खरंच आहे.. "असा इस्लाम आम्हाला कबूल आहेच आहे. " :) - (सर्वव्यापी)प्राजु http://praaju.blogspot.com/

आज सकाळीच अग्रलेख वाचला, बर्‍यापैकी आवडला ... पण आता विकासरावांचा लेख वाचुन "त्यांना" नक्की काय म्हणायचे हे समजले नाही ... इथे "अश्या इस्लाम"वर चर्चा अपेक्षीत आहे का ? का आपण फक्त बाळासाहेब काय म्हणतात हे मिपाकरांना सांगु इच्छिता ? बाकी हा लेख "जनातलं मनातलं" मध्ये आल्याने चर्चा/काथ्याकुट अपेक्षीत नाही हे ओघाने आलेच ... माझे मत : काझी महाशयांच्या हकालपट्टीमागे जे "इस्लामला अमान्य" चे कारण दिले आहे ते प्रथमदर्शनी आकर्षक आणि कौतुक करण्याजोगे वाटते. हे पाऊल नक्कीच स्वागतार्ह्य आहे ... पण इथे "इस्लामचा" संबंध कुठे आला हे माझ्या अल्पमतीस समजले नाही, देशावर उठलेल्या कसाबचे संरक्षण करायला जर कोणी उठत असेल तर त्याला विरोध करताना आपण "राष्ट्रभक्ती" पाहणार की "धर्माची चौकट" ??? "इस्लामला अमान्य" आह एम्हणुन हकालपट्टी हे काही पटाले नाही, राष्ट्र आधी की इस्लाम ? निदान जेव्हा ही घोषणा करण्यात आली तेव्हा ह्या मुद्द्यांचा आधारे मत मांडले गेले असते बरे वाटले असते, इथे "धर्म" कशाला मध्ये आणला हे अनाकलनीय आणि अस्विकॄत आहे. चालायचेच, त्याशिवाय पब्लिसिटी कशी होणार म्हणा ... आम्ही निर्णयाचे स्वागत करतो पण ह्या मागे "इस्लामला अमान्य" हे कारण देण्यात आले आहे ते आम्हाला अमान्य आहे ... बाकी सामनाच्या लेखाचे आश्चर्य वाटले नाही, त्यांची तशी लिखाणाची पद्धत आहे ... मात्र ह्या निमीत्ताने "कटुता" मिटत असेल तर आम्हाला आनंद होईल, मात्र इथे "धर्म" हा मुद्दा कुठेच येत नाही असे आमचे स्पष्ट मत असल्याने आमच्या मते " हा इस्लाम आम्हाला मान्य" असे लिहण्याची आवश्यकता नव्हती. ही धर्माची अत्यंत संकुचीत व्याख्या झाली .... जसे कट्टरपंथी सोईसाठी धर्म वाकवतात तसाच आपणही धर्माचा सोईस्कर अर्थ काढायला लागलो की काय ??? असो. ------ ( आधी राष्ट्र आनि मग धर्म मानणारा ) छोटा डॉन एखादा "प्रण अथवा रिझॉल्युशन" म्हणजे काय ? जास्त काही नाही, मस्त गाजावाजा करुन ८ दिवसातच पहिली पाने पंचावन्न करणे. आता आमचा "लेखन न करण्याच्या" प्रतिज्ञेचेच पहा ना ... ;)

ह्या कसाबने आधी लोकांचा जीव घेतला, दहशत निर्माण केली. आणी आता लोकांचा वेळ आणी डोके खात आहे. कसाबशी प्रत्यक्ष/अप्रत्यक्ष संबंध असलेला हा ७वा धागा असावा. कसाबचे भांडवल अजुन्किती दिवस पुरणार आहे देव जाणे. बाकी चालु द्या. आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

