फुलपाखरु भाग १

सुरेख फोटू रे बाणा. फुलपाखरे खूपच छान टिपली आहेत. आम्ही फुलपाखरांचे फोटू काढायला जावं तर ती खट्याळ लगेच उडून जातात. :(

मस्त रे..

मस्तच!! काँक्रिटच्या जंगलात तुला बरी फुलपाखरं गवसली.

मस्त रे.........!!! -दिलीप बिरुटे

अरे फुलपाखरांचे फोटो काढणं हे महान पेशन्सचं काम आहे. फोटो काढायला त्यांनी स्थिर बसणं हेच महाकठीण. कौतुक आहे तुझं.. मबा, तुझे फोटो इतके मस्त आहेत की फक्त त्यांची ब्यूटी बघावी.. माहितीची गरजच नाही, पण कधीकधी नावाने ओळखून आपली फुलपाखरांशी मैत्री जास्त वाढते असा अनुभव असल्याने न राहवून लिहितोय. स्ट्राईप्ड टायगर, ब्लू टायगर आणि (कदाचित) ब्लू पॅन्सी अशी तीन फुलपाखरं दिसताहेत. पैकी स्ट्राईप्ड टायगर आणि ब्लू टायगर ही दोन्ही वाईट चवीची आहेत (पक्ष्यांच्या दृष्टीने.. गैरसमज नसावा). स्ट्राईप्ड टायगरच्या अळ्या अतिशय रंगीबेरंगी आणि भयंकर असतात. रुईच्या किंवा वडाच्या झाडावर फीड करतात. ब्लू टायगर वाघनखीच्या (भिंतीवर चढणारा वेल वाघनखीच ना?) पानांवर फीड करतात. ही झाडे माहीत असली की ती अळी मिळवता येते. मग घरी बरणीत ठेवून तिला तीच पानं आणून काही दिवस दिली की तिथेच ती कोष करते (त्यासाठी एक झाडाची काडी बरणीत तिरकी ठेवावी. काही दिवसांनी कोष पारदर्शक होऊन बाहेरुनच आतलं बनलेलं फुलपाखरु (फोल्डेड!!) दिसायला लागतं.. ९९ टक्के कोष पहाटेपहाटे उघडतात. सुरळीसारखं ओलसर पाखरु बाहेर येऊन त्या काडीवर लटकतं.. मग पंख हळूहळू उलगडतात. पंख ओले असताना फुलपाखरु अत्यंत असहाय्य असतं. पंख लवकरच वाळून कडक होतात. दहा पंधरा मिनिटांत काडी घराबाहेर न्यायची की ते भुरकन उडून जातं. या सगळ्या प्रक्रियेत अत्यंत अ‍ॅडिक्टिव्ह आनंद आहे...

सुरेख

छान किती दिसते फुलपाखरु..... !!!

वरून चौथं फुलपाखरु फुलांपेक्षा कचर्‍यावरच जास्त दिसतं!

वॉव !!!! मदनबाण तुम्ही काढलेले फोटो आणि गविंनी दिलेली माहिती मस्तच! धागा उघडल्याचे सार्थक झाले.

सुंदर. अप्रतिम

सगळेच फोटो आणि गविनी दिलेली माहिती मस्त!

प्रत्येक चित्रात फोकस अतिशय छान साधला आहेस आणि फुलांची पार्श्वभूमी अचूक निवडली आहेस. पेशन्सला दाद. गविंनी दिलेली माहितीसुद्धा अतिशय मनोरंजक आहे. एक लेख होऊन जाउदे राव. -रंगा

व्वा व्वा... लई भारी... !! पुढचा भाग लवकर येऊ देत.

