मी तर, 'फुडारी' असं शुद्ध स्वरूप ऐकलं आहे.

ख्या ख्या ख्या. च्या मारी, point to be noted judgesaab.

आजची पिढी भापोमसंत या तत्वावरच विश्वास ठेवते!

“Are you there” म्हनायचा आहे काय !!

आता लेखणी खाली ठेवणे नाही. कुटंय त्यो आजोबा म्हन्न्नारा.... ? तुज्यासंगट आता आमीबी गेलो ना बाराच्या भावात.....? मायला, ह्या तरन्या पोरांना खाय आक्कल नस्ती.. कुटंबीकायबी बोलतंय..

किती तो शुद्धलेखनाचा अट्टाहास. जरा शहरी चौसोपी वाडयातून बाहेर पडून आजूबाजूच्या वाडयांवर आणि आदिवासी पाडयांवर फिरा. म्हणजे कळेल तुम्ही कुठे आहात ते. भाषा हे आपल्या संवादाचे माध्यम आहे. आपण भाषेसाठी नाही. आणि कुठली भाषा प्रमाण मानायची? तुमची आताची पुस्तकी भाषा का? फार दूर नका जाऊ फक्त कोकणात फिरा. मुंबईपासून मालवण कणकवलीपर्यंत. जिल्हा संपायच्या आत भाषा बदलते इथे. नुसते रायगडचे उदाहरण घेतलेत तरी उत्तर रायगडमध्ये आगरी आणि दक्षिण रायगडमध्ये बाणकोटी या बोली भाषा आहेत. लोकांचे दैनंदिन व्यवहार याच भाषांमध्ये होतात. ते जाऊ दया. आमच्या माऊलींच्या ज्ञानेश्वरीतील भाषेबद्दल काय मत आहे तुमचे. ती शुद्ध आहे का?

दिवाकर कुलकर्णी, 'प्रथितशय' बरोबर की 'प्रथितयश'? 'रहातात' बरोबर की 'राहतात'? शुध्दलेखनाबद्दलचा तुमचा आग्रह मलाही मान्य आहे, पण तुमच्या-माझ्याकडून सुध्दा (किंव), नवीन नियमाप्रमाणे, सुद्धा) होतात ... मात्र अर्थात किमान/निदान एखाद्या प्रथितयश वर्तमानपत्रात तरी अशा अक्षम्य चुका होऊ नयेत हे कबूल. - दिपोटी

मी काय म्हंतो, तुमी कोल्लापुरकर, त्यानी कोल्लापुरकर. रंकाळ्यावर भेटा संदयाकाळी आणि काय त्ये ठरवून टाका भेळ खात खात. हुन जौंद्या. ;)

http://www.loksatta.com/arthasatta-news/customers-buy-gold-at-dussehra-festival-1153581/ "नव्या निवार्‍याबाबत उस्तुकता." बातमीत शब्द अजूनही बदलला नाहीये. 'नव्या निवार्‍यांच्या खरेदीबाबत खरेदीदार उत्सुक आहेत' असा त्या मथळ्याचा अर्थ आहे. यात व्याकरण कुठे चुकले असे वाटत तर नाही. वृत्तपत्राचे मथळे जागेअभावी असेच असतात.

अशुद्ध लेखन स्पेलिंग मिष्टेक पण असू शकते कन्फ्युज्ड अकाऊटंट साहेब ...

काडी उत्तम.... ओपनवाल्यांना अचूक राहण्याचं वरदान प्राप्त असतं का रावसाहेब?

अशा चुकामागं आरक्षण एकच कारण असू शकत नाही,

आरक्षण हे एक कारण आहे असं तुमचं मत आहे तर... ब्वॉरं ब्वॉरं!

