पाहूच की

मिसळलेला काव्यप्रेमी जे न देखे रवी...
पाण्याला आवड असून चालत नाही रंगांची अन् आरशाला प्रतिमांची . आरशाला तरी मुभा असते अंधारात डोळे मिटण्याची कवीला मात्र पाण्यासारखेच राहावे लागते अंधार असो वा उजेड नावड असो वा आवड त्याला लिहावीच लागते, हृदयातून उमटणारी ओळ . जसे पाण्याला घ्यावाच लागतो, त्यात मिसळणारा रंग . पडलाच उजेड तर दिसेलच कि जगाला पाण्याचा रंग आणि कवीची ओळ म्हणूनच मी निवांत आहे . माझ्या ओळीच्या प्रारब्धिही असेलच कि उजेड उजळेल तेव्हा पाहूच की |- मिसळलेला काव्यप्रेमी -| (१४/०९/२०११)
वर्गीकरण
लेखनविषय:
काव्यरस
21 टिप्पण्या 3,262 दृश्ये

Comments

परिकथेतील राजकुमार नवीन

मस्त हो मिका.
पाण्याला आवड असून चालत नाही रंगांची अन् आरशाला प्रतिमांची
हे बेष्टच. लै दिसानी आलासा ?
प्रा.डॉ.दिलीप बिरुटे नवीन

कवीला मात्र पाण्यासारखेच राहावे लागते अंधार असो वा उजेड नावड असो वा आवड त्याला लिहावीच लागते, हृदयातून उमटणारी ओळ छान ओळी. प्रारब्धिही हा शब्द तितका सहज वाचता येत नाही, असे वाटले.
अत्रुप्त आत्मा नवीन

माझ्या ओळीच्या प्रारब्धिही असेलच कि उजेड उजळेल तेव्हा पाहूच की.... जे ब्बात... ये हींमत अच्छी लगी... :-)
नगरीनिरंजन नवीन

>>जय कविसमाज!! =)) =)) पाभेंना अभिप्रेत आहे की नाही कोण जाणे पण आम्हाला आणखी एक 'स्पेस' दिसते आहे या शब्दात. :)
स्पंदना नवीन

खरच पाण्याला आवड असून चालत नाही रंगांची अन् आरशाला प्रतिमांची ???? मस्त. पहिल्या ओळीतच दिल बेहद्द खुष ! मांगो मिका आज कुछ भी मांगो। दिन बना दिया आपने मेरा ।
ऋषिकेश नवीन

कविता, कल्पना आवडली.. आरशाचे रुपकही चांगले होते.. ते मधेच का सोडले? (अर्थात कवीचे स्वातंत्र्य वगैरे मान्य आहेच!)
निनाव नवीन

१ नंबर!!!! आरशाला तरी मुभा असते अंधारात डोळे मिटण्याची कवीला मात्र पाण्यासारखेच राहावे लागते अंधार असो वा उजेड नावड असो वा आवड त्याला लिहावीच लागते, हृदयातून उमटणारी ओळ हे खूप खूप खूप खूप खूपच छान लिहिले आहे... तोडच नाही. अनन्यच!!
रामदास नवीन

त्याला लिहावीच लागते, हृदयातून उमटणारी ओळ ही ओळ फाराच आवडली