बाबा रामदेवांचा मार्ग बरोबर की चूक, त्यांच्या मागण्या ह्या वास्तव की अवास्तव याविषयी वाद होऊ शकेल. पण अहिंसक जमावावर असा क्रूर हल्ला हा सर्वथा निंद्यच आहे. चांगली आंदोलने करायला गेले की त्यात संधिसाधू घुसतातच. पण हे प्रकरण सरकारने अतिशय गचाळपणे हाताळले आहे आणि त्याचा फटका काँग्रेसला भविष्यातल्या निवडणुकांमधे बसणारच आहे.

रामलीला मैदानात शांतपणे जमलेल्या लोकांवर लाठीचार्ज, रामदेवना अटक हे तर झालंच. पण सरकारतर्फे निवेदन द्यायला आले ते पर्यटनमंत्री. अजूनपर्यंत तरी काँग्रेसतर्फे किंवा सरकारतर्फे कोणी महत्त्वाच्या व्यक्तीने निवेदन दिलेलं पाहिलं नाही. कदाचित जे झालं ते फार महत्त्वाचं नाही असं दाखवायचा सरकारचा हेतू आहे का? पोलिसांनी जे निवेदन दिलं ते आणखीच हास्यास्पद आहे. म्हणे, रामदेव यांच्या जिवाला धोका आहे असं कळल्यामुळे पोलीस तिथे गेले. हे लोकांना इतके मूर्ख समजताहेत का? की आता शांततेने आंदोलन करणे आणि सरकारविरुद्ध निषेध व्यक्त करणे हेही आता गुन्हा या सदरात गणले जाते? एक गोष्ट प्रकर्षाने लक्षात येते की विरोधी पक्षांमधे फार दम नाही हे आताच्या सरकारला माहिती आहे, आणि सरकारच्या या कृतीविरोधात काही आंदोलन झालंच तर ते आपण मॅनेज करू शकतो असा आत्मविश्वास सरकारला आहे!

लाठीहल्ला मलाही पटला नाही.

याच धाग्यावर दुसर्या एका संस्थळावर प्रतिक्रिया देउन झाल्यामुळे आता इथे पुन्हा तेच टाईप करायचा कंटाळा आलाय. धागाकर्त्याशी सहमत आहे इतकंच म्हणेन.

इतक्या प्रकारच्या बातम्यांचे मोहोळ उठले आहे की नक्की काय झाले हे समजायला थोडा अवधी जाऊ देणे योग्य आहे असे वाटते. यातील ऐकलेली एक सर्वात घातक शक्यता अशी (संदर्भ: रविवारची सीएन्एन् आयबीएन् वरील विषेश चर्चा) की रविवारी पहाटे अतिउजव्या गटाचा हा रामदेवबाबाचा तंबु पेटवून देण्याचा मानस होता व त्यायोगे पुन्हा देशभर दंगल / गोंधळ माजवून ध्रुवीकरण करायचे असा 'प्लान' होता. याला कोणताही पुरावा त्या सदर व्यक्तीकडे नव्हता. (मात्र जेव्हा पोलिस आले होते तेव्हा मंडपाला बारीकशी आग लागल्याचीहि बातमी आहे, जी लगेच विझवण्यात आली. शिवाय पोलिसांबरोबर अनेक अग्निशामकांचे जवान, गाड्या पाठवण्यात आहे होते असेही वृत्त आहे) यात सत्य किती, वावड्या किती हे सरकार, गृहखाते जाणे. मात्र जर असा काहि धोका सरकारला कळला होता तरी सरकारने, गृहखात्याने याची कल्पना बाबाला दिली होती का? वगैरे अनेक प्रश्न उठतातच. प्रथमदर्शनी आंदोलन चिरडायची पद्धत, वेळ चुकीची वाटतेच त्याबरोबर पारदर्शकतेचा भयावह अभाव जाणवतो ज्यामुळे लोकांमधील संभ्रमाची व त्यायोगे व्य्वस्थेवरील अविश्वास वाढत जातोय हे घातक आहे असे वाटते. सरकारपक्षाने अजूनही त्यांची अधिकृत भुमिका मांडलेली नाही. गृहमंत्रालयाकडून प्रतिक्रीया येईपर्यंत माझे मत (जरी कोणी विचारत नसले तरी ;) )राखून ठेवत आहे

