सळसळणार्‍या फांद्यांवरती शेंगा फिक्क्ट सोनेरी

ॐकार जे न देखे रवी...
सळसळणार्‍या फांद्यांवरती शेंगा फिक्क्ट सोनेरी नायलॉनच्या दोर्‍यांवरती वाळत पडली पोतेरी कसा बुडाला पलीकडे तो निर्देशांकाचा गोळा? पैसे गेले, अपचन झाले , लागतही नाही डोळा पुण्यभूवरी रस्त्यांवरती फलक लागले कसे झणी! कर्जमाफीच्या लोण्यामध्ये मिश्या बुडवल्या कुणीकुणी! तरला तरला पाण्यावरती! पहा मुखवटा चंदेरी! साबण मागत फिरणार्‍यांची पहा उडाली भंबेरी! प्रदेश आले , जाती आल्या, रंग, पंथ अन भाषाही भोग - तेवढा धर्म एकटा! धर्म दुजा कुठला नाही! निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा
25 टिप्पण्या 9,949 दृश्ये

Comments

धमाल मुलगा नवीन

आईशप्पथ... ॐकार मस्तच. आपल्याला ते गण, आणि त्याचे मीटर, काना-मात्रा इ.इ. गोत वगैरे काही कळत नाही पण जे काही लिहिल॑य...पार भिडल॑ बॉ... मारल॑स रे मित्रा....
बेसनलाडू नवीन

नेहमीसारखीच दमदार, गेय कविता. सळसळणार्‍या फांद्यांवरती शेंगा फिक्क्ट सोनेरी नायलॉनच्या दोर्‍यांवरती वाळत पडली पोतेरी कसा बुडाला पलीकडे तो निर्देशांकाचा गोळा? पैसे गेले, अपचन झाले , लागतही नाही डोळा कर्जमाफीच्या लोण्यामध्ये मिश्या बुडवल्या कुणीकुणी! निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा हे फारच आवडले. (आस्वादक)बेसनलाडू
आजानुकर्ण नवीन

जबरा रचना ॐकारशेठ. फार आवडली. बेसनलाडूसाहेबांशी सहमत. (सहमत) आजानुकर्ण
केशवसुमार नवीन

ॐकारशेठ, एकदम जबर्दस्त रचना.. मान गये उस्ताद.. एक से एक व्दिपदी.. केशवसुमार.
आनंदयात्री नवीन

साध्या सोप्या रोजच्या वापरातील शब्दांचा मस्त वापर. आवडली. कसा बुडाला पलीकडे तो निर्देशांकाचा गोळा? पैसे गेले, अपचन झाले , लागतही नाही डोळा हेच हेच म्हणतो.
धनंजय नवीन

सर्व संदर्भ लागले नाहीत :-( (माझा कमकुवतपणा) पण जितके संदर्भ लागले, जोरकस हिसका देणारे शब्द जाणवले. :-)
विसोबा खेचर नवीन

ॐकारशेठ, लै म्हन्जे लैच भारी कविता राव! पुण्यभूवरी रस्त्यांवरती फलक लागले कसे झणी! कर्जमाफीच्या लोण्यामध्ये मिश्या बुडवल्या कुणीकुणी! वरील ओळी केवळ खल्लास...!! बा नीलहंसा, बर्‍याच दिवसांनी तुझी जबरा कविता वाचायला मिळाली! आपला, (आनंदीत!) तात्या.
चित्तरंजन भट नवीन

सळसळणार्‍या फांद्यांवरती शेंगा फिक्क्ट सोनेरी नायलॉनच्या दोर्‍यांवरती वाळत पडली पोतेरी वा ओंकार! एकंदर कविता उत्तम झाली आहे!!!!
नंदन नवीन

कविता आवडली, मात्र पहिल्या कडव्यातले संदर्भ नीट समजले नाहीत. निलाजरा मी ए.सी.मध्ये बसून कविता करणारा -- हे वाचून तुझीच 'पांढरपेशी कविता' आठवली.

नंदन
मराठी साहित्यविषयक अनुदिनी

विजुभाऊ नवीन

निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा ही ओळ शिव्या बोलतो भणंग त्याना रस्त्यांवरती फिरणारा...... बरी वाटेल
धम्मकलाडू नवीन

विजूभाऊ, बदल सुचवताहात की चांगल्या कवितेचं भजं करताहात? 'मी' आणि 'त्याना' या दोघांचं कसं जमणार. धम्मकलाडू "तुझं वाचन किती? तू बोलतोयस किती?" "तुझा पगार किती? तू बोलतोयस किती?"
विजुभाऊ नवीन

माझा पगार मी अजुन माझ्या बायकोलासुद्धा सांगितला नाही.( बहुधा त्य्य्मुळेच मीघरात मला कमी बोलायला मिळते) आपला घरात कमी बोलणारा...विजुभाऊ
सुवर्णमयी नवीन

ॐकार, पुण्यभूवरी रस्त्यांवरती फलक लागले कसे झणी! कर्जमाफीच्या लोण्यामध्ये मिश्या बुडवल्या कुणीकुणी! तरला तरला पाण्यावरती! पहा मुखवटा चंदेरी! साबण मागत फिरणार्‍यांची पहा उडाली भंबेरी! प्रदेश आले , जाती आल्या, रंग, पंथ अन भाषाही भोग - तेवढा धर्म एकटा! धर्म दुजा कुठला नाही! निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा या ओळी एकदम दमदार! कविता खूप आवडली. सोनाली
ब्रिटिश टिंग्या नवीन

निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा हे आवडलं ;) लगे रहो..... - छोटी टिंगी
चतुरंग नवीन

तरला तरला पाण्यावरती! पहा मुखवटा चंदेरी! साबण मागत फिरणार्‍यांची पहा उडाली भंबेरी! ह्याचा संदर्भ मात्र मला लागला नाही - सध्याच्या सर्व बातम्या माहीत नसल्यामुळे असेल.. चतुरंग
कोलबेर नवीन

संदर्भ मलाही लागला नाही.. कवीने थोडे रसग्रहण दिल्यास समजायला सोपे जाईल. मागे धनंजयने एकदा असेच समजावुन सांगीतले होते ते आवडले होते!
नंदन नवीन

चोरीला गेलेला मुखवटा इंद्रायणीच्या पात्रात सोडून दिलेला आढळला, त्याचा हा संदर्भ असावा.

नंदन
मराठी साहित्यविषयक अनुदिनी