पोहे

फार दिवसा पुर्वि एक कविता मीपा वर वाचली
निट आठवत नाहि पण ति कल्पना जाम आवडली व त्या नुसार कविता ्लिहावि असे वाटत होते
"येथे उपासाच्या कचोर्‍या मिळतील..असे काहिसे शब्द होते
कविता आवडल्यास त्याचे श्रेय त्या अज्ञात कविस व त्याच्या कल्पना शक्तिस.
=========================================
पोहे

पृथ्वीच्या अर्धगोलाकार आकाराची कढई...
खाली सहस्र सूर्य ओकतोय अशी आग
तापलेलेल्या रिफाइंड तेलाच्या डोहात
मोहरीचे, ब्रह्मांडात अणू रेणूचे चालते तसे तडतड नर्तन
साथीला हिरव्या मिरच्या व कढीपत्त्याचा
व्योमास भेदणारा चर्र्र्र असा नाद
कांदे व बटाट्याचे काप व रुद्राचा हळदीचा भंडारा
सूर्याच्या रक्तिमा सारखे लाल तिखट व हिंग
उलथण्याने सारे मिश्रण हालतं राहते
आत पडतो मग भिजवलेल्या पोह्यांचा डोंगर व कोथिंबीर
चवीनुसार मीठ व साखर
ब्रह्मांडात चालणा~या उलथा पालथीसारखे
ते उलथले जाते कढईत.. पोह्याचा एक कण हि न सांडता
आणी झाकले जाते ते झाकणा खाली..
जेम्स वॅट च्या सहस्र इंजिनांनी उश्वास टाकल्यावर जशी वाफ बाहेर येते
तशी वाफ झाकण काढल्यावर येते..
अन पूर्णब्रह्माचा तो खमंग स्वाद सा~या ब्रह्मांडात दरवळू लागतो
डोळे मिटून तो अनुभवत असतो व मिसळतो आत्म्यात
व घुमू लागतो तो सोहम अनाघत नाद
अन...अन्नपुर्णेची मंजुळ आवाजात हाक येते..
"अहो..नाश्त्याला येता ना ..पोहे तयार आहेत."
आज नाश्त्याला गरमागरम पोहे व फक्कड चहा चा बेत आहे..
आपणही या ..आपले स्वागत आहे.