अगदी सोपी 'फिटनेस टेस्ट'

....'अगदी सोपी' या शब्दांशी असहमत.... नापास की पास ???

सहजराव, बायको पास हे जास्त महत्वाचे. कारण आता फक्त तुम्हाला स्वतःचीच काळजी घ्यायची आहे. शिवाय तुमची काळजी घेणारी फिट आहे, मग चिंता कसली? वजन, पाठ, गुडघे, स्नायु, उदरपटल यापैकी कोणती बाजू कमकुवत आहे, हे शोधा आणि लागा उद्योगाला - सहा महिन्यात पास व्ह्यायचेच असे ठरवून. नक्की यश मिळेल. तुमच्या प्रयत्नांबद्दल आम्हालापण कळवा.

धागाकर्ता पास, पण अगदी टुण्णदिशी नाही उठता येत. पण हेही जमले पाहिजेच, म्हणून रोज पहाटे ४-६ कि.मि. चालणे, प्राणायाम, धावणे, पाठीचे व्यायाम वगैरे सुरु केले आहे. परांच्या प्रश्नांच्या उत्तरादखल असे म्हणता येइल, की एकाद्या विषयात पास ३३ वा ४० टक्क्याने होता येत असले, तरी पास झाले याचा अर्थ तो विषय अगदी सांगोपांग अवगत झाला, असे नाही. त्यामुळे बसून हात न टेकता जरी उठता येत असेल, तरी त्याचा अर्थ वजन, पोट, स्नायुंची शक्ती इ.इ. अगदी यथायोग्य आहे, असा होत नाही. विडियोतील मुले जशी अगदी सहजपणे उभी रहात आहे, तसे जमले पाहिजे. ही एक सुटसुटीत, काही विशेष सामग्रीशिवाय, वा विशिष्ट ज्ञानाशिवाय, आकडेमडे, तक्ते इ. शिवाय करता येण्याजोगी चाचणी आहे. वजन, रक्तदाब, कोलेस्टरॉल, इ. साठी असलेल्या तपासण्यांचे वेगणे महत्व आहेच.

या वर्षासाठी कोणती सोप्पी टेस्ट आहे ?

ही घ्या या वर्षासाठीची टेस्टः खालील स्थितीत किमान १५ ते ३० सेकंद स्थिर रहाणे .... बघा करून आणि सांगा. हे जमले, की मग आणखी जबरदस्त फिटनेससाठी खालील व्यायाम करा: http://youtu.be/cN0aR3m_0c0

मी स्वतः यावर्षी जून महिना अखेर पर्यंत पोटाचा नगारा, जिना चढताना त्रास, 'फिटनेस टेस्ट' मधे नापास, मूळव्याधग्रस्त असा झालेलो होतो. जुलाई पासून दररोज २-३ ग्लास भाज्या आणि फळांचा ताजा रस काढून पीणे, मैदा आणि कणकेचे पदार्थ अगदी कमी खाणे, आणि थोडासा व्यायाम हे सुरू केले. ५-६ दिवसात पोटातून 'कालसर्प बाहेर निघाला, मूळव्याध वीस दिवसात पूर्ण बरी झाली. आता ऊर्जा आणी उत्साह भरपूर वाढलेला आहे, धावत जिना चढू शकतो, पोट आणि वजन बरेच कमी झाले आहे, फिटनेस टेस्ट मधे पास. याबद्दल पुणे-पाताळेश्वर कट्ट्यात माहिती सांगितली होती. त्यानंतर मिपाकर समीर यांनी सात दिवस नुसते जूस प्राशन करण्याचा प्रयोग केला. त्याबद्दल त्यांनी लिहावे, असे सुचवतो. याबद्दल कुणाला माझ्याशी बोलायचे असेल, तर व्यनी करावा.