Skip to main content

अनंताचा खेळ..

लेखक प्राजु यांनी सोमवार, 21/12/2009 या दिवशी प्रकाशित केले.
गेला रूसुनिया | कातर सांजेला | तेजाचा तो गोळा | लालबुंद || कललेली सांज | चढणारी रात | सोडुनिया साथ | रवी गेला || कुशित तमाच्या | नक्षत्रे सहस्र | नांदती एकत्र | चांदवर्खी || शशीबिंब नभी | लोभस देखणे | धरेचे लाजणे | पाहून ते || चंदेरी ही रात | सावळा शृंगार | क्षितिजाच्या पार | रवी पाही || वितळला राग | सोडी अहंकारा | मागतो किनारा | नभाकडे || भिजली पहाट | त्याच्या आसवांत | झाली वाटाघाट | चंद्रासवे || चांद परतूनी | रवीबिंब आले | क्षितिज रंगले | केशरात || रोजचाच घोळ | नाही ताळमेळ | अनंताचा खेळ | चालू राही || - प्राजु
लेखनविषय:
वाचने 5981
प्रतिक्रिया 20

प्रतिक्रिया

चतुरंग सोमवार, 21/12/2009
छान छंदोबद्ध रचना! (आमची दुसरी दाद इथे आहेच! ;) ) चतुरंग

मदनबाण सोमवार, 21/12/2009
सुंदर... :) मदनबाण..... Love is life. And if you miss love, you miss life. Leo Buscaglia

jaypal सोमवार, 21/12/2009
प्राजुजी नेहमी प्रमाणेच छान झालीय कविता. *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

अनामिक सोमवार, 21/12/2009
आवडली कविता. -अनामिक

दशानन सोमवार, 21/12/2009
प्राजु, नेहमी प्रमाणेच सुरेख कविता आवडली. :) आजकाल शांत झाला आहात तुम्ही का बरे ? ***** राज जैन, सध्या नर्‍हे, पुणे येथे मुक्काम

रेवती मंगळवार, 22/12/2009
चांगली कविता! डोळ्यासमोर संध्याकाळ आली. बाकी आम्ही छंदाच्या फंदात पडत नाही म्हणून काय झालं? कविता आवडली. रेवती

पाषाणभेद मंगळवार, 22/12/2009
ज ब र द स्त अभंग रचना. ------------------------ The universal symbol for diabetes डायबेटीस विरुद्ध लढा पासानभेद बिहारी - मराठीचा पुरस्कार करी

llपुण्याचे पेशवेll मंगळवार, 22/12/2009
खरोखर फार सुंदर जमलिये कविता. पुण्याचे पेशवे आम्ही हल्ली सहीत वाक्यं लिहिणं बंद केले आहे. Since 1984

३_१४ विक्षिप्त अदिती मंगळवार, 22/12/2009
प्राजु, कविता आवडली. अदिती

sneharani मंगळवार, 22/12/2009
कविता सूंदर झालीये!

प्रा.डॉ.दिलीप बिरुटे गुरुवार, 24/12/2009
आवडली कविता. -दिलीप बिरुटे

प्राजु गुरुवार, 24/12/2009
आदिती, स्नेहाराणी, प्रा. डॉ. मनापासून आभार. - प्राजक्ता http://www.praaju.com/

सौरभ.बोंगाळे गुरुवार, 24/12/2009
फार फार सुरेख... :X

हर्षद आनंदी शुक्रवार, 25/12/2009
मस्त वर्णन आहे चंदेरी ही रात | सावळा शृंगार | क्षितिजाच्या पार | रवी पाही || वितळला राग | सोडी अहंकारा | मागतो किनारा | नभाकडे || भिजली पहाट | त्याच्या आसवांत | झाली वाटाघाट | चंद्रासवे || ईथे कविता वादातीत उंची गाठते.. दवबिंदुंना आसवाचे रुप देण्याची कल्पना उच्चच !!! आम्ही हिंदूत्ववादी !! आमची शाखा कुठेही नाही..

प्राजु शुक्रवार, 25/12/2009
सौरभ, हर्षद आनंदी आपले मनापासून आभार. - प्राजक्ता http://www.praaju.com/

अविनाशकुलकर्णी शनिवार, 26/12/2009
चांद परतूनी | रवीबिंब आले | क्षितिज रंगले | केशरात || शब्द लावण्य मोह घालते

अवलिया सोमवार, 28/12/2009
माननीय प्राजुजी छान छंदोबद्ध रचना! आवडली ! :) --अवलिया