रामदेव बाबांवर झालेली कारवाई हा दडपशाहीचा उत्तम नमुना मानायला हवा. शांतपणे उपोषण करणार्‍यांवर ही कारवाई अयोग्यच आहे,आणि हीच कॉग्रेस म्हणते त्यांचा आदर्श महात्मा गांधी आहेत. ! रामदेव बांबांवर आता सरकार आरोप करते आहे की ते भ्रष्टाचारी आहेत...पण मग हे जर त्यांना अगोदर माहित होत तर त्यांचे स्वागत करायला कॉग्रेसचे मंत्री संत्री का गेले ? त्यांच्या बरोबर बैठकी का झाल्या ? स्वामीजी भ्रष्टाचारी आहेत याचा साक्षातकार किंवा आत्मज्ञात कॉग्रेस पक्षास कसे झाले ? जर स्वामीजींच्या सारख्या माणसावर ही वेळ सरकारने आणली तर सामान्य जनतेचे काय ? सरकारच्या या कॄतीचा मी निषेध करतो.

http://maharashtratimes.indiatimes.com/articlelist/3018780.cms ह्या लेखात बाबांना उपटसुंभ म्हटले आहे. भ्रष्टाचाराला विरोध करणार्‍यासाठी खालील भाषा वापरली आहे . सरकार कमजोर असले की, रामदेवांसारख्या उपटसुभांचे फावते. म्हातारी मेल्याचे दु:ख नाही, काळ सोकावतो, त्याची चिंता आहे. खर तर वरील म्हण राजकारण्यासाठी ज्यास्त चपखल आहे . ह्या राजकाण्याना वेळीच न ठेचल्याने ते सोकावले आहेत आणि वरील महाशय सरकारची बाजु घेत आहेत. ते लेखात असेही म्हणतात की परदेशातील काळी संपत्ती बाबांच्या उपोषणामुळे परत येणार नाही, सरकारलाच त्यासाठी प्रयत्न करावे लागतील. व्यवस्थेत परिवर्तन घडवणे, कपालभारती अथवा प्राणायम करण्याइतके सोपे नाही, हे बाबांना कोण समजावून सांगणार? सरकारलाच प्रयत्न करावे लागतील .... पण जर सरकार ह्या बाबतीत निष्क्रिय असेल तर काय करायचे.. व्यवस्थेत परिवर्तन घडवणे, कपालभारती अथवा प्राणायम करण्याइतके सोपे नाही...... अगदी बरोबर, भ्रष्टाचार करणे , काळा पैसा निर्माण करणे तो परदेशी बँकात जमा करणे हे तर त्याहुन सोपे आहे

व्यक्तीशहा मला बाबा रामदेव जरा इममॅच्युअर वाटतात. पण त्यांनी भ्रष्टाचारा विरुद्ध मोहीम काढली हे चांगले होते. सगळ्यात महत्वाचे म्हणजे बाबा कोणताही धाकधपटशहा करत नव्हता. सरकारनेत्याच्या वर रात्री कारवाई करुन उधळून लावले हे दुटप्पी पणाचे खास उदाहरण झाले. अरुंधती रॉय व गिलानी सगळी कडे जाऊन कश्मिर हा भारताचा भाग का नाही होऊ शकत असे बोंबलत आहेत त्यांच्या विरुद्ध सरकार काही करत नाही. राहूल गांधी मायावतीवर का उखडले माहीत नाही त्यांच्या पक्षाने हेच केले की. ह्या गोष्टीवरुन काँग्रेसची मानसिकता कळते.

