती जिवंत आहे याचा रोकडा प्रत्यय आला!! कार्लसनचा बचाव भेदण्यात आज आनंद यशस्वी झाला किबहुना त्याने मॅग्नुसला बचावाची संधीच दिली नाही म्हणणे जास्त योग्य राहील. हा डाव नक्कीच त्याच्या (आणि आपल्या) फेवरिट डावांमधला एक असणार आहे! त्याने पुन्हा एकदा दाखवून दिले की एक डाव आपण हरलो की पुढचा लगेच जिंकतो, गेल्यावेळचा अपवाद होता हे सिद्ध झले!! आता कर्लसनवरती दडपण वाढले आहे हे नक्की. पुढल्या डावात काय खेळायचे याचा प्लॅन आता वेगळा बनवावा लागणार त्याला! :)

In reply to by चतुरंग

आतिवास Tue, 11/11/2014 - 22:04
अद्याप स्पर्धा बाकी आहे हे लक्षात घेऊनही, तुमचे विशेष आभार मानते. :-) तुमच्या समालोचनामुळे सामना समजायला अधिक मदत होते. त्यात इतर मिपाकरही वेळोवेळी भर घालतात त्यामुळे अधिक मजा येते.

In reply to by चतुरंग

रमताराम Tue, 11/11/2014 - 22:28
मला दोन प्रसंग आठवतात. गेलफंडने प्रथम त्याला हरवले नि चवताळलेल्या आनंदने त्याला पुढच्या डावात अठरा खेळीत अस्मान दाखवले. पण दुसरा प्रसंग आठवतो तो प्रोफेशनल चेस टूर्नामेंट मधला. तिथे असा कमबॅक केला आनंदने. पण नंतर क्राम्निकने सलग दोन डाव जिंकले आणि शेवटचा डाव तर आनंद जणू पहिल्या खेळीपासून रिजाईन केल्यासारखा औपचारिकच खेळला. तसे होऊ नये अशी इच्छा व्यक्त करतो

चतुरंग Wed, 11/12/2014 - 09:21
२०१३ बिल्बाओ मास्टर्स स्पर्धेत झालेला हा डाव बघा - http://www.chessgames.com/perl/chessgame?gid=1733069 आनंद-कार्लसनचा आजचा डाव १९ व्या चालीपर्यंत तंतोतंत सारखा आहे. किंबहुना याच डावावरुन सुधारणा करुन आनंद आणि त्याच्या टीमने नवीन वेरिएशन्स शोधली आणि आनंदने ती यशस्वीरीत्या डावात वापरली. विसाव्या चालीला घोड्यांची मारामारी आणि पुढच्या दोन चालीत वजीर सातव्या पट्टीत नेऊन ठेवणे हे भलतेच परिणामकारक झाले. आनंद आणि कार्लसन यांना हा डाव चाल अन चाल आठवत असला तरी नेमक्या कोणत्या खेळीत सुधारणा करुन कोणती लाईन निवडली जाणार आहे याचा पत्ता लागणे अवघड असते आणि तिथूनच पुढचे प्रश्न हे तिथल्यातिथे बोर्डावरच सोडवावे लागतात. सहाजिकच वेळाचे आणि क्लिष्ट विश्लेषणाचे गणित साधणे अवघड असते. आज मॅग्नुस असाच वेळेच्या आणि क्लिष्ट विश्लेषणाच्या कचाट्यात सापडला आणि हरला. आता उद्या तो कोणते नवीन वेरिएशन घेऊन खेळायला येतो ते बघूयात. उद्याचा सामनाही आजच्या एवढाच उत्कंठावर्धक होईल याची खात्रीच आहे!

In reply to by चतुरंग

रमताराम Wed, 11/12/2014 - 10:22
तिथे घोडा वाचवण्याच्या प्रयत्नात अरोनियनने अ‍ॅड्म्सच्या वजीराला बाहेर येण्याची संधी दिली. आणि त्या वजीराला जो घोडा वाचवण्याच्या प्रयत्न केला त्यावरच मोर्चे लावता आल्याने (आणि मागच्या प्याद्याला पाठिंबा द्यायला हत्ती चटकन मिळाल्याने) अरोनियनने इनिशिएटिव गमावला. आनंदने घोडा लगेचच मटकावल्याने पीस डाउन होण्याचा धोका निर्माण केला. त्यात घोडा ताबडतोब रिक्लेम करण्याच्या नादात कार्ल्याच्या हत्तीने ए पट्टी सोडली आणि तो हत्ती आपल्याच्या प्याद्यांच्या गराड्यात विचित्र परिस्थितीत अडकला. डी प्याद्याने वजीर जेरबंद केलेला असल्याने कार्ल्याची सारीच मोहरी ठाणबंद झाली. तिकडे अ‍ॅडम्सचा वजीर बाहेर आल्याने आणि राजाकडचा हत्तीही लगेचच अ‍ॅक्टिव झाल्याने त्याला गेम वाचवता आला.

arunjoshi123 Wed, 11/12/2014 - 10:57
डावात आपण गेस केलेल्या (अर्थात या लोकांच्या एक सहस्रांश अनालिसिससहित) एक चालीच्या प्रत्यक्ष पटावर दिसण्याने होणारा "आनंद" फार मजा देऊन जातो.

"आनंद जिंकला" याचाच खूsssप आनंद आहे. त्यामुळे आजचा खेळ बघायला अजून खास मजा येणार आहे. या डावात मिळालेल्या उभारीचा उपयोग करून आनंदने या स्पर्धेत मॅग्नूसला चारीमुड्या चित करावे ! ("कम्युनिटी चेस"चा जुना-जाणता खेळाडू) इए ;) :)

arunjoshi123 Wed, 11/12/2014 - 11:05
तसा व्यक्तिशः मी कोणी हारल्या जिंकल्याने इतका एक्साईट होत नाही. पण चेन्नईमधे आनंद = ब्लंडर असे समीकरण झालेले. बाकी सगळे उत्तम पण शेवटी ब्लंडर केली म्हणून गेम गेला असे समालोचक म्हणत. शिवाय मॅग्नसला आनंदकडून याची देही याची डोळा मी पाहिलेलेच नव्हते म्हणून ही मॅच विशेष वाटलेली.

मी काय तज्ञ नाही पण सी पट्टीतल्या प्यादीने कार्लसनला परेशान करुन ठेवलेलं दिसलं. कार्लसनचा वजीर हललाच नाही त्याला प्यादी वजीर होईल आणि मग डावावर आनंदचं वर्चस्व राहील असे त्याला वाटत असावे का माहिती नाही. पण ती प्यादी माझ्यातरी नजरेसमोरुन जात नै ये. मजा आली. -दिलीप बिरुटे