वरील छोटा डॉन यांच्या प्रतिसादात तसेच मराठमोळां नी विचारेल्या प्रश्नासंदर्भातः >>>कसाबशी प्रत्यक्ष/अप्रत्यक्ष संबंध असलेला हा ७वा धागा असावा. कसाबचे भांडवल अजुन्किती दिवस पुरणार आहे देव जाणे. (:मराठमोळा) अहो जो पर्यंत त्याच्यासंदर्भात जो पर्यंत काही महत्वाचे बदल दिसणार्‍या घटना घडणार तो पर्यंत त्यासंदर्भात कोणी न कोणी तरी लिहीत राहणारच. शिवाय हा धागा कसाबवर असण्यापेक्षा या (अतिरेकी) घटनेने देशबांधव हे धर्मबांधवा पेक्षा महत्वाचे हे कृतीतून दाखवून देणारे दिसले आणि त्याला लगेच "हिंदू फॅनॅटीक" असे म्हणणार्‍या बाळासाहेबांनी मानाचा मुजरा केला या संदर्भात आहे. >>>पण आता विकासरावांचा लेख वाचुन "त्यांना" नक्की काय म्हणायचे हे समजले नाही ...(: छोटा डॉन) वरच्या परीच्छेदात हा उद्देश थोडाफार आला असे वाटते. तरी देखील मला जे काही वाटते त्या काही गोष्टी अधिक स्पष्ट करतो: तुमचा "राष्ट्र आधी की इस्लाम" हा मुद्दा एकदम चपखल आहे. त्यामुळे यात विशेष काय असे वाटणे आणि म्हणणे हे देखील गैर वाटणार नाही. पण समाजातील कुठल्याच गोष्टींकडे बघताना कृष्ण-धवल नजरेतून बघता येत नाही. मात्र दुर्दैवाने इस्लामिक धर्ममातंड, (कुठलेही) राजकारणी आणि प्रसारमाध्यमे यांनी अशी कृष्ण-धवल वृत्ती आणि नजर तयार केली आणि बहाल केली. त्यामुळे इतिहासात कितीही खोल वर जाता येत असले तरी, स्वातंत्र्यचळवळीच्या इतिहासात खिलाफत चळवळीस पाठींबा देत तुर्कस्तानचा खलीफा (ज्याला तुर्कांनी घालवले होते) तो आमचा पण बादशहा असे म्हणायला म. गांधीं म्हणत राहीले पण दुसरीकडे त्याच वेळेस रस्त्यावरील मुसलमान भिकारी हा केवळ मुसलमान आहे म्हणून गांधींपेक्षा जवळचा असे म्हणणारे मुसलमान नेतृत्व त्याचवेळेस अतित्वात राहीले. आता जरा फास्ट फॉरवर्ड केले आणि नंतर स्वातंत्र्यानंतर पण पाहीले तर मुसलमानी सामन्य जनतेस मुसलमानी सुशिक्षित हे अधुनिकतेपासून दूरच ठेवत आले आहेत. शबाना आझमी, दिलीप कुमार यांच्यासारखे प्रथितयश कलाकार तसेच अनेक विविध क्षेत्रातील बुद्धीवंत मुसलमान हे त्यांच्या समाजाला अधुनिक व्हा हे शिक्षण देण्यापासून कारणे काही असोत चार हात लांबच राहीले. मात्र जेंव्हा धार्मिक तेढ आली तेंव्हा मात्र स्वतःच्या धर्माची बाजू घेत असल्याचा देखावा करत राहीले - मग व्यक्तिगत धर्म खरेच इतर सामान्यांसारखा पाळत नसले तरी काय बिघडले? हाच प्रकार हिंदूंच्या बाबतीतही झाला आहे - विशेष करून जातीचे राजकारण आणत. तरी देखील एकाच एका धर्ममार्तंडांची मनावरील सत्ता सुदैवाने हिंदू समाज त्या अर्थी एक नसल्याने कधी येऊ शकली नाही. (कारण कुणाला गजानन महाराज आहेत, कुणाला मुरारी बाबू, तर कुणाला नरेंद्र दाभोळकर :) ) शिवाय महाराष्ट्राच्या बाबतीत तर अजून एक नशिब: शाहू महाराज, महात्मा फुले, न्या. रानडे, आगरकर, कर्वे, आंबेडकर आणि इतर अनेकांनी वेळोवेळी नुसता वैचारीक विरोध केला नाही तर त्यांच्या त्यांच्या समर्थक/समाजात शिक्षणाचे महत्व सातत्याने सांगत त्यांना जागे करायचे काम केले. (म. फुल्यांचे वाक्य आठवते का?: विद्येविना मती गेली मतीविना नीती गेली नीतिविना गती गेली गतीविना वित्त गेले वित्ताविना शुद्र खचले एवढे अनर्थ एका अविद्येने केले) काही अपवदात्मक उदाहरणे सोडली तर मुसलमान समाजामधील कुठल्याच प्रकारचे नेतृत्व, संघटना, ह्यांनी जेथे जेथे इस्लामिक अतिरेकी कारवायांचा संबंध येतो तेथे कधी आवाज उठवला नाही अथवा पाकीस्तान जिंकले म्हणून फटाके उडवणार्‍यांना जरा समाजशिक्षण देण्याच्या कानपिचक्या दिल्या नाहीत... ह्या सर्व पार्श्वभूमीवर "इस्लाम जिमखाना" या प्रतिष्ठीत संघटनेने आवाज उठवला. तो उठवताना अर्थातच त्यांना त्यांच्या सभासद आणि समाजाच्या भावनांचा विचार करावा लागला असेल. इतके वर्षे सतत प्रत्येक धार्मिकच नव्हे तर सामाजीक गोष्टपण इस्लाम आधी या पद्धतीनेच विचार करायला लावायची सवय एकदम घालवता येणार नाही. म्हणून त्यांनी जर "हे इस्लामच्या विरोधात आहे" असे म्हणत कृती केली म्हणून काही त्याचे महत्व कमी वाटायला नको. जसे या बातमीतून इस्लामीक सुधारकांचे विचार स्पष्ट कृतीत दिसले तसेच बाळासाहेबांना काय म्हणायचे असते हे देखील तितकेच स्फटीका इतके स्वच्छ दिसले. दुर्दैवाने अशा व्यवस्थित लिहीलेल्या वैचारीक लेखाला इंग्रजी माध्यमे प्रसिद्धी देणार नाहीत कारण त्यावर त्यांना त्यांची रोजीरोटी मिळत नाही... सगळेच चांगले झाले तर झाली ना बोंब.. त्यापेक्षा राहूंदेत जरा फरक, राहूंदेत समाजाचा काही भाग अडाणी, काही भाग धर्मांध, म्हणजे आपली न्यूजरीळे चालू राहतील आणि बातम्यांच्या वेळेस चॅनल्सचा टिआरपी पण वाढेल, शिवाय आपन बुद्धीवादी ठरू ते वेगळेच. अर्थात या संदर्भात इ-सकाळ ने ही बातमी प्रसिद्ध करून स्वतःचा वेगळेपणा दाखवून दिला आहे हे नक्कीच येथे सांगायला हवे.

