हरियाली चिकन

साहित्यः ५०० ग्राम चिकन साफ करुन, थोडा लिंबाचा रस व किंचित गरम-मसाला लावून १५-२० मिनिटे मॅरीनेट करणे. १/२ वाटीपेक्षा थोडेच जास्त ओलं खोबरं + मुठभर कोथिंबीर + मुठभर पुदिन्याची पाने + तीन-चार हिरव्या मिरच्या असे एकत्र करुन वाटणे. (हिरव्या मिरच्या आपल्या आवडीप्रमाणे घेणे) २ छोटे कांदे बारीक चिरून १ टेस्पून आले+लसूण पेस्ट २-३ तमालपत्र, ३-४ दालचिनीच्या काड्या, २-३ हिरवे वेलदोडे, ३-४ लवंगा १ टेस्पून धणे पावडर १-१/२ टेस्पून गरम-मसाला मीठ चवीनुसार तेल १ चमचा बटर (ऐच्छिक) पाकृ: प्रथम एका नॉन-स्टीक भांड्यात तेल तापवून खडा मसाला परतून घेणे. त्यात आले+लसूण पेस्ट घालून चांगले परतणे. त्यात आता बारीक चिरलेला कांदा घालून तो मऊ होईस्तोवर परतणे. कांदा चांगला मऊ झाला की त्यात तयार केलेले हिरवे वाटण घालणे. मीठ, गरम-मसाला व धणे पावडर घालून एकत्र करणे. मसाला चांगला मिक्स झाला की त्यात चिकनचे तुकडे घालणे. आवश्यकतेनुसार पाणी घालून, झाकून शिजवणे. चिकन पूर्ण शिजले की एक चमचा बटर सोडावे. झटपट असे हरियाली चिकन तयार आहे. कांद्याच्या सॅलॅडसोबत सर्व्ह करा. कांद्याच्या पातळ चकत्या करा व त्या मोकळ्या करा. त्यात थोडा लिंबाचा रस, लाल-तिखट, मीठ व कोथिंबीर घालून मिक्स करा कांद्याचे सॅलॅड (लच्छेदार प्याज) तयार :)