ज्या प्रकारे रामदेवांच्या उपोषणाची हवा निर्माण केली जात होती, ज्याप्रकारे हजारो माणसे अधिकृतरीत्या एकत्र येण्यासाठी क्लृप्त्या लढवल्या जात होत्या,(योगशिबिराच्य नावाखाली विशाल मैदान बुक करून ठेवणे, हजारो माणसे ए.सी. वगैरेसह आरामात राहू शकतील असे आलीशान तंबू उभारणे,) ज्याप्रकारे नको त्या व्यक्ती व्यासपीठावर अचानक प्रगटू लागल्या होत्या त्यावरून बाबरीविद्ध्वंसपूर्व वातावरणाकडेच जाणारी ही पावले आहेत अशी शंका मनात उद्भवू लागली होती. त्यावेळीही,असाच जमाव जमवला जात होता,अशीच आश्वासने (कोर्टासमक्ष) देऊन मोडली गेली होती,केंद्रसरकारला असाच कात्रजचा घाट दाखवला गेला होता.त्यावेळी केंद्र सरकार गाफील आणि निष्क्रिय राहिले. यावेळी मात्र त्वरित कृती केली गेली.रामदेवांना 'रॉ' च्या खास विमानात बसवून संभाव्य हिंसास्थानापासून दूर नेले गेले हे योग्यच झाले. काही हजारांवर लाठीमाराची पाळी येण्यापेक्षा काही शेकड्यांवर भागले ही त्यातल्या त्यात समाधानाची गोष्ट.

कोण ती म्हणे सोनिया गांधि इटलीची तीला काय पडलय इंडियाचे....................

गडबड आहे खरी. परंतू, मला गंमत वाटतेय ती दुसर्‍याच गोष्टीची. जो माणूस, काहीतरी विधायक कार्य करायचा प्रयत्न करतोय, (मग भले त्यात त्याचा हिडन अजेंडा का असेना) तर त्या कामात बिब्बा घातलाच पाहिजे. राजकारण्यांची रखेल बनलेली प्रसारमाध्यमं जे ओकतील त्यावर निर्बुध्दपणे माना डोलावल्याच पाहिजेत, अडचणीत येणार्‍या भ्रष्टाचारी सरकार आणि त्याच्या नोकरशाहीच्या दडपशाही आणि अंदाधुंद कारभाराला प्रत्यक्ष वा अप्रत्यक्षरित्या मदत केलीच पाहिजे, आणि सर्वात महत्वाचं म्हणजे असं काही विधायक काम करण्याची काहीशी का होईना इच्छा असलेला मनुष्य प्रयत्न करु लागला रे लागला, की ताबडतोब त्याचं खच्चीकरण केलंच पाहिजे ह्या हस्तीदंती मनोर्‍यातील विचारांना कुरवाळणार्‍या 'मला काय त्याचं?' ह्या नवउच्चमध्यमवर्गिय मानसिकतेचं जे जाहीर प्रदर्शन दिसतंय त्याचं काय? हे सगळेच तर उभा देश मातीत घालायला निघालेत की. *(हिडन अजेंड्याबद्दलचं वैयक्तिक मतः आजच्या घडीला कोण माईचा लाल आहे उभ्या १००कोटीच्या ह्या देशात, की जो स्वत:च्या हिडन अजेंड्याविना काम करतोय? मग त्यातल्या त्यात जरा बरं असलेलं जरी दिसलं तरी त्याची बाजू काळीकुट्ट ठरवण्यातून लोकांना काय आसूरी आनंद मिळतो कोण जाणे. )

कोण रामदेवबाबा ?

