सरप्राईज टेस्ट आणि गोंधळलेला परिक्षक.
मधली सुट्टी संपली आणि नव्या तासाचा टोला पडला. विज्ञानाच्या बाई वर्गात शिरल्या तसा पोरांचा कलकलाट थांबला. बाईंनी पुस्तक उघडुन नवा धडा शिकवायला घेतला. आजचा धडा होता 'मुळं'. बाईंनी फळ्यावर जमतील तशी चित्रं काढत वेगवेगळ्या मुळांचे प्रकार सांगीतले. उदाहरणं ही दिली.
लेकीच्या मनात बाईंची परिक्षा घेण्याची लहर आली. उत्तर माहित असतानाही कार्टीन बाईंना प्रश्न टाकला.
"टिचर स्वीट पोटॅटो इज अ स्टेम ऑर रुट?"
कुणी रताळं 'मुळ' की 'खोड' असं विचरल्यावर पटकन बेधडक 'मुळ' उत्तर आलं असतं. पण 'स्वीट पोटॅटो' म्हटल्यावर चटकन गोंधळ उडणे स्वाभाविक आहे. झालं बाईंची विकेट उडाली.
आता बरोबर उत्तर माहित असुनही सांगता येत नसल्याने लेकी समोर धर्मसंकट उभं राहिलं. सांगीतल तर आपण बाईंची परिक्षा घेत होतो हे सत्य उघडं झालं असतं. प्रसंगावधान राखुन लेक निमुट खाली बसली. आणि अश्या प्रकारे एकाच बॉल वर दोन विकेट डाऊन झाल्या. ;)
अशी चुकीची माहिती आपल्या मित्रं मैत्रींना मिळु नये असं तिला मना पासुन वाटत होत. मनाला चुटपुट लागुन राहिली. घरी आल्यावर आईला अडचण सांगीतली. बायकोला पण झाल्या प्रकाराची गंमत वाटली. ती म्हणाली की उद्या शाळेत गेल्यावर बाईंना सांग की आईने दुसर्या पुस्तकात पाहुन सांगितलं की 'स्वीट पोटॅटो इज अ रुट. वील यु प्लीज कन्फर्म?' आपल्या प्रत्येक अडचणीवर आईकडे उत्तर असतं म्हणुन लेक खुश झाली. आईने धर्म संकाटुन वाचवल्या बद्दल लेकीने एक गालगुच्चा बक्षिस दिला आणि स्वारी 'आज मधहोश हुआ जाये रे..मेरा मन...' गुण गुणत खेळायला पळाली. :)
वाचने
17516
वाचनखूण
प्रतिक्रिया
42
तिच्या बाईंचीच परीक्षा आहे खरी,
'अनोखे' किस्से अजून सांग.
स्वाती
चांगलीच परिक्षा घेतली. मस्त किस्सा.
-दिलीप बिरुटे
लाईफ सदाबहार करणारे किस्से हे :)
अर्धवटराव
मस्त किस्सा...
तुमची स्वारी 'आज मधहोश हुआ जाये रे..मेरा मन...' गाण गुणगुणते हे वाचून अजूनच कौतुक वाटले.
In reply to वाह by मी-सौरभ
सध्या रात्री झोपण्या पुर्वी ९:३० ते १०:३० एफ एम वर जुनी गाणी ऐकण्याचा नाद लागलाय. त्याचच हे फलीत. :)
हुशार आणि समंजस आहे तुमची कन्या!
"रीडर्स डायजेस्ट" ला असे किस्से जरूर पाठवा. एक तर छापून तरी येतात व फुकट "सब्स्क्रिप्शन" अथवा पैसे मिळतात किंवा "सब्स्क्रिप्शन" तरी मिळतेच मिळते - अनुभव आहे. मुख्य समाधान मिळते व अनेक लोकांपर्यंत आपला आनंद पोचतो.
हा हा हा
किस्सा आवडला
मस्त किस्सा :)
एकदम भारी आहे हा तुमची लेक.
In reply to मस्त किस्सा एकदम भारी आहे by हरिप्रिया_
एकदम भारी आहे हा तुमची लेक.सहमत! पण, गणपाच्या लेकीचे हा आणि आधिचे किस्से वाचून, त्याची लेक तिच्या आईवर गेलीय हे चाणाक्ष मिपाकरांच्या ध्यानात आले असेलच. गणपा यायच्या आत पळतो आता... ;) - (चाणाक्ष) सोकाजी
In reply to एकदम भारी आहे हा तुमची by सोत्रि
सहमत!
(सोक्या- या भारतभेटीत गणपा पुणेवारी नक्की करणार.) ;)
तुमची मुलगी पास होऊन वरच्या वर्गात गेली की तुमच्या पेक्षा तिच्या बाईंनाच अधिक आनंद होत असेल! :)
In reply to तुमची मुलगी पास होऊन वरच्या by मराठे
मला वाटतय गणपा ऐवजी बाईच पेढे वाटत असणार. आणि वर वरच्या वर्गातल्या बाईंना 'शुभेच्छा' पण देत असणार.
