सळसळणार्‍या फांद्यांवरती शेंगा फिक्क्ट सोनेरी नायलॉनच्या दोर्‍यांवरती वाळत पडली पोतेरी कसा बुडाला पलीकडे तो निर्देशांकाचा गोळा? पैसे गेले, अपचन झाले , लागतही नाही डोळा पुण्यभूवरी रस्त्यांवरती फलक लागले कसे झणी! कर्जमाफीच्या लोण्यामध्ये मिश्या बुडवल्या कुणीकुणी! तरला तरला पाण्यावरती! पहा मुखवटा चंदेरी! साबण मागत फिरणार्‍यांची पहा उडाली भंबेरी! प्रदेश आले , जाती आल्या, रंग, पंथ अन भाषाही भोग - तेवढा धर्म एकटा! धर्म दुजा कुठला नाही! निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा