निळकंठबुवा बिदरकर ..संगीत क्षेत्रातील एक गुरुतुल्य व्यक्तीमत्व . बुवांचे नाव घेताच अनेक जाणकार गायक, वादक , रसिक श्रोते कानाची पाळी पकडत . एक निर्माता आपल्या शास्त्रीय संगीतावरील चित्रपटामध्ये बुवांनी गावे यासाठी इच्छुक होता . पण चित्रपटसंगीतातील बंधनांमुळे बुवा राजी नव्हते . अखेरीस आर्थीक गरजांमुळे ते तयार झाले . तो चित्रपट आणी बुवांचे गाणे खुप गाजले . एका मैफीलीला बुवांनी ईश्वरवंदना करुन रागदारीला आरंभ केला . "बुवा ..आधी तुमचे " सुरचंद्रमा" पिच्चरमधलं " सावनकी बहारें" होउन जाऊदे ." पहिल्या रांगेतील मानाच्या कोचावरील देणगीदाराने फर्माईश केली . बुवांनी संताप आवरला . सप्तसुरांना वंदन करुन अर्धवट राहिलेली रागदारी त्यांनी पुनश्च आरंभ केली .