पोलिसांची कार्यवाही दुर्दैवी पण, कार्यवाहीशिवाय पर्याय नव्हता- इति पंतप्रधान. सलवार कपडे घालून बाबा पळून गेले. अहिंसेची पुजारी आणि स्वांतत्र्यसैनिक असे कुठे पळून जात असतात काय. आम्ही बाबांच्या सर्व मागण्या मान्य केल्या होत्या पण बाबांनी दिलेले वचन पाळले नाही. काँग्रेसचे द्विवेदीवर चप्पल फेकून मारली यामागे भाजप, आरएसएस वगैरे आणि इतर कारणामूळे मूळ आंदोलनातील सर्व मुद्दे आपोआप दूर राहीले आहेत. आपण शांतपणे आहे ते स्वीकारण्यास तयार राहीले पाहिजे मागच्या पानावरुन पुढे. देशाचा कारभार अगदी व्यवस्थित चालू आहे.:) -दिलीप बिरुटे

काय पेटलंय एकेक पब्लिक :) इथे कोणी पेड लेखक नसल्यामुळे सगळी माहिती अंत:करणातुन आली असावी ह्यावर विश्वास आहे . तरीही .. श्री थत्ते यांचे काँग्रेसकृती वर मत ऐकण्यास उस्तुक :) बाबा कामदेव

सर्वोच्च न्यायालयाने या सर्व प्रकरणाचा गांभिर्याने विचार करत syo moto (स्वदखल) नोटीस केंद्रावर बजावली आहे...

४ तारखेला म्हणे त्या मंडपात कोणीतरी भ्रष्टाचाराच्या मुद्यावरून आत्मदहन करण्याचा प्रयत्न केला, त्या व्यक्तिला फारशी काही इजा झाली नाही. पण झाली असती किंवा इतर लोकांनीही असं काही करायला सुरूवात केली असती तर दंगे पेटले असते असं टिव्हीवर एकजण ( पहिला काँग्रेसचा प्रतिनिधी ज्यानं निवेदन दिलं) म्हटले..., असं सगळं वेळीच आटोक्यात आणण्यासाठी पोलिस कारवाइ करण्यात आली. पण ही आत्मदहनाच्या प्रयत्न करण्याची बातमी काही सापडत नाहीये आता बाबांचे पट्टशिष्य आचार्य बाळ्कृष्ण काल पहाटेपासून बेपत्ता आहेत, यांनीच सरकार बरोबर सगळ्या वाटाघाटी केल्या होत्या. आता ते एक सरावलेले नेपाळी गुंड आहेत अशा बातम्या येतायत :)

परत एकदा म्हणावे का - "सरकारचे डोके ठिकाणावर आहे का?">> या सरकारच्या कार्यकाळात हे असे म्हणण्याची वेळ बरेचदा सामान्य जनतेवर आलेली आहे, आता खरे तर हेच विचारण्याची वेळ आली आहे की, "सरकारला डोके तरी आहे का?"

..

एक खुप सोप्पा उपाय आहे. सरकारनी एक समीती नेमावि, तिच्याकडुन सगळ्या भारतीयान्ना एका कार्डात (जसे ते आधार कार्ड वगेरे दिले जात आहे त्यात) 'तो मानुस प्रामानीक आहे का नाही (Yes/No)' याचि तपासनि करुन त्यात नोन्द करावी. जर तो मानुस प्रामानीक असेल तर त्यालाच आन्दोलन करता येइल, आन्दोलनात भाग घेता येईल आनि त्याहुन महत्वाचे त्यालाच मतदान करता येईल. जो प्रामानीक नसेल म्हंजे ज्याच्या कडे असे कार्ड नसेल तो अप्रामानीक समजला जाईल. त्याला आन्दोलन करता येनार नाही, त्यात भाग घेता येनार नाही. मतदानात करता येनार नाही.(नाहीतरि जो प्रामानीक नाही त्याला मतदानाचा हक्क तरी कशाला, नाही का ?) मंग सगळे प्रामानीक लोकंच आन्दोलन करतील, मतदान करतील. भारत एकदम सुखि होईल.

