एक गाणे आणि शुभेच्छा

नमस्कार. सर्व मिपाकराना गणेशोत्सवाच्या हार्दिक शुभेच्छा. आणि आपल्या लाडक्या मिपाला २ वर्षे पुर्ण झाल्याबद्दल सर्वांचे अभिनंदन. असो,तर मुळ सांगायचा मुद्दा असा की आत्ता झी टॉकीजवर आयुष्यावर बोलु काही चे पुनःप्रक्षेपण चालु आहे. आणि मगाशीच मी त्यात एक गाणे ऐकले. हे गाणे खरेतर मी काही दिवसापुर्वीच यु नळीवरुन उतरवुन घेतले आहे, व सध्या त्याचे पारायण चालु आहे,अगदी या गाण्याव लिहायचे,त्याचे रसावलोकन का रसग्रहण जे काही म्हणतात ते करायचेच असे ठरवुन मनात लेखही तयार केला होता. पण्,नंतर लक्षात आले की काही गाण्यांचे अवलोकन करण्यात वेळ घालवायचा नसतो, ती फक्त अनुभवायचीच असतात.तसाच हा अनुभव.मी आजपर्यंत ज्यांना ज्यांना हे गाणे पाहताना वा ऐकताना पाहिले आहे त्या सर्वांच्या डोळ्यांच्या कडा पाणावल्याचेही पाहिले आहे आणि याला एकही अपवाद नाही..... म्हणुनच काहीही न लिहिता ते गाणे तुमच्यापुढे ठेवत आहे. खरेच सांगतो,मी हे गाणे जवळ जवळ १०० वेळा ऐकले असेल पण एकदाही माझ्या डोळ्यात पाणी आल्याशिवाय राहिलेले नाही. मिपावर आज अनेक परदेशस्थ नागरीक्,संगणक क्षेत्रातील राबणारे लोक आहेत,त्या सर्वांची व्यथा हे गाणे मांडते हे नि:संशय . त्या सगळ्याना जे म्हणता आले नसेल ते हे गाणे सांगते. म्हणुनच मिपावरच्या बर्‍याचशा लोकानी हे गाणे ऐकले असण्याची शक्यता असतानाही हे गाणे मी इथे टाकत आहे. खरेतर गणेश चतुर्थीच्या प्रसन्न वातावरणात हे गाणे इथे द्यावे का नाही याविषयी अजुनही संभ्रम आहे.पण ,निदान या शुभदिनी हे सर्व लोक आपल्यावर अशी वेळ येवु देणार नाहीत अशी प्रतिज्ञा करतील असे वाटत असल्याने किंवा तशी इच्छा असल्याने हे गाणे इथे देत आहे. बाकी हा गजानन सर्वाना सद्बुद्धी देवो हीच त्याच्याकडे प्रार्थना. आणि हो, या गाण्यावर लिहिण्यासाठी शिवशिवणारा हात थांबवण्यात जरी मला यश आले असले,तरी या कार्यक्रमावर लिहिणे मात्र मी टाळु शकलो नाही,त्यामुळे या कार्यक्रमावर लिहिलेला लेख

सलाम आबोका

http://beta.esakal.com/2009/08/19141213/Muktapeeth-on-experience-of-sa.html इथे वाचु शकता.(जरुर वाचा,चांगला झाला आहे असे वाटत आहे.) याच संदर्भातील लेख पुर्वी मिपावर लिहिला असल्याने हा लेख मिपावर प्रकाशित केला नव्हता. मात्र,तुम्ही लेखाला अनुसरुन प्रतिसाद इथे दिल्यास आनंद वाटेल. बाकी सर्वाना पुन्हा एकदा शुभेच्छा. आपला, (गणेशभक्त आणि मिपाप्रेमी) विनायक