जोडाक्षर चुकणे हे सदोष व्याकरण कसे नव्हे

अच्छा! तर जोडाक्षर चुकलंय हीच चुक अपेक्षित आहे ना? मग तो मुद्राराक्षसाचा विनोद नाही कशावरून आणि उपसंपादकांच्या डुलक्या नाही हेही कशावरून ठरवलंत आपण? कशावरून त्यांची टायपोग्राफिकल चुक राहून गेली नसेल? तेवढ्यावरून त्यांना व्याकरणाबद्दलच अज्ञानी कसं ठरवता येइल? माझ्या मते त्याला 'एरर ऑफ जक्स्टापोझिशन' का असलं काहीतरी म्हणता येइल. व्याकरणाचा नियम काही त्यांनी तोडलेला नैये त्याबाबतीत.

तुमची थोडीशी कामं वाढवु का? :)

आम्ही दर्जेदाराकडून दर्जा चींच अपेक्षा करणार ना,जर्द्याची नाही ना

दर्जेदार चिंच कसली असते, चिंचेची वेलांटी र्‍हस्व असते. किंवा दर्जाचीच असे असते किंवा गॅप चुकलेली असते किंवा नाही ना नंतर प्रश्नचिन्ह असते. बादवे तुमच्यासारख्या चोखंदळ वाचकाकडून अशा चुका अपेक्षित नाहीत. ;)

मनोगतावर ही सुविधा आहे बहुतेक.

यावर शंतनू ओक काम करत होते/आहेत, त्यांनी अनेक फोरम्स वर सहकार्याची विनंती पण केली होती, माहीत नाही किती मदत मिळाली त्यांना. पण तरीही त्यांनी काम चालू ठेवले आहे असे दिसते खरे तर हे काम तितके कठीण नाही, सोशल मिडियाचा कल्पक वापर केला, सगळे एकत्र आलो तर १-२ महिन्यात असे software तयार होऊ शकते मी भाषा तज्ञ नाही पण मराठीत मला नाही वाटत की १०,००० पेक्षा जास्त रोजच्या वापरातील शब्द असतील आणि महाराष्ट्रात निदान १०,००० तरी मराठी पत्रकार, विद्यार्थी, शिक्षक, प्राध्यापक असतील जे शुद्ध मराठी बोलू आणि लिहू शकतात. या सर्वांनी १-२ शब्द जरी तपासले तर हे काम सहज साध्य आहे. आणि आता स्मार्ट फोन मुळे हे काम आणखी सोपे वाटते. अगदी जरी मिसळपाव, मनोगत, मायबोली यांचा डेटा dump मिळाला तरी त्यातून युनिक शब्द काढून (Perl मधे ४-६ ओळींचा प्रोग्रॅम ) आणि ते रिव्हू करून सहज ३-५ हजार शब्द तयार होऊ शकतात aspell, hunspell सारखी अनेक softwares आहेत ज्यांना हा शब्द संग्रह दिला की तुम्ही म्हणता तसा स्पेल चेकर तयार होईल स्विडीश, नॉर्वेजिअन भाषा बोलणारे जेमतेम ५०-६० लाख लोक आहेत पण त्यांच्या भाषेत सगळ्या सोयी आहेत आणि १०-१२ कोटी मराठी बोलणाऱ्या लोकांसाठी मात्र काही सोय नाही. आपले व्यावहारीक मुल्य कमी असल्याने आपण priority लिस्ट मधे नव्हतो पण आता गुगल, Apple सारख्या कंपन्या यात उतरल्या आहेत. आपण स्वतः काही केले नाही तर ते जे काही, जेव्हा, जसे देतील तसे घेऊ जर येथे कोणी mobile apps वर काम करणारे असेल अणि या विषयावर काम करायचे असेल तर आपण एकत्र येउन काहीतरी करू शकतो बाय द वे, शुध्दलेखन की शुद्धलेखन?