बाबा॑चे मुद्दे व त्यानिउभे केलेले प्रश्न्न सर्वसामान्य जनतेस पट्णारे होते म्हणुनच येव्हड्या मोठ्या प्रमाणात जनतेचा पाठि॑बा मिळाल्यचे पहिले. सरकारची पोलिसी कारवा‍ई नपट्णारीच होती. त्यासाठि सरकारचा धिक्कार विनित

असे बघा गवि, अण्णा म्हणा किंवा बाबा म्हणा मोठ्या धेंडाच्या मागे लागले आहेत कारण ते आकडे डोळे दिपवणारेच काय संवेदना बधीर करणारे आहेत. आकडा जेवढा मोठा तेवढे आंदोलन मोठे हवेच. आपल्यासारखे सामान्य लोक काळा पैसा तयार करत असतातच असे तुम्ही म्हणता हे ही मान्य. हे बंद झाले पाहिजे हे ही मान्य. पण आता काही मूळ मुद्दे लक्षात घ्या. ज्या लोकांविरुद्ध हे आंदोलन चालु आहे त्यांनी अनिष्ट मार्गाने प्रचंड काळा पैसा उभारला आहे. अर्थात त्यावर काहीही कर भरलेला नाही. हा काळा पैसा आला कुठुन तर २ मार्गांनी: १. सामान्य माणसाने भरलेल्या करातुन किंवा इतर प्रकारच्या करातुन या लोकांनी भ्रष्टाचार करुन स्वतःच्या तुंबड्या भरल्या किंवा २. सामान्य माणसाकडुन लाच स्वरुपात मिळवला. दोन्ही बाबतीत राजकारणी श्रीमंत झाले आणि प्रत्यक्ष अथवा अप्रत्यक्ष स्वरुपात सामान्य माणूस लुबाडला गेला म्हणजेच गरीब झाला. हा पडला प्रत्यक्ष मार. आता राजकारण्यांनी जो काळा पैसा जमवला त्यातुन फक्त तेच श्रीमंत झाले. देश कामासाठी पैसा कुठुन आणणार? मग काय झाले तर कर वाढले. प्रत्यक्ष - अप्रत्यक्ष कर वाढले ज्यातुन प्रत्यक्ष - अप्रत्यक्ष फायदा सामान्य माणसाला फारसा काहीच नाही. कारण कर स्वरुपात गोळा होणारा पैसा त्या प्रमाणात समाजकार्यासाठी वापरलाच गेला नाही. हा पडला सामान्य माणसाला पहिला अप्रत्यक्ष मार. या सगळ्या लाचखोरीत कंत्राटे मिळवण्यासाठी व्यावसायिकांनी प्रचंड प्रमाणात लाच दिली. त्यांचा खर्च झाला. मग तो पैसा ते कुठुन मिळवणार? किंमती वाढवुन. म्हणजे महागाई वाढली. थोडक्यात जी गोष्ट क्ष रुपयांना मिळणे अपेक्षित होते तीच काही मुठव्हर लोकांना अमाप पैसा खाल्ला म्हणुन क्ष + य रुपयांना मिळायला लागली. हा पडला दुसरा अप्रत्यक्ष मार. थोडक्यात जे श्रम सामान्या माणूस करतो आणि त्यातुन जो मोबदला मिळतो त्यात ज्या प्रकारचे राहणीमान त्याला परवडले पाहिजे ते परवडत नाही. जर हा माणूस नौकरदार असेल तर त्याच्याकडे काहीच उपाय नसतो. कारण त्याला पैसे खाण्याच्या संधी नसतात (किमान खाजगी नौकरीत तरी नाही) आणि उत्पन्नावरील कर ही बुडवता येत नाही कारण तो पगारातुन परस्पर कापला जातो. मग तो पैसे वाचवतो अश्या छोट्या मोठ्या उद्योगातुन. त्यातुन फारसा फायदा होत नाही. पण त्याकडे लक्ष देण्याची फारशी कोणाला गरजही वाटत नाही कारण त्याकडे लक्ष देउन वेळ, पैसा आणि साधनसंपत्ती खर्च करावी एवढा तो जास्त नसतोच. वरच्या पातळीवरचा भयानक भ्रष्टाचार थंडावला की लोकांची ही जी प्रत्यक्ष - अप्रत्यक्ष पिळवणुक चालली आहे ती आपोआप थांबेल. आज ज्या गोष्टीसाठी १० रुपये खर्च करायला लागत आहेत त्यासाठी ५ च रुपये खर्च करायला लागले की हा भ्र्ष्टाचार कमी होइलच. त्यामुळे त्यासाठी वेगळे आंदोलन करायची गरज नाही