आपला प्रतिसाद अगदी योग्य आहे.

इस्लाम असाच आहे. फक्त काही विकृत धर्मांध जिहादच्या नावाखाली इस्लामची अवहेलना करतात. सस्नेह विशाल ************************************************************* इतक्या वर्षानंतर तिला पाहिली तेव्हा कशी भासली सांगु.... कल्पनेतला "ताजमहाल" हिणकस ठरला !!! :-) :-)

बाबराने राम मंदीर (आणि इतर अनेक मंदीरे) पाडलिच नाहीत

बाबराने छ्प्पन मंदिरे पाडली असतील पण तो विषय २१व्या शतकात उकरुन काढून लोकांच्या भावना भडकवण्यात काय अर्थ आहे?आपल्याला आवडेल असा ईतिहास अर्धवट पुराव्यांवर काढायचा, नावडत्या ईतिहास्कारांची सुडो सेक्युलर म्हणून टवाळकी करायची ह्याला माझा आक्षेप आहे.बरे, दंगली मध्ये मरणार तो माथे भडकावलेला माणुस्. हे आणि ह्यांची बाळे झेड सुरक्षेत सुखरूप. १५० वर्षे ब्रिटिशानी भारताला लूट लूट लुटले.तो इतिहास हल्लिचाच्.आता पेटा की ब्रिटिशांविरुध्ध. आहे दम? भेन्डि क्ष्^न + य्^न = झ्^न

केवळ ते आक्रमक धर्माने मुसलमान होते म्हणून त्यांच्यावर टीका करू नये का

असे अजिबात नाही.टीका करायला माझा अजिबात आक्षेप नाही.बाबर्,औरंगझेब ह्यांचे धर्मांध राजकारण आपणास ठावूक आहेच. ह्या ईतिहासावर राजकारण करुन लोकाना पेटवायला माझा आक्षेप आहे. भेन्डि क्ष्^न + य्^न = झ्^न

पैगंबरांनी इस्लाम हा धर्म शांती आणि भाईचारा यासाठी स्थापन केला. मुळात इस्लामी समाज अतिशय शांतता प्रिय आणि प्रेमळ व सत्शील आहे. माझे अनेक मुसलमान मित्र म्हणजे मानवतेचे शांतिदुत आहेत. स्वातंत्र्योत्तर काळात तरी निदान या समाजाला पुढे आणण्यासाठी सवलती देणे गरजेचे आहे. एकदा का निरक्षरता, अज्ञान, गैरसमज दूर झाले की त्या धर्मातील वाट चुकलेले माथेफिरु परत चांगल्या मार्गाला लागतील. यासाठी गरज आहे त्यांना मुख्य प्रवाहात आणण्याची. त्यासाठी त्यांना पण जातीनिहाय आरक्षण दिले पाहिजे. गाद्यांमध्ये रुपयांची बंडले शांतपणे भरून आनंदाने त्यावर झोपणारा, मेथांबा