जेष्ठ नृत्यांगना रोहिणी भाटे यांना श्रध्दांजली........ जगप्रसिद्ध नृत्यांगना रोहिणी भाटे (वय ८३) यांचे आज (शुक्रवारी) पहाटे साडे तीन वाजता निधन झाले. गेले काही दिवस त्या आजारी होत्या. त्यांच्या मागे मुलगा कॅप्टन सनत कुमार, सुन शमा असा परिवार आहे. दुपारी दीड वाजता वैकुंठ स्मशानभूमीत अंत्यसंस्कार होणार आहेत. रोहिणीताईंनी नेत्रदान केले होते. पंडिता रोहिणी यांचा शिष्यपरिवार जगभर विखुरला आहे. १९४७ मध्ये त्यांनी नृत्यभारती कथक नृत्य अकादमी स्थान केली. तब्बल सहा दशकांहून अधिक काळ त्यांच्या अनेक शिष्यांना गुरु रोहिणीताईंच्या अखंड मार्गदर्शनाचा प्रत्यक्ष लाभ मिळाला. महाराष्ट्र राज्य पुरस्कारासह (१९७७) अनेक पुरस्कारांच्या रोहिणीताई मानकरी ठरल्या. संगीत नाटक अकादमी पारितोषिक (१९७७), नृत्य-विलास (१९८०), नृत्य-गंध (१९८६), महाराष्ट्र गौरव पुरस्कार (१९९०), गोदावरी गौरव पुरस्कार (१९९४), केंद्रीय सांस्कृतिक मंत्रालयाची फेलोशिप (१९९४), प्राईड ऑफ पुणे (१९९५) आदी सन्मानांनी त्यांना गौरविण्यात आले. कथक नृत्याचे पैलू उलगडून दाखविणारे संशोधनपर लेखन त्यांनी केले. लेखक, अनुवादक, वक्ता, शिक्षक आणि नृत्यांगना असा रोहिणीताईंच्या कर्तृत्वाचा विविधांगी पट होता. स्त्रोत - ई-सकाळ