Skip to main content

नौस

लेखक आतिवास यांनी मंगळवार, 23/07/2013 या दिवशी प्रकाशित केले.
म्या सक्काळी उटायच्या आदीच आण्णा कुटतरी जातेत. आज सांजच्याला आले तवा हासत व्हते. म्हन्ले, “आन्जाक्का, उद्यापासून आम्ही पण तुमच्या शाळेत येणार बरं का!” ह्ये काय ल्हान नाईत. उगा कायबी बोल्तेत. “तुमास्नी गुर्जी घ्येणार नायती,” म्या बोल्ली. आण्णा हस्ले. म्हन्ले, “हेडमास्तर आहे मी...”. बाबौ! आता कायबी कराया येतंय. कुणाची टाप नाय भांडायची. गुर्जीबी वरडायचे न्हाईत. मज्जा. पन आण्णांचं कायतरी येगळंचं सुरु. अब्यास कर, सुद्द बोल, भांडू नको, श्या दिऊ नको, पाडे म्हन. अकशर चांगलं कहाड. गंपतीचं भजन म्हन. घरात आय, साळंत हे. हैतच. पोरपोरी हस्त्येत. रडू रडू होतंय मला. येशीतल्या मारोतीरायाला दोन रुपैचा नौस बोलून आलेय. “द्येवा, माजीबी बदली कर” म्हनूनशान! *शतशब्दकथा
लेखनविषय:
लेखनप्रकार
वाचने 13612
प्रतिक्रिया 29

प्रतिक्रिया

कपिलमुनी मंगळवार, 23/07/2013
भारी लिहिता .. 'ओ हेन्री' च्या कथांची आठवण होते ..

सस्नेह मंगळवार, 23/07/2013
मारुतीराया पाव रे बाबा हिच्या नवसाला !

सुधीर मंगळवार, 23/07/2013
ह्या छोटीची लेखमाला खूप छान आहे.

नि३सोलपुरकर मंगळवार, 23/07/2013
आवडले. खूप छान आहे.

निवांत पोपट मंगळवार, 23/07/2013
‘आंजी’चं दुखणं मला कळलं.. :) पहिली,दुसरीत असताना पिताश्रीच एन्स्पेक्शनला आले होते,त्यावेळेचं छातीतलं थाड,थाड,आणि कानकोंडं होणं अजून लक्षात आहे.

आतिवास मंगळवार, 23/07/2013
पण ते पाहुणे वायले :-) नाहीतर आण्णा "गुर्जी" आहेत हे आन्जीला माहिती असलं असतं की आधीच! पण एकूण गुर्जीच - ते पाहुणे आणि आण्णाही :-)

आतिवास गुरुवार, 25/07/2013
सर्व वाचकांचे आणि प्रतिसादकांचे आभार.

अद्द्या गुरुवार, 25/07/2013
हिहीहाहाहा मस्त मस्त . मागे पण आपल्या काही शतशब्दकथा वाचल्या होत्या . आवडेश :D

प्रा.डॉ.दिलीप बिरुटे गुरुवार, 25/07/2013
आवडेश. -दिलीप बिरुटे

पैसा मंगळवार, 06/08/2013
मस्त! माझे आईवडील आणि काका काकू पण माझ्या शाळेत होते. ६ वर्षं!!

आतिवास मंगळवार, 06/08/2013
सहा वर्ष! आणि एक नाही, दोन नाही तर चारजण!! तुम्ही शुद्ध लिहिता यात काय नवल मग? :-)

पैसा मंगळवार, 06/08/2013
म्हणून तर मिपावर डु आयडी घेणं अजिबात शक्य नाही! ;)

मनीषा बुधवार, 07/08/2013
घरचेच लोक, बाहेर सुद्धा आपल्यावर लक्ष ठेवणार म्हणजे छ्ळच आहे. आणि तिला आशा आहे, मारूतीरायाला नवस केला तर तो काहीतरी करेल म्हणून... तिचा नवस पूर्ण होऊ दे हीच सदिच्छा !

चित्रगुप्त बुधवार, 07/08/2013
मस्त. पन येक पराब्लिम हाये: आण्णा आदिच मारुतीला धा रुपयाचा नवस बोलून आल्यातः द्येवा, ह्ये धा रुपे घे, अन माजी आन्जाक्का अब्यास करु दे, सुद्द बोलू दे. पाडे म्हनू दे, अकशर चांगलं कहाडू दे, गंपतीचं भजन म्हनू दे. आनि तिले भांडन तंटा नको करु द्येउ, श्या त अज्याबात नको दिऊ दिऊ रे मारुतिराया. आता आन्जाक्काला म्हनाव, पंदरा रुपेचा नौस बोलावा लागीन, मंगच ऐकते मारुती.

आतिवास गुरुवार, 08/08/2013
काही खरं नाही हो आमच्या आन्जाक्काचं :-)