हा हा हा. मजेशीर....दोघींचीही पंचाईत झाली.
लहान मुले अशीच पंचाईत करत असतात आणि हे असे किस्से नेहमीच हहपुवा करुन जातात.
हे पाणी भयंकर आहे!
जाम भारी किस्सा. :)
जालिम पोरगी. पण मनान अगदी हळुवार वाटतेय.
ए! गणपा माझा पोरगा पण जुनीच गाणी म्हणतो , नखरेवाली आऽआऽआऽ..हिंदी शब्द तर आम्हाला पण माहित नाहीत त्यात त्याचे फन्नी उच्चार. भारी वाटत.
चांगलीच खोडकर झालीये :)
किस्सा आवडला गेला हाये.... :)
एकंदरीत बाइंचे(शाळेतल्या) काही खरे नाही.
मस्त किस्सा !
गंपा तुझी पण विकेट काढत असेल ना ती अधुन मधुन , ते पण किस्से येउ दे की ;-)
In reply to मस्त किस्सा by कुंदन
तुमची विकेट निघालेले किस्से येऊ देत की!
बाकी, हा किस्सा भारीच.
:)
In reply to असेच म्हणते by sneharani
तो स्वतःच कसे सांगेल की त्याचा क्लिन बोल्ड झाला म्हणून.
त्यापेक्षा एखादी पाकृ टाकायला सांगा.
खिक्
मस्त किस्सा!
गणपा तुझी लेक मस्त 'रोटेशन' करवते बाईंना...!
पोरीने शिक्षिकेचा "क्लास" घेतला म्हणायचं....
>>>"टिचर स्वीट पोटॅटो इज अ स्टेम ऑर रुट?"
हे काय वाक्य आहे ते काही कळाले नाही. :(
In reply to >>>"टिचर स्वीट पोटॅटो इज अ by नाना चेंगट
नक्की काय कळालं नाही? स्टेम = खोड, रूट = मूळ, स्वीट पोटॅटो = रताळे
In reply to नक्की काय कळालं नाही? स्टेम = by शुचि
आज ज्ञानात एक भर पडली....
स्वीट पोटॅटो = रताळे
In reply to नक्की काय कळालं नाही? स्टेम = by शुचि
आयला ! अस्सं होय !
चला ते शब्द वापरुन मी वाक्य करतो. बघा बरे जमते का?
गणपाची किस्से सांगण्याची स्टेम चांगली आहे आणि त्याचा रुट स्वभाव स्टेमकर आहे !
जमतयं ना?
In reply to आयला ! अस्सं होय ! चला ते by नाना चेंगट
=)) =)) नाना तुम्ही पण एक अवलिया आहात अगदी ;)
लैच चुणचुणीत आहे लेक तुमची.. बा इथं मिपावर भल्याभल्यांच्या तोंडात पाणी आणतोय, आणि लेक शाळेत भल्याभल्यांच्या तोंडाचं पाणी पळवतीय.. ;-)
In reply to लै भारी.. by चिगो
जियो चिगो! जियो!
काय वाक्य आहे. पाणी आणणे अन पळवणे..
गणपा साहेब, लेख आवडला.
तुमची लेक खरच तुमच्या सारखी समजुतदार व हुशार व गुणी आहे.
उत्तर माहित असतानाही कार्टीन बाईंना प्रश्न टाकला.
श्री. गणपा साहेब, तुमची लेक मराठी संस्थळांवर वावरायला परिपक्व झाली आहे.
कंच्या शाळेत जाते म्हणायची तुमची मुलगी..?
बाईना 'बटाटा' कुठे येतो हे जर माहित असेल तर 'गोड बटाटा' कुठे येत असेल याचा अंदाजपंचे तीर तरी मारायला यायला हवे होते ना..
आता बटाटा कुठे येतो हे नसेल माहित तर मग काय बोलायचं ..
तु हाणत जा चिकन तंगड्या , ती बिचारी खातेय रताळी..
In reply to हे बरे आहे तुझे by कुंदन
तुमचेच मित्र..
In reply to तुमचेच मित्र.. by नाना चेंगट
तो पण आमचा , तु पण आमचाच ... अन ... .... ;-)
In reply to हे बरे आहे तुझे by कुंदन
स्वारी पण प्रतिसाद काही कळला नाही कुंद्या.
पण त्यावर नानाची मात्र अपेक्षीत प्रतिक्रिया. :)
गणपा, लेक हुशार तर आहेच पण धीट तसेच मोठ्यांचा आदर करणारी आहे.. शाबसकी !
पावणे तीन वर्षाचा माझा मुलगा मराठी व्याकरणात असाच गोंधळवतो..
मी - बंड्या, हात धुवू..
बंड्या - धुवले
मी - अरे धुवले नाही रे धुतले
बंड्या - बाबा, हा त कुठून आणता तुम्ही मधे.. धु व ले हेच बरोबर..
मी - बर! ... :)
अरे वा..