Skip to main content

असंच काहीतरी

लेखक प्यारे१ यांनी गुरुवार, 15/10/2015 03:11 या दिवशी प्रकाशित केले.

लिहावंसं वाटतं; कधीकधी उगाचच वाटतं.
काय लिहायचं ते नंतर ठरतं.

शिवशिव करतात हात, धडधडते छाती
होईल का नीट सुरुवात, की होईल साऱ्याची माती

लिहीलंय सगळ्यांनी खूप, कशाला हवी आणखी भर
आहे तेच झालंय फार, कशाला हवी पसाऱ्यात भर

शब्द झालेत द्वाड खूप, शब्दांना लागतंय वाटीभर तूप
म्हणतात येऊ बाहेर आम्ही, स्मराल जेव्हा सार्थ रुप

कुठली आम्हां सवड तेवढी, कशाला लागतोय एवढा वेळ
भरभर ठोकू खिळे 'रफट'चे, अहो सगळा तर आहे सोपा खेळ

खेळ खेळता फसतो डाव 'असला' खेळ खेळता फसतो डाव
उरती अक्षरे मृत वाकडे अन् रुततो उरी द्वेषाचा घाव

उरते भांडण अन् वाद हां हृदयी, तुटते नाते झुरते मनही
वाटे नकोच असले विजयी होणे, विसरो सारा आपपरभाव

लेखनविषय:
लेखनप्रकार
वाचने 3972
प्रतिक्रिया 21

प्रतिक्रिया

मुक्त विहारि गुरुवार, 15/10/2015 07:44

"उरते भांडण अन् वाद हां हृदयी, तुटते नाते झुरते मनही
वाटे नकोच असले विजयी होणे, विसरो सारा आपपरभाव."

ह्याला प्रचंड सहमत.

पण काही जण फूल्ल बॉटल लेमन वॉटर पिवून हितोपदेश करणारे वाद घालायलाच येत असतात.

प्यारे१ गुरुवार, 15/10/2015 11:10

शत प्रतिशत सहमती.
मात्र आम्ही मूळ आयडीनावानंच जे काय करायचं ते करतो. उगाच 'सालसपणा' करीत नाही. ;)
मध्ये काही दिवस नाव बदललं होतं तेव्हा सांगून बदललं होतं आणि आयडी क्रमांक तोच होता.

मांत्रिक गुरुवार, 15/10/2015 11:14

खेळ खेळता फसतो डाव 'असला' खेळ खेळता फसतो डाव
उरती अक्षरे मृत वाकडे अन् रुततो उरी द्वेषाचा घाव

उरते भांडण अन् वाद हां हृदयी, तुटते नाते झुरते मनही
वाटे नकोच असले विजयी होणे, विसरो सारा आपपरभाव सुंदर!!!

मांत्रिक गुरुवार, 15/10/2015 11:15

खेळ खेळता फसतो डाव 'असला' खेळ खेळता फसतो डाव
उरती अक्षरे मृत वाकडे अन् रुततो उरी द्वेषाचा घाव
उरते भांडण अन् वाद हां हृदयी, तुटते नाते झुरते मनही
वाटे नकोच असले विजयी होणे, विसरो सारा आपपरभाव

सुंदर लिहिलंय!

पैसा गुरुवार, 15/10/2015 13:50

लिखाण आवडले. यामागची भावना सच्ची असेल असे समजून प्रतिक्रिया देत आहे.

द-बाहुबली शनिवार, 17/10/2015 12:46

प्यारेच्या लेखणीत शिसं आढळलं ? ब्यान करा. सर्व स्तॉक जप्त करा. दिवाळी अंक होस्तवर सोडु नका ;)

खेळ खेळता फसतो डाव 'असला' खेळ खेळता फसतो डाव
उरती अक्षरे मृत वाकडे अन् रुततो उरी द्वेषाचा घाव .......................... उरते भांडण अन् वाद हां हृदयी, तुटते नाते झुरते मनही
वाटे नकोच असले विजयी होणे, विसरो सारा आपपरभाव

बरेच दिवसांनी एकदम म्हातारं झाल्यासारखे वाटले.

ज्ञानोबाचे पैजार शनिवार, 17/10/2015 09:46

बोळा निघाला आणि पाणी वहाते झाले,
मन मोकळे झाले, आणि गुरुजी लिहिते झाले.
परत एकदा पॅड बांधुन बॅटिंग करायला सिध्द झाले

एकाच दिवसात दोन वेगवेगळ्या विषयांवरचे वाचनिय धागे?

एवढे दिवस हात बुडाखाली दाबुन का बसला होतात हो मग? ह्ट्ट केल्या सारखे?

चला आता उचला लेखणी आणि होउन जाउदे येळाकोट येळकोट जय मल्हार.

पैजारबुवा,

प्यारे१ शनिवार, 17/10/2015 12:39

ऑयिंग?
असं काही झालेलं नाही.
आमचे बोळे आम्ही कधीच तुंबवत नसतो.
बाकी केम छे?

डॉ सुहास म्हात्रे शनिवार, 17/10/2015 12:50

छान मुक्तक !

बर्‍याच दिवसांनी फक्त प्रतिसाद-प्रतिसाद खेळायचं सोडून लेख लिहायला सुरुवात केली हे फार चांगले झाले. सुस्वागतम आणि लिहीत रहा !