काका, तुम्हाला लोकसत्ताची एका शब्दातील "उत्सुकता" खुपली. इथे तुमचे तुमचे पुर्ण प्रतिसाद शुद्धलेखनाच्या दृष्टीने गंडले आहेत. वरुन लोकांनी ते निदर्शनास आणून देताच मैदानातून पळही काढताय. मला उगाचच "आपले ठेवायचे झाकून आणि दुसर्‍याचे पाहायचे वाकून" ही म्हण आठवली. :)

पॉड का पॅड? ह्याला मराठी शब्द वापरता येणार नाहित का? ह्याला मराठी प्रतिशब्द सुचवला गेलाचं पाहिजे.

दिवाकरजी माझ्या प्रतिसादाच्या शेवटी डोळे मिचकावणारी स्मायली आहे. ;) अशी. चुका वगैरे काढण्याचा हेतू अजिबात नाहीये. गडबडीत, साधनांच्या त्रुटीमुळे, कधी सवयीने किंवा कधी एकाच वेळी खूप कामे केल्याने अशा चुका होऊ शकतात. वृत्तपत्र माध्यमात अशा गोष्टीत अधिक जागरुकता हवी याला मी सहमत आहे. माझ्यामुळे आपणांस मित्राची आठवण आली. चांगलेय. :) मीही अभ्याच. अभ्याजी वगैरे नाही.

र्‍हस्व दिर्घ चा संबधं मीटशी कुठुन आला. आम्ही शाकाहारी आहोत.

'नीट'नंतरच मीट लागते ;)

मा. अभ्या जी माझे आय पॉड विराम चिन्हासाठी गंडलेले आहे (आता असे म्हणू नका कि ते मी का वापरावे)असो, चींच मध्ये अनुस्वार जादा पडला असेल पण ह्रस्व चि तुम्हाला दीर्घ कशी दिसली,(इथे प्रश्न चिन्हआहे) चीच मुळे तुमची करमणूक झाली असावी, असे असेल तर ,आनंद. बाय द वे माझा एक बाल मित्र होता अविनाश भालचंद्र जोशी, त्याला आम्ही अभ्या च म्हणायचो,एकिकडं व्यवसायानं डॉक्टर दुसरीकडं अष्टपैलू नटहि ,दुरदैवानं आज आमच्यात तो नाही,असो कुठल्याचं द्रुष्टीनं मी चोखंदळ वगैरे नाही, आपल्याला बहुतेक चुकांदळ म्हणायचं असावं

यात सार्‍या प्रश्नांची उत्तरे आहेत. :)

धान्यवाद्य (मंजे धन्यवाद देण्यास योग्य) प्रतिसाद! सो, धन्यवाद! !! ;)

सेटिंग्ज मधे जाऊन किबोर्ड मराठी करा म्हणजे हा त्रास कमी होईल.

काका, तुम्हाला ते वक्त चित्रपटातील राजकुमारचे अजरामर वाक्य आठवत नाही का? जिनके अपने घर शीशे के हों वोह दुसरोंपर पत्थर नही फेंका करते तळटीप १: वर्तमानपत्राकडून शुद्धलेखनाची अपेक्षा करणे गैर नाही. मात्र तशी अपेक्षा करताना आपण शुद्धलेखनाच्या ढिगभर चुका करुन नामानिराळे राहण्याचा प्रयत्न करणे नक्कीच योग्य नाही. तळटीप २: माझ्या टंकनात शुद्धलेखनाच्या चुका असू शकतात. ;)

इंग्रजी>हिण्दी>मराठी असा प्रवास घड्याळाच्या सेकंदकाट्यावर, फारसा व्यासंग नसलेल्या, वाचन, शब्दसामर्थ्य नसलेल्या कॉपी-पेस्ट टंकणकांकडून ह्यापेक्षा जास्त अपेक्षा व्यर्थ आहे.

हुप्प्या, ते ९९ कोरड्यांची शिक्षा असं हवं होतं. र खाऊन टाकलाय मुद्राराक्षसाने. आ.न., -गा.पै.