आंतरराष्ट्रीय बीयर दिवस

इंग्लंड, हॉलंड, जर्मनी, ऑस्ट्रीया, स्वीडन ह्या देशांत आणि फ्रान्स, इटली, स्पेन, पोर्तुगाल ह्या देशांत काय फरक आहे? आता भौगोलिक दृष्टीने पहिला गट हा उत्तर युरोपात तर दुसरा गट हा दक्षिण युरोपत मोडतो. हवामानाच्या दृष्टीने पाहिले असता, पहिला गट हा बराचसा थंड तर दुसरा गट थोडासा उबदार हवेचा आहे. भाषिक अंगाने पाहिले असता, पहिला गट हा जर्मॅनिक गटातील भाषा बोलतो तर दुसरा गट रोमन्स गटातील. परंतु, यहूनही अधिक मोठा फरक आहे तो त्यांच्या पेयपानाच्या सवयीबाबात. पहिला गट हा प्रामुख्याने बियर पिणारा आहे तर, दुसरा प्रामुख्याने वाईन! आता पहिल्या गटाच्या देशातील नागरीक हे अधिक उद्यमशील आहेत तर दुसर्‍या गटातील नागरीक हे बहुतांशी आळशी (लेड बॅक) प्रवृत्तीचे आहेत. काही मंडळी त्याचा संबंध त्या देशांतील हवामानाशी जोडतात पण ते चूक आहे! त्याचा थेट संबंध आहे तो त्यांच्या पेयपानाशी!! बियर हे कुठलीही असो, अगदी रासयनिक लागर वा नैसर्गिक एल, हलकी-फुलकी ड्राफ्ट वा काळसर-कडवट गिनीज, बियर ही बियर असते! वर नंदन यांनी बेंजामिन फ्रॅन्कलीन यांचे उद्धरण दिले आहे. पण तेवढ्या लांब कशाला जा? आपले केशवसूतदेखिल बियरचे फॅन होते यात मलातरी तीळमात्र शंका नाही! अहो, काठोकाठ भरू द्या प्याला, फेस भराभर उसळू द्या प्राशन करीता रंग जगाचे, क्षणोक्षणी ते बदलू द्या हे काव्य बियर प्याल्याशिवाय का सुचणार आहे? Doing what you like is freedom. Liking what you do is happiness.