मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

सोनियाच्या सुता तुला खानदानी वरदान....

स्पार्टाकस · · जे न देखे रवी...
लेखनविषय:
विडंबन
दादा कोंडकेंची माफी मागून मूळ गीत - अंजनीच्या सुता तुला रामाचं वरदान सोनियाच्या सुता, तुला खानदानी वरदान.... एकमुखाने चमचे, गाती राहुल आख्यान || ध || माता किरीस्ताव तुझी, पिता पारशी बावा... जानवेधारी ब्राह्मण म्हणूनी, कैसा तू खपावा? पन्नाशीला आला, बुद्धी बालकासमान.... || १ || चहुकडे ऐसे ज्ञान, पाजळशी राया... सकाळच्या रात्री उठीसी, ऐसी तुझी माया... खुळावले शिंदे, झाले मनमोहन हैराण... || २ || देशद्रोह्यांसाठी घेतलीस, विद्यापीठी धाव.... करा देशाचे तुकडे, हम आए तुम्हें बचाव... चाचा दिग्वीजय, कन्हैया बंधूसमान... || ३ || जमत नाही म्हणूनी आली, बहिण धावून... जिजाजींनी भरल्या तुंबड्य, जमिनी लाटून... झाली चौकशी तर, धोक्यात संविधान... || ४ || स्वप्न मोहनदासाचे होवो, विसर्जित पक्ष... नाही जमले कोणा परी, तुझे तेच लक्ष्य... जामिनावर सुटूनी, म्हणसी चोर पंतप्रधान... || ५ || - यतिन भट
वाचन 16492 प्रतिक्रिया 22

ज्ञानोबाचे पैजार Sat, 02/09/2019 - 09:40
लै म्हणजे लै म्हणजे लैच जबरा लिहीली आहे. आजकाल पप्पु त्याच्या चाळ्यांमुळे फारच डोक्यात जायला लागला आहे. पैजारबुवा,

व्ही. डी. सी. Sat, 02/09/2019 - 13:00
मस्त! मोदीवर सुद्धा एक विडंबनात्मक कविता लिहून उपकृत कराल अशी आशा आहे! टॉम मोर्वोलो रिडल यांच्या तुकारामांवरील कवितेची आठवण झाली!इथे तो विषय नाही पण सर्वांनी एकदा वाचावीत अशी सुंदर कविता: नाही वैकुंठाला गेला....... नाही वैकुंठाला गेला । तुका मारूनी टाकला । डाव्या हाताचा कलंक । उजव्या हाताने झाकला ॥१॥ ऐसे बोलीले बयान । आले नेण्यासी विमान । त्यात बैसुनिया तुका । गेला निघुनी गुमानं ॥२॥ खरे काय , काय खोटे । सत्य जाणूनी घेवावे । मीही सांगितले म्हणुनी । नाही विश्वासी रहावे ॥३॥ गीतेवरी भाष्य ग्रंथ । तुका लिही मंत्रगीता । त्याने भडकला तेंव्हा । वेदाभिमान्यांचा माथा ॥४॥ वर्णव्यवस्था तयाने । सारी येईल धोक्यात । वेदाविरोधाचे ज्ञान । कैसे भरले तुक्यात ? ॥५॥ रामेश्वर भटा सांगे । सांगे मंबाजी चुगली । मन कर्मठांची मने । तुका रोषाने फ़ुगली ॥६॥ रामेश्वराच्या दिवाणी । न्याय मागूनी घेतला । तुकोबांचा ग्रंथसाठा । इंद्रायणीत फ़ेकला ॥७॥ होते तुकाचे अभंग । बहु लोकायच्या तोंडी । पुन्हा आले जनलोकी । कैसी होणार गा कोंडी ॥८॥ रामेश्वर मंबाजीने । मारियले तुकोबास । आणि सांगिले जगाला । तुका गेला वैकुंठास ॥९॥ -टॉम मोर्वोलो रिडल

जानु Sat, 02/09/2019 - 17:12
भौतिक शास्त्रानुसार मान्य केले की तुकोबाराय सदेह स्वर्गाला नाही गेले, परंतु त्यांचा खून झाला आणि तो अमुक व्यक्तीनेच केला हे तुम्हास कसे कळले?

व्ही. डी. सी. Sat, 02/09/2019 - 17:37
डॉ. सुदाम सावरकर लिखित 'वैकुण्ठगमन की खून' हे पुस्तक वाचावे. पुस्तक बुकगंगा.कॉम वरती सुद्धा उपलब्ध असू शकेल: https://www.bookganga.com/eBooks/Books/details/4758228737214917033?BookName=Vaikunthgamn-kee-khun