लोकपाल विधेयकाचा मसुदा http://www.lokpalbillconsultation.org/ आहे, पब्लिक कंसल्टेशनचा पर्याय आहे, वाचून आपापली मते नोंदवता येतिल.

रामदेव बाबांचे आंदोलन ज्या पद्धतीने मोडून काढले तशाच पद्धतीने टेल्को कामगारानी ( नायर) केलेले एक आंदोलन त्यावेळच्या मुख्यमंत्र्याच्या सहाय्याने असेच चिरडून काढण्यात आले होते. त्यावेळेस कोणीच निषेधाचे सुर काढले नाहीत.

या संपुर्ण घडामोडींदरम्यान (अण्णा हजारेंचं आंदोलन, आताचं बाबा रामदेव यांचं आंदोलन आणि त्या आंदोलनाला चिरडण्याचा झालेला प्रयत्न आणि त्या नंतरच्या घडामोडी) एक गोष्ट जी बर्‍याच लोकांच्या नजरेतून सुटली परंतू ज्यांच्या लक्षात आली आणि त्या मुळे झालेला एक मोठा अपेक्षाभंग तो म्हणजे, देशाला समर्थ नेतृत्व देउ शकणारा, या देशाच्या प्रगतीला, राजकारणाला एक चांगली दिशा देउ शकणारा, एका जुन्या राजकीय पक्षाला मजबूत नेतृत्व देउ शकणारा, भविष्यात प्रधानमंत्रि होउ पाहणार्‍या ज्या व्यक्तीकडे देशातील एक मोठा भाग, एक मोठा समाज मोठ्या आशेने बघत होता ती व्यक्ती म्हणजे राहूल गांधी कुठेच दिसली नाही. अचानक हवेत गायब झाल्या सारखी ही व्यक्ती अदृष्य झाली म्हणजे जेव्हा कॉंग्रेस पक्षाला, कॉंग्रेस सरकारला सक्षम नेतृत्वाची, लढवय्या नेत्याची, समजूतदारपणा असलेली तसेच भान सुटलेल्या आणि जिभेवरचा ताबा सुटलेल्या, सत्तेचा नशा चढलेल्या, सत्ता हातातून जाणार ही भिती असलेल्या पक्षातील नेत्यांना आवरण्याची, सावरण्याची ताकद असलेला नेता हवा होता/आहे अश्या वेळेस ही व्यक्ती कुठेच समोर दिसत नाहिय आणि पराकोटीचा अहंकार असलेली, पक्षाला जनतेपासून दुर घेउन जाणारी, वास्तव्य स्विकारण्याची तयारी नसलेली नेते मंडळीच काय ती दिसत आहेत. काय ही व्यक्ती खरोखरच एका जुन्या राजकिय पक्षाला, या देशाला समर्थ नेतृत्त्व देउ शकणार?

त्यामुळे मला खात्री आहे की राहुलजींना मनातून आणि मनापासून रामदेवबाबांबद्दल कणवच वाटत असणार.. हे वाक्य अगदीच मनाला स्पर्श करुन गेले.