फोटो खूप छान आले आहेत. क्र. २ फोटोमधलं फुलपाखरु आहे 'ग्रास डेमन'. हे छोटंसं फुलपाखरु स्किपर (फॅमिली हेस्परिडी) या जातीचं आहे. पावसाळा आणि हिवाळा-उन्हाळा या ॠतूंमधे ग्रास डेमनच्या पंखांवरची रंगसंगती वेगवेगळी असते. स्किपर जातीच्या फुलपाखरांचं वैशिष्ट्य म्हणजे, यांच्या अळ्या पानाची बोगद्यासारखी गुंडाळी करून त्यात रहातात. त्या बोगद्यातच त्यांचा कोष होतो. यांचे डोळे मोठाले असतात. फोटो क्र. ४ मधलं फुलपाखरू 'कॉमन बुशब्राऊन' आहे (ब्लू पँझी नव्हे). अधिक माहिती इथे वाचा. गविंनी लिहिलंय : काही दिवसांनी कोष पारदर्शक होऊन बाहेरुनच आतलं बनलेलं फुलपाखरु (फोल्डेड!!) दिसायला लागतं.. ९९ टक्के कोष पहाटेपहाटे उघडतात. सुरळीसारखं ओलसर पाखरु बाहेर येऊन त्या काडीवर लटकतं.. मग पंख हळूहळू उलगडतात. पंख ओले असताना फुलपाखरु अत्यंत असहाय्य असतं. पंख लवकरच वाळून कडक होतात. दहा पंधरा मिनिटांत काडी घराबाहेर न्यायची की ते भुरकन उडून जातं. या सगळ्या प्रक्रियेत अत्यंत अ‍ॅडिक्टिव्ह आनंद आहे... अगदी खरं आहे ते ! रेड पियरो या जातीच्या फुलपाखराचा संपूर्ण जीवनक्रम मी दीड-दोन इंचावरून चित्रित (व्हिडिओ चित्रण) केला आहे. त्यात फुलपाखरू कोषातून बाहेर येताना स्पष्टपणे दिसतं. फुलपाखराच्या जन्माविषयी एक फार सुंदर आठवण लिहीन तेव्हा तो व्हिडिओ टाकायचा प्रयत्न करीन. बाकी, फुलपाखरांवरच्या धाग्यांना सुरुवात केली ती जागुताईंनी (माझ्या आठवणीप्रमाणे). एका नव्या, इंटरेस्टिंग विषयाला सुरुवात केल्याबद्दल त्यांचे आभार मानायला हवेत !

खुपच सुंदर.. मस्त फोटु.. एकदम आवडेश. :)

छान आलेत फोटो

अप्रतिम..खूपच सुरेख आहेत सर्व फोटो..

फोटो सुरे़ख आले आहेत.

अप्रतिम

बाणाकडून जरा वेगळ्या पाखरांची अपेक्षा होती.. ;) - (बाणाचा मित्र) पिंगू

निव्वळ अप्रतिम .खूप आवडले.!!

लै भारी फोटो,

वा! बुवा. सुंदर फोटो काढले आहेत. आवडले. कमालीची स्पष्टता आणि सापेक्षपृथकता (रिझोल्युशन) आहे प्रकाशचित्रांच्या कडांमधे. सुरेख.

खुप छान फोटो! - (मन फुलपाखरू झालेला) सोकाजी

कॅमेरा फॉर्मात रे, आता लेखणी पण येवु देत !

फोटो सुंदर आलेत. चौथा आणि शेवटचा तर एकदम झकास.

@सुधांशुनूलकरसाहेबः

रेड पियरो या जातीच्या फुलपाखराचा संपूर्ण जीवनक्रम मी दीड-दोन इंचावरून चित्रित (व्हिडिओ चित्रण) केला आहे. त्यात फुलपाखरू कोषातून बाहेर येताना स्पष्टपणे दिसतं. फुलपाखराच्या जन्माविषयी एक फार सुंदर आठवण लिहीन तेव्हा तो व्हिडिओ टाकायचा प्रयत्न करीन.

@गविसाहेब:

गवि: मस्त माहिती देताय, त्या 'फुलपाखरी प्लँटेशन'विषयी सविस्तर लेख लिहाच!

दोघांनाही - नेकी और पूछपूछ? आत्तापर्यंत टाकला नसेल तर कृपया टाका आणि टाकला असेल तर लिंक द्या. बादवे, मदनबाण - खूप छान प्रतिमा.

फुलपाखरांचे फोटो काढताना फोटोग्राफरचा खरा कस लागतो. कारण जराशी हालचाल झाली की फुलपाखरू उडून जाते. त्यामुळे कॅमेरा सेटिंग, बॅकग्राऊंड, व जास्त हालचाल न करता कॅमेरा सेट करणे ह्या सर्व गोष्टींसाठी खुप वेळ जातो. Patience खुप लागतात. फोटो छानच आलेत. *good*

मस्त!