आजची मुक्ताफळे (Quote of The Day)

काल माझ्या एका जीवलग मित्राने quote of the day असा मथळा देऊन एक वाक्याचा विरोप पाठविला. त्यावर झालेली चर्चा आणि देवणघेवाण येथे मांडत बसत नाही. पण झाले असे की ते वाक्य उगाचच मनात रेंगाळत राहिले. बर्‍याचदा असेच कोणाचे तरी, कोठेतरी ऐकलेले एकच वाक्य मनात घोळत राहते. कधी मन मोहरून जावे असे तर कधी विचारात पडावे असे. कधी अंगाचा भडका उडावा असे तर कधी हसून हसून गडाबडा लोळावा असे. तर कधीकधी उगाचच आवडून जावे असेही. तसेही अलिकडे आपण जगतो ते Sound Bites च्या जगात. ह्या अशा Sound Bite झळकविण्यासाठी मिपावर एखादा कोपरा असायला हवा असे वाटले. खादाडीचे चित्र असते किंवा थोरामोठ्यांची वचने दिलेली असतात तेथेच कोठेतरी ताज्या मुक्ताफळांनीही जागा असावी असे वाटले. तसे झालेच तर छानच पण नाही झाले तरी आग्रह नाही. तोवर आजची मुक्ताफळे असे हे छोटेखानी सदर प्रकाशित करावेसे वाटते आहे. प्रतिसादांमध्ये quote of the day दिसावेत अशी अपेक्षा आहे. (संक्षिप्त) एकलव्य (रंगास्टाईल बाता - मला जेव्हा काही रुचेल, आवडेल ते ते मी देईनच... पण दररोज मला शक्य नाही. मुख्य कारणे दोन - (१) आवडल्यावर लिहिणे सोपे आहे... एखाद दुसरे वाक्यच तर जोडायचे पण रोज काहीतरी आवडायला हवे ना; (२) येथे भलेभले दादा/काका/माई/दादा/काका बसलेले असताना रोज माझी टॅवटॅव हवीय कशाला?