गप बसायचं ठवरलंय !

सदरील पाणीपुरीवाला पाणीपुरीसाठी त्या पाण्याचा वापर करत नव्हता. (बातमीवरुन)

त्या परिस्थितीत:

ठाण्यात नौपाडा येथील परप्रांतीय पाणीपुरीवाला त्याच्या ठेल्याजवळच लोट्यात लघुशंका करून, त्याच लोट्याचा वापर खवय्यांना पाणी देण्यासाठी करीत असल्याचा किळसवाणा प्रकार दोन दिवसांपूर्वी उघडकीस आला. ('सकाळ'मधल्या बातमीतले वाक्य.)

ठाण्यातील एका परप्रांतीय पाणीपुरीविक्रेत्याने आपण कसे बारा गावचे पाणी प्यायलो आहोत हे एका अनोख्या पद्धतीने समजावयाचा प्रयत्न केला! पाणीपुरीत मानवनिर्मित पाणी घालायची नापाक पाकक्रिया (बहुधा) पहिल्यांदाच ऐकली. (या लेखातील वाक्ये.)

ही वाक्ये केवळ टंकलेखनाचा सराव करण्याकरिता घातलेली असतीलही कदाचित.

स्वच्छतागृहाची जवळ कुठे सोय नसल्यामुळे किंवा वेळ नसल्यामुळे तांब्याचा वापर सु-साठीच करत असावा हे स्पष्ट दिसत आहे.

व्हिडियो पुन्हा एकदा नीट पाहिला. समजा, आपण म्हणता तसे धरून चालू. जवळपास जर स्वच्छतागृहाची सोय नसेल - सार्वजनिक बांधकाम खाते याची दखल घेईल काय? - तर अडल्या वेळेस बाकी काहीही न सुचून आपण म्हणता तसे त्याने हा उपाय अमलात आणला असू शकेलही. (अर्थात, "प्रत्यक्ष" पुराव्याविना ही केवळ अटकळच होऊ शकते, पण तरीही तूर्तास ग्राह्य धरू.) ("शुभकार्या"करिता नव्हे, तर "कार्यसिद्धी" झाल्यावर टेबलाखालीच

केवळ

हात धुण्यासाठीही तांब्याचा वापर केलेला असू शकतो, अशी एक शंका व्हिडियो पाहिल्यावर येते. पण तीही तूर्तास सोडून देऊ.) पण, (महत्त्वाचा मुद्दा), त्यानंतर त्याने त्या तांब्याचे पुढे नेमके काय केले, याबाबत व्हिडियोत काहीही दाखवलेले नाही. सबब, तो(च) तांब्या या विक्रेत्याने खाद्यासंबंधी कोणत्याही गोष्टीसाठी वापरला, याला काहीही पुरावा नाही. तेच "पाणी" पाणीपुरीसाठी वापरले वगैरे ही तर खूप पुढची शक्यता. असला "पुरावा" कुठल्याही कोर्टात कितपत टिकेल याबाबत साशंक आहे. नाही म्हणजे, नाइलाजाने का होईना, पण त्या विक्रेत्याने आपल्या खाद्यविक्रीच्या टेबलाजवळच लघुशंका केली (असल्यास) ही बाब घृणास्पद आहेच. त्याचे कुठल्याही प्रकारे समर्थन करायचे नाही. पण खाद्यविक्रीच्या टेबलाजवळ लघुशंका करणे आणि तेच "पाणी" कच्चा माल म्हणून वापरणे यात भला मोठा फरक आहे, आणि पैकी दुसरे कृत्य केलेले असण्याचा काहीही पुरावा नाही (किंवा असल्यास निदान या व्हिडियोवरून तरी तो स्पष्ट होत नाही). सबब, अशा निष्कर्षाला काहीही आधार नाही, हा ताणलेल्या कल्पनाशक्तीचा आविष्कार आहे, आणि अशा निष्कर्षाच्या आधारावर मारहाण नि नासधूस हा (दुर्दैवी नसता तर) हास्यास्पद म्हणण्यासारखा प्रकार आहे. (तसेही कोणत्याही कारणाकरिता मारहाण नि नासधूस यांचे समर्थन होऊ शकत नाही.) बाकी, अशा अतिरंजित "बातम्यां"वर ज्या प्रकारे, ज्या स्केलवर आणि ज्या सहजतेने विश्वास ठेवला जातो, आणि त्यावरून काहीही करण्याकडे कल दिसतो, त्यावरून देशात ठिकठिकाणी होणार्‍या खळबळजनक घटनांबद्दलच्या लोकप्रिय कानगोष्टींच्या विश्वासार्हतेबद्दल शंका उत्पन्न होते.

कै च्या कैच. मुलगी कशावरुन बनेल वाटते ? (बनेल पणाची काही लक्षणे ?)

आम्हाला वाटली. काही हरकत? बाकी "भय्याने सर्वांना पाणी पाजले" याला काही पुरावा लागत नाही. त्यावरून मारहाण, तोडफोड करायला काही पुरावा लागत नाही. "मुलगी बनेल वाटते"ला का लागावा? आम्हाला वाटली, बास. मामला खतम. (गंभीरपणे उत्तर द्यायचे झाले, तर हा सगळा इन्स्टंट प्रसिद्धीचा स्टंट वाटतो, बाकी काही नाही. म्हणून 'बनेल वाटते' असे म्हटले. 'वाटते' म्हणजे 'असलीच पाहिजे' असे नाही. 'असल्यास आश्चर्य वाटणार नाही', इतकेच.)

मस्तं प्रतिसाद ननि.

जबरदस्त प्रतिसाद, आवडला - सूर्य.

+ १

सहमत आहे.

आमच्या लहानपणी मित्र मित्र खेळत असतांना मधेच पादल्याचा वास यायचा. जो पादला असायचा तोच सगळ्यात पहिले मी नाही असे डिक्लेअर करायचा. माझ्या प्रतिसादाला पहिलाच प्रतिसाद श्री थत्त्यांचा आलेला पाहून ती गोष्ट अचानक आठवली.

पोलिसात द्यायचा प्रश्नच नाय येत. पोलिसांच्या लपड्यात आपन पडत नाय. हां फोटो काडला नाय अणि रेकार्डींग केलं नाय हे तिथल्या लोकांनी चूकच केलं. तसं केलं असतं तर पंढरपुरच्या देवळातल्या सगळ्या बडव्यांना मारून झोडून पळवून लावता आलं असत. कुटली तरी संघटना बडवे हटावचं आंदोलन करते त्यांना बी हे सुचलं नाय. आता त्यांनी राजसायबांचं नेतृत्व स्विकारावं म्हनजे कोल्हापूरनंतर आता पुढचा कार्यक्रम पंढरपूरचाच घेऊ.